ଆଠଗଡ : ଗୁରୁଡିଝାଟିଆ ଥାନା ଅନ୍ତର୍ଗତ ବାଳି ଗ୍ରାମର ସାନନ୍ଦ ନାଏକ ପୁଅ ମୋହନ ନାଏକଙ୍କୁ ଗତ କାଲି ରାତିରେ ହତ୍ୟା କରି ଗ୍ରାମର କୋଠଘର ବାରଣ୍ଡାରେ ପକାଇ ଦେଇଥିବା ସାନ ଭାଇ ଶିଶିର ନାଏକ ଗୁରୁଡ଼ିଝାଟିଆ ଥାନାରେ ଏତଲା ଦେଇଥିବା ଜଣାପଡିଛି, ଘଟଣାରୁ ପ୍ରକାଶ ଗତ କାଲି ମୃତ ମୋହନ ଅପରାହ୍ନରେ ବାହାରକୁ ଆସି ଆଉ ଘରକୁ ଫେରି ନ ଥିଲେ, ପରିବାର ଲୋକ ବହୁ ଖୋଜାଖୋଜି କରି ନିରୁପାୟ ହୋଇ ରହିଥିଲେ । ଆଉ ଆଜି ସକାଳୁ ମୋହନଙ୍କ ମୃତ ଦେହ ଗ୍ରାମ କୋଠ ଘର ବାରଣ୍ଡାରେ ପଡ଼ିଥିବା ଦେଖିବାକୁ ମିଳିଥିଲା । ସାନ ଭାଇ ଶିଶିର ନାଏକ ଥାନାରେ ଏତଲା ଅନୁସାରେ ତାର ଭାଇ ମୋହନକୁ କେହି ହତ୍ୟା କରି ବାରଣ୍ଡାରେ ପକାଇ ଦେଇଥିବା ଏତଲା ଦେଇଥିଲେ, ଏତଲା ଆଧାରରେ ଗୁରୁଡ଼ିଝାଟିଆ ପୋଲିସ ଶବ ଜବତ କରିବା ସହ ଥାନା କେଶ ନମ୍ବର ୧୩୮/୨୦୨୩ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ମୃତ ମୋହନ କିପରି ମୃତ୍ୟୁ ହେଲା ତାହା ସନ୍ଦେହ ଘେରରେ ତାହାକୁ ନେଇ ଗୁରୁଡିଝାଟିଆ ପୋଲିସ ତନାଘନା ଚଳାଇଛି।
