ବାରିପଦା : ମୟୂରଭଞ୍ଜ ଏସପି ଗଙ୍ଗାଧର ବାଟୁଲାଙ୍କ ନିଦେ୍ର୍ଦଶ କ୍ରମେ ଭଞ୍ଜପୁର ଥାନା ପକ୍ଷରୁ ଶୁକ୍ରବାର ଦାରାଗାଡାହି ଛକରେ ଚେକିଂ ଚାଲିଥିବାବେଳେ ମଦ ବୋଝେଇ ବୋଲେରୋ ଗାଡି ଜବତ ହୋଇଛି । ଘଟଣାରୁ ପ୍ରକାଶ ଯେ, ଏକ ବିଶେଷ ସୁତ୍ରର ଖବର ପାଇ ଦାରାଗାଡାହି ଛକରେ ଚେକିଂ ଚାଲିଥିବାବେଳେ ଏକ ବୋଲେରୋ ଗାଡିରେ ୧୬୨ ଲିଟର ବିଦେଶୀ ମଦ ଚୋରାଚାଲାଣ ହେଉଥିବାବେଳେ ପୋଲିସ ହାତରେ ଧରାପଡିଥିଲା । ପୋଲିସ ଉକ୍ତ ଗାଡିଟିକୁ ଜବତ କରିବା ସହ ଏହି ଗାଡିରେ ଥିବା ରଘୁନାଥପୁର ଅଞ୍ଚଳର ଦୟାନିଧି ପୃଷ୍ଟିଙ୍କୁ ଗିରଫ କରିଥିଲେ । ଏନେଇ ଭଞ୍ଜପୁର ଥାନାରେ ୨୯୯/୨୩ରେ ମାମଲା ରୁଜୁ ହୋଇ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ଏହି ଚଢଉ ଭଞ୍ଜପୁର ଥାନା ଆଇଆଇସି କରୁଣାକର ରାଉତଙ୍କ ନେତୃତ୍ୱରେ ପୋଲିସ କର୍ମଚାରୀ ମାନେ ସାମିଲ ହୋଇଥିଲେ ।
