କଣିହାଁ : େଓøରାଙ୍ଗବାଦ ଠାରେ ଟ୍ରେନଲାଇନରେ ଶୋଇଥିବା ସମୟରେ ଟ୍ରେନ ମାଡି ମୃତ୍ୟୁ ବରଣ କରିଥିବା ୧୬ଜଣ ପ୍ରବାସି ଶ୍ରମିକମାନଙ୍କ ବିୟୋଗରେ ଏନଟିପିସି ଏଆଇୟୁଟିୟୁସି ଶ୍ରମିକ ସଙ୍ଗଠନ ପକ୍ଷରୁ ଶ୍ରଦ୍ଧାଜଂଳୀ ଜ୍ଞାପନ କରାଯାଇଛି । ସଙ୍ଗଠନ ପକ୍ଷରୁ ଗଦାଶିଳା ୟୁନିୟନ ଅଫିସ ସମ୍ମୁଖରେ ଶ୍ରମିକ ମାନଙ୍କ ଉଦେ୍ଦଶ୍ୟରେ ଏକ ସହିଦସ୍ତମ୍ବ ନିର୍ମାଣ କରାଯାଇ ସେଠାରେ କର୍ମକର୍ତା ମାନଙ୍କ ଦ୍ୱାରା ଶ୍ରଦ୍ଧାଜଂଳି ପ୍ରଦାନକରାଯିବା ସହ ତାଙ୍କର ଅମର ଆତ୍ମାର ସଦଗତି କାମନା କରାଯାଇଥିଲା ।
ୟୁନିୟନ ପକ୍ଷରୁ କେନ୍ଦ୍ର ସରକାରଙ୍କ ନିକଟରେ ମୃତକ ଶ୍ରମିକ ମାନଙ୍କର ପ୍ରତି ପରିବାରକୁ ୧୦ ଲକ୍ଷଟଙ୍କା କ୍ଷତିପୁରଣ ପ୍ରଦାନ ସହ, ଲକଡାଉନ ସମୟରେ କାମନପାଇ ଘରେ ବସିଥିବା ପ୍ରତି ଶ୍ରମିକମାନଙ୍କୁ ମଜୁରୀ ପ୍ରଦାନ କରିବା ପାଇଁ ଦାବୀ କରାଯାଇଛି । ଉକ୍ତ କାର୍ଯ୍ୟକ୍ରମରେ ୟୁନିୟନର ପ୍ରହ୍ଲାଦ ଚନ୍ଦ୍ର ସାହୁ, ଜୟସେନ ମେହେର, ଭିକାରୀ ଚରଣ ପ୍ରଧାନ, ରାଜେଶ ପାଣି, ଟୁନା ନାଏକ ପ୍ରମୁଖ ଉପସ୍ଥିତ ଥିଲେ ।
