ପିପିଲି: ପିପିଲି ବ୍ଲକରେ ବିଭିନ୍ନ ଗ୍ରାମରେ ଯୁବକ ମାନଙ୍କ ଦ୍ୱାରା ମହାମାରୀ କୋରନା ସଂକ୍ରମିତ ରୋଗରୁ ରକ୍ଷା କରିବା ପାଇଁ ଗ୍ରାମ ଗୁଡିକ ସାନିଟାଇଜ୍ରେ ବିଶୋଧନ କରାଯାଇଛି । ମିଳିଥିବା ସୁଚନା ମୁତାବକ ନୁଆଶାସନ ପଂଚାୟତରେ ବ୍ଲକ ବିଜେଡି ଉପସଭାପତି ଡା.ଚିନ୍ମୟ ମହାପାତ୍ରଙ୍କ ନେତୃତ୍ୱରେ ସୈାମ୍ୟ ରଂଜନ ମହାପାତ୍ର ପ୍ରମୁଖଙ୍କ ଉପସ୍ଥିତିରେ ଗ୍ରାମ ସାନିଟାଇଜ୍ କରାଯାଇଥିବା ବେଳେ ତେଇସିପୁର ପଂଚାୟତର ଆଳିଶ ଗ୍ରାମରେ ସମିତି ସଭ୍ୟ ଧରଣୀଧର ସାହୁ ସରପଂଚ ନରେନ୍ଦ୍ର ଦାଶଙ୍କ ଉପସ୍ଥିତିରେ ଗ୍ରାମ ୱାଡସଭ୍ୟ ଓ ଯୁବକ ମାନେ ସାମାଜିକ ଦୁରତା ବଜାୟ ରଖି ସାନିଟାଇଜ୍ କରିଛନ୍ତି ।ତତ୍ ସହିତ ଅଙ୍ଗନବାଡି ଓ ଆଶା କର୍ମି ମାନେ ଘରେ ଘରେ ବୁଲି କୋରନା ସଂକ୍ରମିତ ଜୀବାଣୁରୁ ରକ୍ଷାପାଇବା ପାଇଁ ହାତ ଧୋଇବା ପାଇଁ ସାବୁନ ଦେଇଛନ୍ତି । ସେହିପରି ପୋଡଙ୍ଗରେ ଜିତେନ୍ଦ୍ର ସେନାପତି ସାହୀ ଗୁଡିକ ସାନିଟାଇଜ୍ କରିଛନ୍ତି ।
