ଫୁଲନଖରା: ଚାଷ କାର୍ଯ୍ୟ ସାରି ଫେରୁଥିବା ଏକ ଟ୍ରାକ୍ଟର ଧକ୍କାରେ ସଦର ଥାନା ଅନ୍ତର୍ଗତ ବିଶ୍ୱାଳପଡ଼ା ଗ୍ରାମର ଦାମୋଦର ଖଟୁଆଙ୍କ (୫୫) ମୃତୁ୍ୟ ହୋଇଛି । ସେ ନାଗବାଲି-ସାଶୋଳ ରାସ୍ତାର ବିଶ୍ୱାଳପଡ଼ାଠାରେ ଠିଆ ହୋଇଥିଲାବେଳେ ଚାଷ କାର୍ଯ୍ୟ ସାରି ଗହୀର ଭିତରୁ ରାସ୍ତା ଉପରକୁ ଉଠୁଥିବା ଏକ ଟ୍ରାକ୍ଟର ତାଙ୍କ ଉପରେ ମାଡ଼ିଯାଇଥିଲା । ଏତôରେ ଶ୍ରୀ ଖଟୁଆଙ୍କ ମୃତୁ୍ୟ ହେବା ସହିତ ତାଙ୍କ ବାଇକ ଭାଙ୍ଗିରୁଜି ଯାଇଛି । ଏହି ଖବର ପ୍ରଚାରିତ ହେବାରୁ ଗ୍ରାମବାସୀ ସେଠାରେ ରୁଣ୍ଡ ହୋଇ ଟ୍ରାକ୍ଟରରେ ନିଆଁ ଲଗାଇଦେଇଥିଲେ ।
ନରପୁର ଦମକଳ ବାହିନୀ କର୍ମଚାରୀ ନିଆଁକୁ ଲିଭାଇଥିଲେ । ଖବର ପାଇ ସଦର ଥାନା ପୋଲିସ ଏସିପି ସତ୍ୟରଞ୍ଜନ ମଲିକ, ଆଇଆଇସି ସୁଧାଂଶୁ ଜେନା, ଅନିତାରାଣୀ ସାହୁ ପ୍ରମୁଖ ଘଟଣାସ୍ଥଳରେ ପହଞ୍ଚô ଉତ୍ୟକ୍ତ ଲୋକଙ୍କୁ ବୁଝାସୁଝା କରି ରାସ୍ତା ଅବରୋଧ ହଟାଇଥିଲେ । ଆମ୍ବୁଲାନ୍ସ ଯୋଗେ ମୃତ ଦେହକୁ ବ୍ୟବଚ୍ଛେଦ ପାଇଁ ପୋଲିସ କଟକ ପଠାଇ ଏକ ମାମଲା ରୁଜୁ କରିଛି । ଦୁର୍ଘଟଣା ଘଟାଇଥିବା ଟ୍ରାକ୍ଟର ଚାଳକ କେଉଁଆଡ଼େ ଫେରାର ହୋଇଯାଇଛଇ । ଏହି ଘଟଣାକୁ ନେଇ ବିଶ୍ୱାଳପଡ଼ା ଅଞ୍ଚଳରେ ତୀବ୍ର ପ୍ରତିକ୍ରା ପ୍ରକାଶ ପାଇଛି ।
