ବାଲେଶ୍ୱର-୦୧/୧୧: ରାଜ୍ୟ ସରକାରଙ୍କ ଖାଦ୍ୟ ଏବଂ କ୍ରୟନୀତି ଅନ୍ତର୍ଗତ ଅନୁଛେଦ ୧୬.୪ ଏବଂ ଖରିଫ ମାର୍କେଟିଂ ସିଜିନ (କେଏମ୍ଏସ୍) ୨୦୨୩୦୨୪ ଅନୁଯାୟୀ ବାଲେଶ୍ୱର ଜିଲ୍ଲା ମୁଖ୍ୟାଳୟରେ ଏକ ଉତ୍ସର୍ଗୀକୃତ ନିୟନ୍ତ୍ରଣ କକ୍ଷ (କଣ୍ଟ୍ରୋଲରୁମ୍) ପ୍ରତିଷ୍ଠା କରି ଏହି ଅଞ୍ଚଳର କୃଷକମାନଙ୍କୁ ସାହାଯ୍ୟ କରିବା ପାଇଁ ପଦକ୍ଷେପ ନିଆଯାଇଛି । ଏହି କଣ୍ଟ୍ରୋଲରୁମର ଯୋଗାଯୋଗ ନମ୍ବର ହେଉଛି ୦୬୭୮୨-୨୬୫୭୪୧ । ଏଥି ସହିତ ମଣ୍ଡିରେ ଧାନ ବିକି୍ର କରିବା ସମୟରେ କୃଷକମାନେ ସମ୍ମୁଖିନ ହେଉଥିବା ବିଭିନ୍ନ ସମସ୍ୟାର ସମାଧାନ ପାଇଁ ବ୍ୟବସ୍ଥା କରାଯାଇଛି । କୃଷକମାନଙ୍କୁ ସେମାନଙ୍କର ଅଭିଯୋଗଗୁଡ଼ିକପାଇଁ ଏକ ନିରନ୍ତର ଚ୍ୟାନେଲ ଯୋଗାଇବା ଏବଂ ସେମାନଙ୍କୁ ଆବଶ୍ୟକ ସହାୟତା ଏବଂ ମାର୍ଗଦର୍ଶନ ପ୍ରଦାନ କରିବା ହେଉଛି ଏହି ପଦକ୍ଷେପର ପ୍ରାଥମିକ ଲକ୍ଷ୍ୟ ଜିଲ୍ଲା ମୁଖ୍ୟ ଯୋଗାଣ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ କୃଷକଙ୍କ ଅଭିଯୋଗର କାର୍ଯ୍ୟଦକ୍ଷତା ଏବଂ ଶିଘ୍ର ସମାଧାନ ପାଇଁ ଅଜୟ କୁମାର ମଲ୍ଲିକ ଶୁଭ୍ରାଂଶୁ ଶେଖର ଦେବ ମଣ୍ଟୁ ପାଲାର ପ୍ରମୁଖ ୩ଜଣ ଅଧିକାରୀଙ୍କୁ ନିୟନ୍ତ୍ରଣ କକ୍ଷରେ ନିଯୁକ୍ତି ଦିଆଯାଇଛି । କୃଷକମାନଙ୍କ ଠାରୁ ପ୍ରାପ୍ତ ସମସ୍ତ ଅଭିଯୋଗର ରେକଡିଂ ପାଇଁ କଣ୍ଟ୍ରୋଲରୁମ୍ରେ ଏକ ପୃଥକ ରେଜିଷ୍ଟର ରଖାଯିବ । ଧାନ କ୍ରୟ ସମୟରେ କୃଷକମାନେ ସମ୍ମୁଖୀନ ହେଉଥିବା ସମସ୍ୟା ଗୁଡ଼ିକର ତୁରନ୍ତ ସମାଧାନ କରାଯିବ, ଏହାଛଡ଼ା କଣ୍ଟ୍ରୋଲରୁମ୍ ସମସ୍ତ କ୍ରୟ କେନ୍ଦ୍ରର ଧାନକ୍ରୟ ଉପରେ ସକ୍ରିୟଭାବରେ ନଜର ରଖିବ ଏବଂ କଷ୍ଟମ ମିଲର ଦ୍ୱାରା ଠିକ୍ ସମୟରେ ଧାନ ଉଠାଇବା ନିଶ୍ଚିତ କରିବ ।
