ଉଦୟଗିରି : ଚଣ୍ଡିଖୋଲ-ପାରାଦ୍ୱୀପ ୫୩ ନଂ ଜାତୀୟ ରାଜପଥର ଓଳାଶୁଣୀ ଛକ ନିକଟରୁ ରବିବାର ଏକ ଫାସି କାଠ ବୋଝେଇ ଟାଟା ଏସି ଗାଡି ଜବତ କରିଛି ବନ ବିଭାଗ । ଏକ ଟାଟା ଏସି ଗାଡିରେ ଚୋରା କାଠ ବୋଝେଇ କରି ସାଲେପୁର ପଟୁ ବାଲିଚନ୍ଦ୍ରପୁର ଅଭିମୁଖେ ଆସୁଥିବା ବନ ବିଭାଗର ଭିଜିଲାନ୍ସ ଟିମ୍ ଖବର ପାଇ ଚଢାଉ କରିଥିଲା । ବନବିଭାଗ ଭିଜିଲାନ୍ସର ଡି.ଏଫ୍.ଓ ରଜନୀ ମହାନ୍ତି ଙ୍କ ନେତୃତ୍ୱରେ ଏକ ଟିମ ଗାଡିକୁ ଧରିବା ପାଇଁ ଓଳାଶୁଣୀ ଛକ ନିକଟରେ ଜଗିରହିଥିଲେ ।
ଗାଡିଟି ଜାତୀୟ ରାଜପଥରେ ପହଞ୍ଚିବା କ୍ଷଣି ପୁର୍ବରୁ ଜଗି ରହିଥିବା ବନବିଭାଗ ଅଧିକାରୀ ଗାଡି ଅଟକାଇ ଥିଲେ ତେବେ ଗାଡିର ଚାଳକ ଗାଡିକୁ ଛାଡି ସେଠାରୁ ଖସିଯିବାକୁ ସକ୍ଷମ ହୋଇଥିଲା । ଏହି ଗାଡିରେ ୩୧ ସିଫ୍ଟ ଫାସି କାଠଥିବା ବିଭାଗ ପକ୍ଷରୁ ସୂଚନା ମିଳିଛି ।ଆଜିର ଏହି ଚଢାଉରେ ବନ ବିଭାଗ ଭିଜିଲାନ୍ସ କର୍ମଚାରୀ ଙ୍କ ସହିତ ଡାଳିଜୋଡା ରେଞ୍ଜର କର୍ମଚାରୀ ମାନେ ସାମିଲ ଥିଲେ । ଜବତ ଗାଡିକୁ ଚଣ୍ଡିଖୋଲ ସ୍ଥିତ ବନବିଭାଗ କାର୍ଯ୍ୟାଳୟକୁ ନିଆଯାଇଛି । ।
