କୋଣାର୍କ :ଜନୈକ ଯୁବ ଇଂଜିନୟରଙ୍କ ବିଦେଶରେ କରୋନା ଜନିତ ମୃତ୍ୟୁ ଘଟିଥିବାର ଜଣାପଡ଼ିଛି ।ମିଳିଥିବା ସୂଚନା ମୁତାବକ କୋଣାର୍କ ମାଧିପୁର ଛକରେ ଗୋପ ଅଂଚଳର ଜଣେ ଯୁବ ଇଂଜିନୟର ଘରଭଡ଼ା ନେଇ ଦୀର୍ଘ ମାସ ଧରି ପରିବାର ସହିତ ରହି ଆସୁଛନ୍ତି । ସଂପୃକ୍ତ ଇଂଜିନୟର ଜଣକ ସୁଦୁର ଓମାନ ରେ ବରିଷ୍ଠ ମେକାନିକାଲ ଇଂଜିନିୟର ଭାବେ କାର୍ଯ୍ୟରତ ଥିବା ବେଳେ ତାଙ୍କର ଅଧ୍ୟାପିକା ପତ୍ନୀ ପିଲାଛୁଆଙ୍କ ସହିତ କୋଣାର୍କ ମାଧିପୁର ଛକରେ ରହୁଛନ୍ତି ।ସଂପୃକ୍ତ ଇଂଜିନୟର ଜଣକ କୋଣାର୍କ ଥାନା ନିକଟସ୍ଥ ଏକ ଗ୍ରାମରେ ବିବାହ କରିଛନ୍ତି ।
ତେବେ ସଂପୃକ୍ତ ଇଂଜିନୟରଙ୍କ କରୋନା ଜନିତ ମୃତ୍ୟୁ ହୋଇଥିବା ନେଇ ତାଙ୍କ ପତ୍ନୀଙ୍କ ପାଖକୁ ଇଂଜିନୟର କାର୍ଯ୍ୟ କରୁଥିବା ସଂସ୍ଥାରୁ ସୂଚନା ଆସିଥିଲା । ସଂପୃକ୍ତ ମୃତ ଇଂଜିନିୟରଙ୍କ ଗୋଟିଏ ଝିଅ ଓ ଗୋଟିଏ ଛୋଟ ପୁଅ ଥିବାର ଜଣାପଡ଼ିଛି ।
