ପୁରୀ : ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ସ୍ବାସ୍ଥ୍ୟ ପ୍ରଶାସନ ପକ୍ଷରୁ ବିଶ୍ଵ ଏଡସ୍ ଦିବସର ଏକଦିନ ପୂର୍ବରୁ ଆଜି ପାଳନ ହୋଇଛି ବିଶ୍ଵ ଏଡସ୍ ଦିବସ। ଅସଂଯତ ଜୀବନ ଶୈଳୀ ଓ ଅପ୍ରାକୃତିକ ଯୌନ ସଂପର୍କରୁ ଦୂରରେ ରହି ଏକ ଶୃଙ୍ଖଳିତ ଜୀବନ ଯାପନ ଭାରତ ବର୍ଷକୁ ୨୦୩୦ ମସିହା ସୁଦ୍ଧା ଏଡ଼ସ ମୁକ୍ତ କରିପାରେ ବୋଲି ମତପ୍ରକାଶ ପାଇଛି। ଡିସେମ୍ବର ପହିଲା ବଦଳରେ, ମହାମହିମ ରାଷ୍ଟ୍ରପତିଙ୍କ ପୁରୀ ଗ୍ରସ୍ତକୁ ଦୃଷ୍ଟିରେ ରଖି, ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟ ଓ ସ୍ବାସ୍ଥ୍ୟ ପ୍ରଶାସନ ପକ୍ଷରୁ ବିଶ୍ଵ ଏଡସ୍ ଦିବସର ଏକଦିନ ପୂର୍ବରୁ ପାଳନ ହୋଇଛି ବିଶ୍ଵ ଏଡସ୍ ଦିବସ। ଏଥିପାଇଁ ସକାଳୁ ଗୁଣ୍ଡିଚା ମନ୍ଦିର ଠାରେ ଡାକ୍ତର ବିରଜା ଶଂକର ରଥ ସଚେତନ ଶୋଭାଯାତ୍ରାକୁ ଉଦଘାଟନ କରିବା ପରେ, ଏହି ଶୋଭାଯାତ୍ରା ବାହାରି ପୁରୀ ମୁଖ୍ୟ ଚିକିତ୍ସାଳୟରେ ପହଞ୍ଚିଥିଲା। ଡାକ୍ତର ଲଲାଟେନ୍ଦୁ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପ୍ରଫେସର ସୁଦର୍ଶନ ପୋଥାଳ, ଡାକ୍ତର ଅଶୋକ ମିଶ୍ର, ଯକ୍ଷ୍ମା ଓ ଏଡ଼ସ କମିଟିର ବରିଷ୍ଠ ସଦସ୍ୟ ଵଦ୍ରି ମିଶ୍ର,ମିନତୀ ପରିଡା,ଅଲିଭା ସାହୁ, ଟି.ନାରାୟଣ ରାଓ, ବାବୁଲା ପ୍ରସାଦ,ଦୀପା ସାହୁ, ଦେବକୀ ମାଆ, ଅଶୋକ ସାହୁ, କେ.ଲକ୍ଷ୍ମୀ, ପ୍ରିୟଙ୍କା ନର୍ସିଂ କଲେଜର ଡକ୍ଟର ବାବୁଲା ବେହେରା, ଅତିଥି ଭାବେ ଯୋଗଦେଇ, ଭାରତବର୍ଷରେ ପାଖା ପାଖି ୨୪ଲକ୍ଷ, ଓଡ଼ିଶାରେ ୪୬ ହଜାର, ଗଞ୍ଜାମ ଜିଲାରେ ୧୫ ହଜାର ଏଡ଼ସ ରୋଗୀ ରହିଥିବା ବେଳେ, ପୁରୀ ରେ ଏହାର ସଂଖ୍ୟା ନଗଣ୍ୟ ଅର୍ଥାତ୍ ମାତ୍ର ୭ଶହ ହୋଇଥିଲେହେଁ, ଧର୍ମ ଓ ପର୍ଯ୍ୟଟନ କ୍ଷେତ୍ର ପୁରୀ କୁ ପ୍ରତ୍ୟହ ବିଭିନ୍ନ ଦେଶବିଦେଶର ଭକ୍ତ ଓ ପର୍ଯ୍ୟଟକ ଆସୁଥିବାରୁ,ଏଡସ୍ ସଂକ୍ରମଣର ପ୍ରତିରୋଧ କରିବାକୁ ସମସ୍ତ ଜନସାଧାରଣ ସଚେତନ ରହିବା ପ୍ରଧାନ ଆବଶ୍ୟକତା ବୋଲି କହିଥିଲେ । ସଂଯୋଜକ ସୁଦର୍ଶନ ଜେନା, ଦୁଃଖିଶ୍ୟାମ ପଟ୍ଟନାୟକ, ଦୈତ୍ୟାରି ପଟ୍ଟନାୟକ ଓ ଦେବାଶିଷ ମର୍ଦ୍ଦରାଜଙ୍କ ପରିଚାଳନା ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ସ୍ନିଗ୍ଧା ପଟ୍ଟନାୟକ, ନିବେଦିତା ଦାସ,ରଶ୍ମୀତା ମହାନ୍ତି ଓ ଶୈଳବାଳା ମିଶ୍ର ସହଯୋଗ କରିଥିଲେ।
