ଭୁବନେଶ୍ୱର : ସାରା ରାଜ୍ୟକୁ ସଟଡାଉନ କରି ଓ ପୁରୀରେ କର୍ଫ୍ୟୁ ଘୋଷଣା କରି କରୋନା କଟକଣା ନିୟମକୁ ମାନି ସେବାୟତ ଓ ପୁଲିସ ମାନଙ୍କ ଦ୍ୱାରା ରଥଯାତ୍ରା କରାଯାଉ । ଗତ ଦୁଇ ଦିନଧରି ବହୁ ପ୍ରବକ୍ତା ଟିଭି ଓ ଚିଠି ମାଧ୍ୟମରେ ବହୁ ବିଳମ୍ବରେ ନିଜର ମତପୋଷଣ କଲେ ବୋଲି ଆଜିର ପ୍ରେସବାର୍ତାରେ ପିସିସି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ କହିଛନ୍ତି । ସେ ପ୍ରକାଶ କରିଛନ୍ତି କି ଯାହା ଏବେ କଲେ, ତାହା ବହୁ ଆଗରୁ ଏହା ସରକାରଙ୍କ ବିଚାର କରିବାର ଆବଶ୍ୟକ ଥିଲା । ଆଜି ସୁପ୍ରିମକୋର୍ଟର ବିଚାର ସମୟରେ ଯୋଉଁମାନଙ୍କର ରଥଯାତ୍ରା କରିଦେବାର ଇଛା ନଥିଲା, ସେମାନେ ସବୁ ଧରାପଡିଛନ୍ତି । ଲୋକ ଦେଖାଣିଆ ପାଇଁ ସବୁ ନାଟକ କରୁଛନ୍ତି । ଏଥିରେ ଉଭୟ ରାଜ୍ୟ ଓ କେନ୍ଦ୍ର ସରକାର ସାମିଲ । ଭକ୍ତଙ୍କ ସୁରକ୍ଷାକୁ ଦୃଷ୍ଟିରେ ରଖି ସରକାର ରଥଯାତ୍ରା ସମାପନ କରନ୍ତୁ ବୋଲି ପିସିସି ସଭାପତି ଶ୍ରୀ ପଟ୍ଟନାୟକ ଅନୁରୋଧ କରିଛନ୍ତି ଏବଂ ଜନସାଧାରଣ ଏହାକୁ ମାନିବାକୁ ବି ନିବେଦନ କରିଛନ୍ତି ।
