ଧନତେରାସ ରେ ଯଦି ସୁନା ଅଳଙ୍କାର କିଣୁଛନ୍ତି ତେବେ ଏହିସବୁ ଜରୁରୀ କଥାକୁ ଧ୍ୟାନ ଦିଅନ୍ତୁ , କଦାପି ହେବେନାହିଁ ଠକେଇର ଶିକାର

ଦୀପାବଳୀ ଭାରତର ଗୋଟିଏ ପ୍ରସିଦ୍ଧ ପର୍ବ l ଯାହାକି ୫ ଦିନ ଧରି ପାଳିତ ହୋଇଥାଏ l ସେହି ୫ ଦିନ ମଧ୍ୟରୁ ଗୋଟିଏ ଦିନ ହେଉଛି ଧନତେରାସ l ଯେଉଁଦିନ ବିଶେଷ ଭାବେ ସୁନା ଅଳଙ୍କାର କିଣି ଘରକୁ ଆଣିବାର ମାନ୍ୟତା ରହିଛି l ଏହା ସୁଖ ଓ ସମୃଦ୍ଧିର ପ୍ରତିିକ ବୋଲି କୁହାଯାଇ ଥାଏ l ଚଳିତଥର ଧନତେରାସ ରେ ଯଦି ସୁନା ଅଳଙ୍କାର କିଣିବାକୁ ଚାହୁଁଛନ୍ତି ତେବେ ବିଶେଷ ଭାବେ କିଛି ଟା କଥାକୁ ଧ୍ୟାନ ଦେବା ଜରୁରୀ l

ଦିଅନ୍ତୁ ଏହିସବୁ କଥାକୁ ଧ୍ୟାନ :-
– ସୁନା ର ଶୁଦ୍ଧତା କ୍ୟାରେଟ ରେ ମାପ କରାଯାଇ ଥାଏ l ୨୪ କ୍ୟାରେଟ ସୁନା ସମ୍ପୂର୍ଣ୍ଣ ଶୁଦ୍ଧ ହୋଇଥାଏ l କିନ୍ତୁ ଏହାକୁ ମଜବୁତ କରିବା ପାଇଁ ଅନ୍ୟାନ୍ୟ ଧାତୁ କୁ ମିଶା ଯାଇଥାଏ l ଅଧିକାଂଶ ସୁନା ଅଳଙ୍କାର ୨୨ କ୍ୟାରେଟ ମଧ୍ୟ ହୋଇ ଯାଇଥାଏ l ଭାରତୀୟ ମାନକ ବ୍ୟୁରୋ BIS ହଲମାର୍କ କୁ ସବୁଠୁ ସୁଧ ସୁନା ବୋଲି କୁହାଯାଇଥାଏ l

– ସବୁବେଳେ ସୁନା ଅଳଙ୍କାର ର ବଜାର ମୂଲ୍ୟ ଉପର ତଳ ହୋଇଥାଏ l କିଣିବା ପୂର୍ବରୁ ବଜାରର ମୂଲ୍ୟ କୁ ଠିକ ଭାବେ ଯାଞ୍ଚ କରନ୍ତୁ l ଏବଂ ଆପଣ କେଉଁ ଫର୍ମ ରେ କିଣିବେ ଓ ତାହାର ରି – ସେଲ ଭଲ୍ୟୁ ଅଛି କି ନାହିଁ l

– ସୁନା ଅଳଙ୍କାର କିଣିବା ପୂର୍ବରୁ ସର୍ବଦା ସଠିକ ବିଲ କୁ ଯାଞ୍ଚ କରନ୍ତୁ l ନଚେତ ଏହା ଆପଣ ଙ୍କୁ ଭବିଷ୍ୟତ ରେ ଅସୁବିଧା ରେ ପକାଇ ପାରେ l

– ଯଦି ଆପଣ ସୁନା ଏକ୍ସଚେଞ୍ଜ ବଦଳରେ କିଣୁଛନ୍ତି ତେବେ ଓଜନ ପ୍ରତି ଧ୍ୟାନ ଦିଅନ୍ତୁ l ଏହାଛଡା ସୁନାର ପିଓରୀଟି କୁ ଦେଖନ୍ତୁ l