କାର୍ତ୍ତିକ ମାସ କୃଷ୍ଣପକ୍ଷ ଅମାବାସ୍ୟା ଦିନ ଦୀପାବଳୀ ପର୍ବ ପାଳିତ ହୋଇଥାଏ । ଏହାର ପୁର୍ବ ଦିନଟିକୁ ଧନ ତେରସ ଭାବରେ ପାଳିତ କରାଯାଏ । ଏହିଦିନ ଧନର ଦେବତା କୁବେର, ମା ଲକ୍ଷ୍ମୀ, ଧନ୍ଵନ୍ତରି ଓ ଜମ ଙ୍କର ବିଶେଷ ଭାବରେ ପୂଜା କରାଯାଇଥାଏ । ମାନ୍ୟତା ରହିଛି ଯେ ଏହିଦିନ ସୁନା, ରୂପା, ଘରର ବାସନ କୁସନ୍ ଇତ୍ୟାଦି କିଣିବା ଦ୍ଵାରା ଶୁଭ ହୋଇଥାଏ । କଣ ଆପଣ ଜାଣିଛନ୍ତି ଧନ୍ ତେରସ୍ ରେ ସୁନା ରୁପାକୁ ଛାଡ଼ି ଏପରି କିଛି ଜିନିଷ ରହିଛି ଯାହା କୁ ଘରକୁ ଆଣିବା ଦ୍ଵାରା ଲକ୍ଷ୍ମୀଙ୍କ ଆଶୀର୍ବାଦ ମିଳିଥାଏ ।
* ଝାଡୁ – ଝାଡୁକୁ ମା ଲକ୍ଷ୍ମୀ ଙ୍କ ରୂପ ବୋଲି କୁହାଯାଏ । ଏପରି ମାନ୍ୟତା ରହିଛି ଯେ ଧନ୍ ତେରାସ ରେ ଯଦି ଝାଡୁ ଘରକୁ ଅଣାଯାଏ ତେବେ ସ୍ଵୟଂ ମାତା ଲକ୍ଷ୍ମୀ ଗୃହ ପ୍ରବେଶ କରନ୍ତି ବୋଲି କୁହାଯାଏ । ଏହିଦିନ ଘରକୁ ଝାଡୁ ଆଣିଲେ ଘରର ସମସ୍ତ ନକାରାତ୍ମକ ଶକ୍ତି ଦୂରେଇ ଯାଇଥାଏ ।
* ପିତଳ – ଯେଉଁମାନେ ସୁନା ରୂପା କିଣିବାକୁ ଅକ୍ଷମ ସେମାନେ ଏହିଦିନ ପିତଳର କୌଣସି ବାସନାରେ ସାମାନ୍ୟ ଚାଉଳ ପକାଇ ଘର ଭିତରକୁ ଆଣନ୍ତୃ । ଏହିଦିନ ଘରକୁ ଅର୍ଣ ପୂର୍ଣ୍ଣ ହୋଇଥିବା ପିତଳ ବାସନ ଆସିବା ଖୁବ୍ ଶୁଭ ଅଟେ । ଏହା ପଛରେ ଗୋଟିଏ ମାନ୍ୟତା ରହିଛି ଯେ ଯେତେବେଳେ ସମୁଦ୍ର ମନ୍ଥନ ହୋଇଥିଲା, ସମୁଦ୍ର ମନ୍ଥନ ରୁ ଧନ୍ଵନ୍ତରୀ ଗୋଟିଏ ହାତରେ ଅମୃତ ରେ ଭରି ଥିବା ପିତଳ କଳସ ନେଇ ବାହାରି ଥିଲେ । ଅନ୍ୟ ହାତ ଗୁଡିକରେ ଶଙ୍ଖ, ଚକ୍ର ଓ ଅନ୍ୟ ଔଷଧି ବିଦ୍ୟମାନ ରହିଥିଲା ।
* ଅକ୍ଷତ – ଏହିଦିନ ଅକ୍ଷତ ଅର୍ଥାତ୍ ଚାଉଳ ଘରକୁ ଆଣିବା ଖୁବ୍ ଶୁଭ ଅଟେ । ଶାସ୍ତ୍ର ଅନୁସାରେ କୁହାଯାଇଛି ଯେ ଅକ୍ଷତ ସବୁଠୁ ପବିତ୍ର ଓ ପବିତ୍ର ଅଟେ । ତେଣୁ ଏହିଦିନ ଅକ୍ଷତ ଆଣିବା ହେଉଛି ଧନ ସମ୍ପତ୍ତିର ଅନନ୍ତ ବୃଦ୍ଧି । ତେଣୁ ଏହିଦିନ ଅକ୍ଷତ ଆଣିବା ଶୁଭ ଅଟେ ।
* ନଡ଼ିଆ – ନଡ଼ିଆ ଗୋଟିଏ ଖୁବ୍ ଶୁଭ ଜିନିଷ ଅଟେ । ଧନ୍ ତେରସ୍ ରେ ମଧ୍ୟ ଘରକୁ ନଡ଼ିଆ ଆଣିବା ଶୁଭ ହୋଇଥାଏ । ଏହିଦିନ ନଡ଼ିଆ ଆଣିଲେ ମାତା ଲକ୍ଷ୍ମୀଙ୍କ କୃପା ପ୍ରାପ୍ତ ହୋଇଥାଏ । ଏହି ନଡ଼ିଆକୁ ମାତା ଲକ୍ଷ୍ମୀଙ୍କ ପାଦ ତଳେ ସମର୍ପଣ କରି ଦିଅନ୍ତୁ । ଏହାପରେ ରାତିରେ ଏହାକୁ ପ୍ରସାଦ ଭାବରେ ସେବନ କରନ୍ତୁ ।
Comments are closed.