ସୁଶାନ୍ତ ସିଂହ ରାଜପୁତଙ୍କ ମୃତୁ୍ୟକୁ ୨୧ ଦିନ ହୋଇଗଲାଣି । ଏବେ ବି ପ୍ରଶଂସକମାନେ ତାଙ୍କୁ ଭୁଲିପାରିନାହାନ୍ତି, ତାଙ୍କୁ ବିଭିନ୍ନ ଉପାୟରେ ଶ୍ରଦ୍ଧାଞ୍ଜଳି ଦେଉଛନ୍ତି । ସୁଶାନ୍ତଙ୍କର ଅନ୍ତରୀକ୍ଷ, ଗ୍ୟାଲେକ୍ସି, ଚନ୍ଦ୍ର ଓ ତାରାରେ ବହୁତ ସଉକ ଥିଲା । ରକ୍ଷା ନାମକ ତାଙ୍କର ଜଣେ ଫ୍ୟାନ୍ ଟ୍ୱିଟ୍ କରି କହିଛନ୍ତି, ସେ ସୁଶାନ୍ତଙ୍କ ନାମରେ ସୌରମଣ୍ଡଳରେ ଏକ ତାରା କିଣିଛନ୍ତି । ରକ୍ଷା ଆମେରିକାରେ ରୁହନ୍ତି । ସେ ଟ୍ୱିଟ୍ ସହ ସାର୍ଟିଫିକେଟ୍ ବି ସେୟାର କରିଛନ୍ତି । ସେ ଲେଖିଛନ୍ତି, ‘ସୁଶାନ୍ତଙ୍କୁ ତାରା ବହୁତ ପସନ୍ଦ । ତେଣୁ ମୋତେ ତାଙ୍କ ନାମରେ ତାରାର ନାମକରଣ କରିବା ଠିକ୍ ଲାଗିଲା । ସବୁବେଳେ ଏପରି ଚମକୁଥାଅ ।’ ସେ ସେୟାର କରିଥିବା ସାର୍ଟିଫିକେଟ୍ ଅନୁଯାୟୀ ଆର୍ଏ.୨୨.୧୨୧ ପୋଜିଶନ୍ର ତାରାକୁ ସୁଶାନ୍ତ ସିଂହ ରାଜପୁତ ନାମ ଦିଆଯାଇଛି ।
