ଆଠଗଡ଼ ତା ୦୨-୧୧-୨୩ ଗୁରୁବାର ସ୍ଥାନୀୟ ମହୋତ୍ସବ ପଡ଼ିଆ ଠାରେ ଆୟୋଜିତ କୃଷି ଯାନ୍ତ୍ରିକ ମେଳା ଅବସରରେ ଆଠଗଡ଼ ଉପ ଜିଲ୍ଲାପାଳ ପ୍ରଶାନ୍ତ କୁମାର ତରାଇ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଆଠଗଡ଼ ବିଧାୟକ ତଥା ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ ଯୋଗଦେଇ କହିଥିଲେ କୃଷି କାର୍ଯ୍ୟ ରେ ସର୍ବାଧିକ କାର୍ଯ୍ୟ କରୁଥିବା ଲୋକ ପାଖରେ ଯାନ୍ତ୍ରିକ କୃଷି ଉପକରଣ ପହଞ୍ଚିଲେ ଉତ୍ପାଦନ ଏବଂ ରୋଜଗାର ବଢ଼ିବା ସହିତ ଶ୍ରମ କମିବା ସହିତ ସମୟ ବଞ୍ଚିବ। ଗତବର୍ଷ ଜିଲ୍ଲା ସ୍ତରରେ ୮୯୦ କୋଟି ଟଙ୍କାର କୃଷି ଉପକରଣ ଦିଆଯିବା ସହିତ ୨୨୦ କୋଟି ଟଙ୍କାର ସଵସିଡ ଚାଷୀ ପାଖକୁ ଯାଇଛି। ଚଳିତ ବର୍ଷ ବର୍ତ୍ତମାନ ସୁଦ୍ଧା ୬୦୦ କୋଟି ମଧ୍ୟରୁ ୨୨୫ କୋଟି ଟଙ୍କା ଚାଷୀ ପାଖକୁ ଯାଇ ସାରିଛି। ଆଗାମୀ ଦିନରେ ଏହା ଏକ ହଜାର କୋଟି ଟଙ୍କାର କୃଷି ଯନ୍ତ୍ରପାତି ଯୋଗାଣ ପାଇଁ ଲକ୍ଷ୍ୟ ରଖା ଯାଇଛି। କୃଷି ବଜେଟ ର ୯୦ ଭାଗ ଅର୍ଥ ଚାଷୀ ପାଇଁ ଉଦ୍ଦିଷ୍ଟ ଥିବା ବେଳେ ଯାନ୍ତ୍ରିକ କୃଷି ଉପକରଣ ଯୋଗାଣ ରାଜ୍ୟର ସମସ୍ତ ୫୮ ଟି କୃଷି ଜିଲ୍ଲାରେ ଚାଲିଛି। ବର୍ତ୍ତମାନ ସୁଦ୍ଧା ରାଜ୍ୟରେ ଜଳସେଚନ ୭୨ ପ୍ରତିଶତ ଥିବା ବେଳେ ଚାଷୀ କୁ ଵିନା ସୁଧରେ ଏକ ଲକ୍ଷ ଟଙ୍କା ର ଋଣ ସହିତ ବୈଷୟିକ ଶିକ୍ଷା ଏବଂ ସହାୟତା ଯୋଗାଇ ଦିଆ ଯାଉଛି।ଏଥି ସହିତ ଫସଲ ସଂରକ୍ଷଣ ପାଇଁ ସୌର ଶୀତଳ ଭଣ୍ଡାର ଉପରେ ମଧ୍ୟ ଗୁରୁତ୍ଵ ଦିଆଯାଉଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ରାଜ୍ୟରେ ଚାଲୁଥିବା ମିଲେଟ ମିଶନ କୁ ଏକ ଆନ୍ଦୋଳନରେ ପରିଣତ କରା ଯାଇପାରିଲେ କୃଷି ଏବଂ କୃଷକ ର ଉନ୍ନତି ହେବା ସହିତ ଏକ ସୁସ୍ଥ ଓଡ଼ିଶା ଗଠନ କରିବାରେ ସହାୟକ ହୋଇ ପାରିଛି। ଏହି କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ କୃଷି ଅଧିକାରୀ ସୁଦାମ ଚରଣ ନାୟକ ମୁଖ୍ୟ ଯନ୍ତ୍ରୀ ମୁକ୍ତିକାନ୍ତ ମହାପାତ୍ର, ଜିଲ୍ଲା ଉଦ୍ୟାନ ବିଭାଗ ଉପନିର୍ଦ୍ଦେଶକ ଜୟନ୍ତ କୁମାର ନାୟକ ଜିଲ୍ଲା ପ୍ରାଣୀ ଚିକିତ୍ସା ଅଧିକାରୀ ଡା ଵିଭୁରଞ୍ଜନ ଦାସ, ଜିଲ୍ଲା ମତ୍ସ୍ୟ ଅଧିକାରୀ ଇତିଶ୍ରୀ ରଥ, କୃଷି ନିର୍ବାହୀ ଯନ୍ତ୍ରୀ ପ୍ରଶାନ୍ତ କୁମାର ଜେନା ପ୍ରମୁଖ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ। ଆଠଗଡ଼ କୃଷି ଜିଲ୍ଲା ଅଧିକାରୀ ପର୍ଶୁରାମ ବେହେରା ଅତିଥି ପରିଚୟ ପ୍ରଦାନ କରିଥିଲେ। ଏଥି ସହିତ ତିନି ଦିନ ଧରି ଚାଲିବାକୁ ଥିବା ଏହି କାର୍ଯ୍ୟକ୍ରମରେ ବ୍ୟବସାୟିକ ଭିତ୍ତିରେ ବିଭିନ୍ନ ପ୍ରକାରର କୃଷି କରିଵା ପାଇଁ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ର ସୁଫଳ ପାଇଵା ପାଇଁ ଆହ୍ୱାନ ଦେଇଥିଲେ।ଅନ୍ୟ ମାନଙ୍କ ମଧ୍ୟରେ ଆଠଗଡ଼ ସହକାରୀ ଉଦ୍ୟାନ କୃଷି ନିର୍ଦ୍ଦେଶକ ବିଷ୍ଣୁ ପ୍ରସାଦ ସିଂ, ସହକାରୀ ନିର୍ଦେଶକ ଧନଞ୍ଜୟ ରାଉତ, ତିଗିରିଆ ବ୍ଲକ କୃଷି ଅଧିକାରୀ ସନାତନ ବେହେରା, ଆଠଗଡ଼ ବ୍ଲକ ପ୍ରାଣୀ ଚିକିତ୍ସା ଅଧିକାରୀ ଡା ଶୁଭଶ୍ରୀ ନାୟକ, ପ୍ରମୁଖ ଯୋଗ ଦେଇ ଥିଲେ। ଟାଙ୍ଗୀ ଚୌଦ୍ବାର ବ୍ଲକ କୃଷି ଅଧିକାରୀ କୁଳମଣି ବାରିକ ଧନ୍ୟବାଦ ଅର୍ପଣ କରିଥିଲେ।
