ନିରାକାରପୁର, ୨୯/୯: ତୃଣମୂଳ ସ୍ତରରୁ ବିଜୁ ଜନତା ଦଳ ର ସଂଗଠନ କୁ ସୁଦୃଢ କରିବା ପାଇଁ ପ୍ରତି ଗ୍ରାମ ପଞ୍ଚାୟତ ରେ ସବୁ ୱାର୍ଡ କୁ ନେଇ ସାଙ୍ଗଠନିକ ବୈଠକ ଇତି ମଧ୍ୟରେ ରାଜ୍ୟ ବିଜୁ ଜନତା ଦଳ ବରିଷ୍ଠ ଉପସଭାପତି ବାସନ୍ତୀ ମହାପାତ୍ର ଙ୍କ ନିରନ୍ତର ଉଦ୍ୟମ ରେ ଅନୁଷ୍ଠିତ ହୋଇ ଆସୁଅଛି l ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଙ୍କ ସ୍ୱଚ୍ଛ ଓ ସକଳ ପ୍ରକାର ଜନ କଲ୍ୟାଣକାରି ଯୋଜନା ସମ୍ପର୍କ ରେ ପ୍ରତିଘରେ ଏହାକୁ ପହଞ୍ଚାଇବା ଉକ୍ତ ବୈଠକ ର ମୂଳଲକ୍ଷ୍ୟ l ଖୋରଧା ନିର୍ବାଚନ ମଣ୍ଡଳୀ ଅନ୍ତର୍ଗତ ପୌରପରିଷଦ ର ବିଭିନ୍ନ ୱାର୍ଡ, ଖୋରଧା ଏବଂ ଟାଙ୍ଗୀ ବ୍ଲକ ର ବିଭିନ୍ନ ଗ୍ରାମ ପଞ୍ଚାୟତ ରେ ସାଙ୍ଗଠନିକ ବୈଠକମାନ ଦୀର୍ଘ ଦିନ ଧରି ଆୟୋଜନ କରିଆସୁଛନ୍ତି ଶ୍ରୀମତୀ ମହାପାତ୍ର l ଦୁଃଖ ଦୁର୍ଦ୍ଦିନ ଦୈବୀ ଦୁର୍ବିପାକ ର ଆପାତ କାଳୀନ ସ୍ଥିତିରେ ତୁରନ୍ତ ସେଠାରେ ପହଞ୍ଚି ଜନସାଧାରଣଙ୍କ ସୁଖ ଦୁଃଖ ରେ ସହଭାଗୀ ହେଉଥିବାରୁ ଶ୍ରୀମତୀ ମହାପାତ୍ରଙ୍କ ବଳିଷ୍ଠ ନେତୃତ୍ୱ ପ୍ରତି ଉକ୍ତ ନିର୍ବାଚନ ମଣ୍ଡଳୀରେ ଗଭୀର ଆସ୍ଥା ସାଧାରଣରେ ପ୍ରକଟ ହେଉଅଛି l ସେହି ମର୍ମରେ ଟାଙ୍ଗୀ ବ୍ଲକ ରାମେଶ୍ୱର ଗ୍ରାମ ପଞ୍ଚାୟତ ଖଜୁରିପଡା ଠାରେ ଏକ ସାଙ୍ଗଠନିକ ବୈଠକ ରେ ଶତାଧିକ ଛାମୁଆ କର୍ମୀକୁ ନେଇ ଶ୍ରୀମତୀ ମହାପାତ୍ରଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି ।
