ଛତ୍ରପୁର ୨୦/୫: କରୋନାକୁ ନେଇ ସମଗ୍ର ବିଶ୍ୱ ଘଡିସନ୍ଦି ମୁହୁର୍ତ୍ତ ଦେଇ ଗତି କରୁଛି । ତାର ମୁକାବିଲା ପାଇଁ ଓଡିଶା ତଥା ସମଗ୍ର ଭାରତ ବର୍ଷ ରେ ଚତୂର୍ଥ ପର୍ଯ୍ୟାୟ ଲକ ଡାଉନ ଅବଧୀ ଚାଲିଛି । ହେଲେ ଏହାର ଫାଇଦା କିଛି ଅସାଧୁ ଓ ଚୋରା ବେପାରୀମାନେ ଉଠାଉଥିବାର ଦେଖିବାକୁ ମିଳିଛି ।କେଉଁଠି ଚୋରା ମଦ କାରବାର ହେଉଥିବା ଖବର ଆସୁଥିବା ବେଳେ ଆଉ କେଉଁଠି ବେଆଇନ ଖୁଟଖା କାରବାର ହେଉଥିବା ମଧ୍ୟ ଖବର ଆସୁଛି ।
ପୁଲିସ ଓ ଅବକାରି ବିଭାଗ ପକ୍ଷରୁ ବିଭିନ୍ନ ସମୟରେ ଚଢଉ କରାଯାଉଛି ଓ ସେମାନଙ୍କୁ ଗିରଫ ମଧ୍ୟ କରାଯାଉଛି ।ହେଲେ ତଥାପି ହେଜୁ ନାହାନ୍ତି ସେମାନେ । ଆଜି ଶେରଗଡ ଥାନା ଥାନା ପୁଲିସ ଶେରଗଡ ଅଂଚଳର ବି.ବଳରାମ ପାତ୍ରଙ୍କ ଘର ଭିତରେ ଚଢଉ କରି ୮ଲକ୍ଷ ଟଙ୍କା ମୂଲ୍ୟର ୫୨ବସ୍ତା ପାନ ମସଲା ଜବତ କରିଛନ୍ତି । ଏହି ଘଟଣାରେ ତାଙ୍କୁ ପୁଲିସ ଗିରଫ କରିଥିବା ଡିଆଇବି ଡିଏସପି ଅଜୟ କୁମାର ମିଶ୍ର ସୂଚନା ଦେଇଛନ୍ତି ।
