ଆଜି ହେଉଛି ନରକ ଚତୁର୍ଦଶୀ : କଣ ରହିଛି ଏହି ଦିନର ମହତ୍ୱ ,ଏହିଦିନ କରନ୍ତୁ ଏହିସବୁ ଉପାୟ ମିଳିବ ଜୀବନରେ ସୁଖ ଓ ସମୃଦ୍ଧି

ଆଜି ହେଉଛି ନରକ ଚତୁର୍ଦଶୀ ଓ ଛୋଟ ଦୀପାବଳୀ l ପ୍ରତିବର୍ଷ କାର୍ତ୍ତିକମାସ କୃଷ୍ଣପକ୍ଷ ଚତୁର୍ଦଶୀ ତିଥିରେ ଏହିଦିନ ଟିକୁ ପାଳନ କରାଯାଇ ଥାଏ , ଚଳିତ ବର୍ଷ ଏହା ନଭେମ୍ବର ୧୧ ତାରିଖ ଶନିବାର ଦିନ ପାଳିତ ହୋଇଥାଏ l ଏହିଦିନ ଟିକୁ ରୂପ ଚତୁର୍ଦଶୀ ଭାବରେ ମଧ୍ୟ ପାଳନ କରାଯାଇଥାଏ l ଏହିଦିନ ଘର ସନ୍ଧ୍ୟାରେ ଘର ବାହାରେ ମୃତ୍ୟୁର ଦେବତା ଯମରାଜ ଙ୍କୁ ଦକ୍ଷିଣ ଦିଗରେ ଦୀପଦାନ କରାଯାଇ ଥାଏ l ଶାସ୍ତ୍ରର ବର୍ଣନା ଅନୁସାରେ ନରକ ଚତୁର୍ଦଶୀ ଦିନ ଯମ ଙ୍କ ନାମରେ ଦୀପଦାନ କରିବା ଦ୍ୱାରା ଜାତକ ରେ ଅକାଳ ମୃତ୍ୟୁ ର ଭୟ ଦୂର ହୋଇଥାଏ l କୁହାଯାଏ ଯେ ନରକ ଚତୁର୍ଦଶୀ ଦିନ ସକାଳୁ ସ୍ନାନ କରି ଭଗବାନ ଶ୍ରୀକୃଷ୍ନ ଙ୍କୁ ପୂଜା କରିବା ଦ୍ୱାରା ସୌନ୍ଦର୍ଯ୍ୟ ପ୍ରାପ୍ତି ହୋଇଥାଏ l

* ନରକ ଚତୁର୍ଦଶୀ ର ପୌରାଣିକ ମାନ୍ୟତା –
ପୌରାଣିକ କଥା ଅନୁସାରେ ନରକ ଚତୁର୍ଦଶୀ ଦିନ ଭଗବାନ ଶ୍ରୀକୃଷ୍ଣ ନରକାସୁର କୁ ବଧ କରିଥିଲେ l ନରକାସୁର ନାମକ ରାକ୍ଷସ ନିଜ ଶକ୍ତି ବଳରେ ଦେବତା, ରୁଷି-ମୁନୀ ଓ ୧୬ ହଜାର ୧ଶହ କନ୍ୟାଙ୍କୁ ବନ୍ଧକ ରଖିଥିଲେ l ଏଥିପାଇଁ ନରକାସୁର ର ଅତ୍ୟାଚାର ରୁ କଷ୍ଟ ପାଉଥିବା ସାଧୁ-ସନ୍ଥ ଓ ଦେବତା ମାନେ ଭଗବାନ ଶ୍ରୀକୃଷ୍ଣ ଙ୍କ ନିକଟରେ ପହଞ୍ଚିଥିଲେ l ନରକାସୁର କୁ ଅଭିଶାପ ମିଳିଥିଲା ଯେ ତାର ମୃତ୍ୟୁ ଗୋଟିଏ ନାରୀ ଦ୍ୱାରା ହେବ l ସେଥିପାଇଁ ଭଗବାନ ଶ୍ରୀକୃଷ୍ଣ କାର୍ତିକମାସ କୃଷ୍ଣପକ୍ଷ ଚତୁର୍ଦଶୀ ତିଥିରେ ନିଜ ପତ୍ନୀ ସତ୍ୟଭାମା ଙ୍କ ସାହାଯ୍ୟରେ ନରକାସୁର କୁ ବଧ କରିଥିଲେ ଓ ସମସ୍ତଙ୍କୁ ମୁକ୍ତି ଦେଇଥିଲେ l ନରକାସୁର ଠାରୁ ମୁକୁଳାଇବା ପରେ କନ୍ୟା ମାନଙ୍କୁ ସମାଜରେ ସମ୍ମାନ ଦେବା ପାଇଁ ଭଗବାନ କୃଷ୍ଣ କନ୍ୟାମାନଙ୍କ ସହିତ ବିବାହ କରିଥିଲେ l ଏହି ଖୁସିରେ କାର୍ତିକମାସ ଚତୁର୍ଦଶୀ ତିଥି ରେ ନରକ ଚତୁର୍ଦଶୀ ପାଳନ କରାଯାଇ ଥାଏ l

* ନରକ ଚତୁର୍ଦଶୀ ପାଇଁ ଶୁଭ ସମୟ –
ଚତୁର୍ଦଶୀ ତିଥି ୧୧ ତାରିଖ ଦିନ ମଧ୍ୟାହ୍ନ ୧ ଟା ବାଜି ୫୭ ମିନିଟ ରେ ଆରମ୍ଭ ହେଉଛି, ଏବଂ ନଭେମ୍ବର ୧୨ ଦିନ ୨ଟା ୪୪ ମିନିଟ ପର୍ଯ୍ୟନ୍ତ ରହିବ l

* ନରକ ଚତୁର୍ଦଶୀ ରେ ହନୁମାନ ଙ୍କ ପୂଜାର ମହତ୍ୱ –
ଚଳିତ ବର୍ଷ ନରକ ଚତୁର୍ଦଶୀ ରେ ହନୁମାନ ଙ୍କୁ ବିଧିବଧ ଭାବରେ ପୂଜା କରିବାର ମହତ୍ୱ ରହିଛି l ଏହିଦିନ ସମସ୍ତ ଖରାପ ଆତ୍ମାର ବିନାଶ ପାଇଁ ହନୁମାନ ଙ୍କୁ ପୂଜା କରିବା ଆବଶ୍ୟକ l ଏହିଦିନ ଅଯୋଧ୍ୟାରେ ହନୁମାନଙ୍କ ଜନ୍ମ ଉତ୍ସବ ମଧ୍ୟ ପାଳନ କରାଯିବ l ଏହିଦିନ ହନୁମାନଙ୍କୁ ପୂଜା କରି ତାଙ୍କର କୃପା ଲାଭ କରିବା ଦ୍ୱାରା ଜିବନରେ ଶୋକ, ଦୁଃଖ, କଷ୍ଟ, ଲୋଭ ଓ ମୋହ ରୁ ମୁକ୍ତି ମିଳିଥାଏ l

* ନରକ ଚତୁର୍ଦଶୀ ରେ ଏଭଳି କରନ୍ତୁ ଦୀପଦାନ –
– ଘରର ମୁଖିଆ ଆଜିର ଦିନରେ ଗୋଟିଏ ଚତୁର୍ମୁଖୀ ଦୀପ କୁ ଘରର ଚାରିଆଡେ ବୁଲାଇ ଦକ୍ଷିଣ ଦିଗରେ ରଖିବା ଆବଶ୍ୟକ l
– ମାନ୍ୟତା ରହିଛି ଯେ ଏହିଦିନ ଯମରାଜ ଙ୍କୁ ଦୀପ ଅର୍ପଣ କରିବା ଦ୍ୱାରା ଅକାଳ ମୃତ୍ୟୁରୁ ମୁକ୍ତି ମିଳିଥାଏ l
– ଏହି ଦୀପଟିକୁ ଅଟାରେ ପ୍ରସ୍ତୁତ କରନ୍ତୁ l
– ଏହି ଦୀପ ଟି ଅର୍ପଣ କରିବା ସମୟରେ ଘରର ସୁଖ ସମୃଦ୍ଧି କାମନା କରି ଅର୍ପଣ କରିବା ଆବଶ୍ୟକ l