ଖୋର୍ଦ୍ଧା,୧୨ା୪ (ସ.ବୁ୍ୟ): କରୋନା ଭୁତାଣୁ ସଂକ୍ରମଣ ରୋକିବା ପାଇର୍ ଜାରୀ ରହିଥିବା ଲକଡାଉନ ସତ୍ୱେ ବେଗୁନିଆ ଅଂଚଳର ବିଭିନ୍ନ ସ୍ଥାନରେ ଚୋରା ରେ ଦେଶୀ ଓ ବିୋଦଶୀ ମଦ ବେପାର ଜାରୀ ରହିଛି । ତେବେ ଏଭଳି ଅଭିଯୋଗ ଆସେିବା ପରେ ଖୋର୍ଦ୍ଧା ଅବକାରୀ ବିଭାଗ ପକ୍ଷରୁ ଆଜି ଉକ୍ତ ଅଂଚଳରେ ଚଢାଉ କରାଯାଇଥିଲା । ଚଢାଉବେଳେ ଅବକାରୀ ପୁଲିସ ୨୦ଲିଟର ଦେଶୀ ମଦ ଓ ଗୋଟିଏ ବାଇକ କୁ ଜବତ କରିଥିବାବେଳେ ଏଥିରେ ସମ୍ପୃକ୍ତ ବ୍ୟକ୍ତିଙ୍କୁ ଗିରଫ କରିଛି । ଗିରଫ ଜଣକ ହେଲେ ଉକ୍ତ ଥାନା ଅନ୍ତର୍ଗତ ପିଚୁକୁଳି ଗ୍ରାମର ସହଦେବ ନାୟକ(୩୫) ।
ଘଟଣାରୁ ଜଣାଯାଇଛି, ଆଜି ସକାଳ ସମୟରେ ସହଦେବ ଓଆର.୦୨.ଏଇ- ୪୭୩୭ ନମ୍ବର ବିଶିଷ୍ଟ ଏକ ହିରୋହୋଣ୍ଡା ମୋଟର ସାଇକେଲ ରେ ୨୦ଲିଟର ଦେଶୀ ମଦ ନେଇ ଯାଉଥିବାବେଳେ ପିଚୁକୁଳି ଛକ ନିକଟରେ ତାକୁ ଅବକାରୀ ବିଭାଗର ଏକ ଟିମ୍ ଧରିବାରେ ସକ୍ଷମ ହୋଇଥିଲେ । ଏହାପରେ ଅବକାରୀ ପୁଲିସ ତାଠାରୁ ଉକ୍ତ ମଦ ଓ ବାଇକ କୁ ଜବତ କରିଥିବାବେଳେ ୦୧/୨୦୨୦ ନମ୍ବର ମାମଲାରେ ଗିରଫ କରିଥିବା ଅବକାରୀ ଇନ୍ସପେକ୍ଟର ରଞ୍ଜନ କୁମାର ନାୟକ ସୂଚନା ଦେଇଛନ୍ତି ।
