ମୁମ୍ବାଇ, ଅଗଷ୍ଟ ୩, ୨୦୨୬: ଭାରତୀୟ ଖେଳାଳିମାନେ ଗ୍ଲାସଗୋ ରାଜ୍ୟଗୋଷ୍ଠୀ କ୍ରୀଡା (କମନୱେଲଥ ଗେମ୍ସ) ରେ ପଦକ ତାଲିକାରେ ଚତୁର୍ଥ ସ୍ଥାନ ଅଧିକାର କରି ମୋଟ ୩୯ ପଦକ ଜିତିଛନ୍ତି, ଯାହା ମଧ୍ୟରେ ୧୩ ସ୍ୱର୍ଣ୍ଣ, ୧୭ ରୌପ୍ୟ ଏବଂ ୯ କାଂସ୍ୟ ପଦକ ଅନ୍ତର୍ଭୁକ୍ତ ରହିଛି। ଭାରତ ବକ୍ସିଂରେ ରେକର୍ଡ ପ୍ରଦର୍ଶନ କରିଥିବାବେଳେ ପାରା-ଆଥଲେଟମାନେ ମଧ୍ୟ ସେମାନଙ୍କର ସର୍ବୋତ୍ତମ କମନୱେଲଥ ଗେମ୍ସ ଅଭିଯାନ ସମାପ୍ତ କରିଛନ୍ତି।
ଟିମ୍ ଇଣ୍ଡିଆକୁ ଅଭିନନ୍ଦନ ଜଣାଇ ରିଲାଏନ୍ସ ଫାଉଣ୍ଡେସନର ପ୍ରତିଷ୍ଠାତା ଏବଂ ଅଧ୍ୟକ୍ଷା ନୀତା ଏମ୍. ଅମ୍ବାନୀ କହିଛନ୍ତି, “ପ୍ରତ୍ୟେକ ପଦକ ପଛରେ ଅସାଧାରଣ କଠିନ ପରିଶ୍ରମ, ଦୃଢ଼ତା, ତ୍ୟାଗ ଏବଂ ଆମ ଦେଶର କେବେ ହାର ନମାନିବା ଭାବନାର କାହାଣୀ ରହିଛି। ଆମର ଖେଳାଳିମାନେ ପୁଣି ଥରେ ସମଗ୍ର ଦେଶକୁ ଗୌରବାନ୍ୱିତ କରିଛନ୍ତି।”
ସେ ବିଶେଷ ଭାବରେ ମହିଳା ଖେଳାଳି ଏବଂ ପାରା-ଆଥଲେଟଙ୍କ ପ୍ରଦର୍ଶନକୁ ପ୍ରଶଂସା କରିଛନ୍ତି। ନୀତା ଅମ୍ବାନୀ ରିଲାଏନ୍ସ ଫାଉଣ୍ଡେସନ ସହିତ ଜଡିତ ଲଭଲିନା ବୋରଗୋହାଇନ, ମୁରଲୀ ଶ୍ରୀଶଙ୍କର ଏବଂ ତେଜସ୍ୱିନ ଶଙ୍କରଙ୍କୁ ମଧ୍ୟ ସେମାନଙ୍କର ଉତ୍କୃଷ୍ଟ ପ୍ରଦର୍ଶନ ପାଇଁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି ଯେ ଏହି ଖେଳାଳିମାନଙ୍କ ସଫଳତା ନୂତନ ପିଢ଼ିକୁ ବଡ଼ ସ୍ୱପ୍ନ ଦେଖିବା ଏବଂ ଦେଶ ପାଇଁ ଖେଳିବାକୁ ପ୍ରେରଣା ଦେବ।
