WHO ପକ୍ଷରୁ ଚେତାବନୀ : ଟୀକା କରଣ ପରେ ମଧ୍ୟ ଦେଖା ଦେଉଛି କରୋନା ଲକ୍ଷଣ , କିପରି ଜାଣିବେ

ନୂଆଦିଲ୍ଲୀ : ସମ୍ପୂର୍ଣ୍ଣ ଟୀକା କରଣ ହୋଇଥିବା ବ୍ୟକ୍ତି ମଧ୍ୟ ହେଉଛନ୍ତି କରୋନା  ସଂକ୍ରମିତ l ଏହାର ଅଧିକ ମାମଲା ଡେ଼ଲ୍ଟା ଭରିଏଣ୍ଟ ସହିତ ଯୋଡି ହୋଇଛି l କିନ୍ତୁ WHO ପକ୍ଷରୁ ଦାବି କରାଯାଇଛି ଯେ ଟୀକା ନେବା ଦ୍ୱାରା ଗମ୍ଭୀର ଆକ୍ରାନ୍ତରୁ ରକ୍ଷା ପାଇହେବ l WHO ର ମୁଖ୍ୟ ବୈଜ୍ଞାନିକ ଡା . ସୌମ୍ୟା ସ୍ୱାମୀନାଥନ କହିଛନ୍ତି ଟୀକା ନେଇଥିବା ବ୍ୟକ୍ତି ଲଗାତାର କରୋନା  ଦ୍ୱାରା ସଂକ୍ରମିତ ହେଉ ଥିବାର ସୂଚନା ମିଳୁଛି l ସେ କହିଛନ୍ତି ଯେଉଁ ସ୍ଥାନରେ ଟୀକା କରଣ ପ୍ରକ୍ରିୟାରେ ଶୀଥିଳତା ଦେଖାଦେଉଛି , ସେହିସବୁ ସ୍ଥାନରେ ଡାକ୍ତରଖାନା ରେ ଅଧିକ ଆଡ଼ମିସନ ହେଉଥିବାର ଦେଖିବାକୁ ମିଳୁଛି ଏବଂ ସେହି ସ୍ଥାନରେ ଡେ଼ଲ୍ଟା ଭାରିଏଣ୍ଟ ଅଧିକ କାୟା ବିସ୍ତାର କରୁଛି l

ଏହି ଗବେଷଣାରେ ଜଣାପଡିଛି ଯେ ଟୀକାକରଣ ପରେ ଡାକ୍ତରଖାନା ରେ ଆଡ଼ମିସନ ଓ ମୃତ୍ୟୁ ର ୭୫ ପ୍ରତିଶତ ମାମଲା ୬୫ ବର୍ଷରୁ ଉର୍ଧ୍ଵ ଲୋକଙ୍କ ନିକଟରେ ଦେଖିବାକୁ ମିଳୁଛି l ସ୍ୱାମୀନାଥନ କହିଛନ୍ତି ଯେ ଟୀକା କାରଣ ହୋଇଥିବା ବ୍ୟକ୍ତି ଯଦି ସୁରକ୍ଷିତ ଅଛନ୍ତି ତେବେ ଏହାର ଅର୍ଥ ନୁହେଁ ଯେ ସେମାନେ ସଂକ୍ରମିତ ହେବେ ନାହିଁ l ଏହି ଲୋକ ମାନଙ୍କ ମଧ୍ୟରେ ଅନେକ ଲକ୍ଷଣ ଦେଖା ଯାଇଥାଏ l ଏମାନେ ଅନ୍ୟ ମାନଙ୍କୁ ମଧ୍ୟ ସଂକ୍ରମିତ କରି ପାରନ୍ତି l ସେଥିପାଇଁ WHO ପକ୍ଷରୁ ସମସ୍ତଙ୍କୁ ମାସ୍କ ପିନ୍ଧିବା ପାଇଁ ଚେତାଇ ଦିଆ ଯାଉଛି l କିଛି ଗବେଷଣା ରୁ ଜଣା ପଡିଛି ଯେ ଟୀକା ନେଇଥିବା ବ୍ୟକ୍ତିମାନଙ୍କ ମଧ୍ୟରେ ଭୁତାଣୁ କମ ଦେଖିବାକୁ ମିଳିଥାଏ l

ପ୍ରଥମ ଡୋଜ ନେବାପରେ ଲକ୍ଷଣ :
ମିଳିଥିବା ସୂଚନା ଅନୁସାରେ ପ୍ରଥମ ଟୀକା ନେଇଥିବା ବ୍ୟକ୍ତିମାନେ ଅଧିକାଂଶ ବ୍ୟକ୍ତିଙ୍କୁ ସଂକ୍ରମିତ କରି ଥାଆନ୍ତି l  ସେମାନଙ୍କ ନିକଟରେ ସାଧାରଣ ଲକ୍ଷଣ ମୁଣ୍ଡବିନ୍ଧା , ଥଣ୍ଡା ରୁ ପାଣି ବୋହିବା ,ତଣ୍ଟି ଯନ୍ତ୍ରଣା ,ଛିଙ୍କ ଆସିବା ଓ ଲଗାତାର କାଶ ହେବା ଭଳି ସମସ୍ୟା ଦେଖାଦେଇଥାଏ l