ସୋର, ୨୫/୯- ସୋର ବ୍ଲକ ନଦୀଗାଁ ପଞ୍ଚାୟତ କାନପୁର ଗ୍ରାମର ଏକ ଧାନ ବିଲ ଭିତରୁ ଜଣେ ଯୁବକର ମୃତଦେହ ଗଳିତ ଅବସ୍ଥାରେ ପୁଲିସ୍ ଉଦ୍ଧାର କରିଛି । ଏହି ଗ୍ରାମର ଆଦିବାସୀ ଋଷୁ ସିଂଙ୍କ ପୁଅ ବାପିନ ସିଂ(୨୮) କିଛିଦିନ ହେଲା ନିଖୋଜ ଥିବା ବେଳେ ଆଜି ନିଶ୍ଚିନ୍ତପୁର ପଞ୍ଚାୟତ କୁଡ଼େଇ ଗ୍ରାମର ଏକ ଧାନ ବିଲରେ ଗଳିତ ଅବସ୍ଥାରେ ତାଙ୍କ ମୃତ ଦେହ ପଡ଼ିଥିବା ଦେଖିପାରି ପରିବାର ଲୋକେ ପୁଲିସକୁ ଖବର ଦେଇଥିଲେ । ପୁଲିସ ଘଟଣାସ୍ଥଳରୁ ମୃତ ଦେହକୁ ଉଦ୍ଧାର କରି ବ୍ୟବଚ୍ଛେଦ କରିଛି । ତେବେ ତାଙ୍କର ମୃତ୍ୟୁ ନେଇ ସାଧାରଣରେ ସନ୍ଦେହ ସୃଷ୍ଟି କରିଥିବା ବେଳେ ପରିବାର ତରଫରୁ ୪ ଦିନ ହେଲା ନିଖୋଜ ଥିବା ନେଇ ଅଭିଯୋଗ କରାଯାଇଛି । ତାଙ୍କର ସାମାନ୍ୟ ମୁଣ୍ଡ ଦୋଷଥିବା ପରିବାର ଲୋକେ କହିଛନ୍ତି ।
