ନାସାର ତଥ୍ୟ : ଅନ୍ତର୍ଜାତୀୟ ସ୍ପେସଷ୍ଟେସନରୁ ଛଡା ଗଲା ୨.୯ ଟନ୍ ଆବର୍ଜନା , ୨ ରୁ ୪ ବର୍ଷ ମଧ୍ୟରେ ଖସିବ ପୃଥିବୀ ଉପରେ

ନୂଆଦିଲ୍ଲୀ : ଅନ୍ତରାଷ୍ଟ୍ରୀୟ ସ୍ପେସ ଷ୍ଟେସନର ଓଜନ କମ ହୋଇଗଲା କାରଣ ସ୍ପେସ ଷ୍ଟେସନରୁ ୨.୯ ଟନ ଆବର୍ଜନା ଅନ୍ତରୀକ୍ଷରେ ଫିଙ୍ଗାଗଲା l ଏହି ଆବର୍ଜନା ଗୋଟିଏ SUV ଆକାରର ଡବାରେ ରହିଛି l କୁହାଯାଉଛି ଯେ ଏହି ଆବର୍ଜନା ଅନେକ ବର୍ଷରୁ ପୃଥିବୀରେ କକ୍ଷ ପଥରେ ଘୁରି ବୁଲୁଥିଲା l ସ୍ପେସ ଷ୍ଟେସନରୁ ଫିଙ୍ଗା ଯାଇଥିବା ଏହି ଆବର୍ଜନା ଏହାର ଗୋଟିଏ ବଡ଼ ଅଂଶ ଥିଲା l ନାସାର ପ୍ରବକ୍ତା ଲିୟା ଚେସିୟର କହିଛନ୍ତି ଯେ ଗତ ସପ୍ତାହରୁ ସ୍ପେସ ଷ୍ଟେସନ ହାଲୁକା ହୋଇ ଯାଇଛି l

କାରଣ ପୃଥିବୀର ପରିକ୍ରମା କରୁଥିବା ଏହି ପ୍ରୟୋଗ ଶାଳା ୨.୯ ଟନ ଓଜନର ପୁରୁଣା ବ୍ୟାଟେରୀକୁ ଅନ୍ତରୀକ୍ଷରେ ଛାଡି ଦେଇଛି l ବର୍ତମାନ ଏହା ପୃଥିବୀର କକ୍ଷ ପଥରେ ଅନେକ ବର୍ଷ ଧରି ଘୁରି ବୁଲିବ ଓ ୨ ୪ ବର୍ଷ ପରେ ପୃଥିବୀରେ ଏହା ଖସିବାର ସମ୍ଭାବନା ରହିଛି l ନାସାର ପ୍ରବକ୍ତା କହିଛନ୍ତି ଏହାଦ୍ୱାରା ଭୟବିତ୍ତ ହେବାର କୌଣସି ଆବଶ୍ୟକତା ନାହିଁ l ଏହା ପୃଥିବୀରେ ଖସିବା ସମୟରେ ବାୟୁମଣ୍ଡଳରେ ପ୍ରବେଶ କରି ଜଳି ଭସ୍ମ ହୋଇଯିବ l

କିନ୍ତୁ ନାସାର ଏହି ତଥ୍ୟକୁ ନେଇ ଲୋକମାନେ ସନ୍ତୁଷ୍ଟ ନୁହନ୍ତି ,ସେମାନେ ଭୟବିତ୍ତ ହୋଇଛନ୍ତି l ପୂର୍ବରୁ ପୁରୁଣା ବ୍ୟାଟେରୀକୁ ବାୟୁମଣ୍ଡଳରେ ଛଡା ଯାଇନଥିଲା l କିନ୍ତୁ ବର୍ତ୍ତମାନ ଏହା ପ୍ରଥମଥର କରାଯାଇଛି ସ୍ପେସଷ୍ଟେସନର ମ୍ୟାନେଜର ବ୍ୟାଟେରୀକୁ ଖାଲି କରିବାର ନିର୍ଣ୍ଣୟ ନେଇଥିଲେ ୟୁରୋପୀୟ ସ୍ପେସ ଏଜେନ୍ସିଙ୍କ ମତ ଅନୁସାରେ ଗବେଷକ ମାନେ ଅନୁମାନ କରିଛନ୍ତି ଯେ ପୃଥିବୀର କକ୍ଷ ପାଖାପାଖି ୩୪ ହଜାର ଟନ ଆବର୍ଜନାରେ ଭାରି ରହିଛି l