ବୁଗୁଡା : ତା ୧୪/୧୦/୨୩ : ସ୍ଥାନୀୟ ନେଳିଆ ବନ୍ଧ ନିକଟରେ ଚାଲିଥିବା ଜୁଆ ଆଡ୍ଡା ଉପରେ ବୁଗୁଡା ପୋଲିସ ଚଢ଼ାଉ କରି ୧୦ ଜଣ ଜୁଆଡିଙ୍କୁ ଗିରଫ କରିବା ସହ ସେମାନଙ୍କ ଠାରୁ ନଗଦ ୫୬୪୦ ଟଙ୍କା ଓ ତାସ୍ କାଟା ଜବତ କରିଥିବା ଜଣାପଡିଛି । ଏ ନେଇ କେସ୍ ନଂ ୭୪୦/୨୩ରେ ଏକ ମାମଲା ରୁଜୁ ହୋଇଥିବା ଆଇଆଇସି ଶର୍ମିଷ୍ଠା ପ୍ରଧାନଙ୍କ ଠାରୁ ପ୍ରକାଶ ପାଇଛି ।ପ୍ରକାଶ ଯେ , ନେଳିଆ ବନ୍ଧ ନିକଟରେ ଜୁଆ ଖେଳ ଚାଲିଥିବା ସମୟରେ କୌଣସି ସୂତ୍ରରୁ ଖବର ପାଇ ଏସଆଇ ସମୀର କୁମାର ସେଠୀଙ୍କ ନେତୃତ୍ୱରେ ପୋଲିସ ଟିମ୍ ସେଠାରେ ଚଢ଼ାଉ କରିଥିଲା । ସେଠାରୁ ଟଙ୍କା ଓ ତାସ୍ ଜବତ କରିବା ସହ ୧୦ ଜଣ ଜୁଆଡ଼ିଙ୍କୁ ଗିରଫ କରାଯାଇଥିଲା ।
