ବାରିପଦା : ବାରିପଦା ସହିଦ୍ ସ୍ମୃତି ଭବନ ଠାରେ ଓଡିଶା ତଥା ବାହାର ରାଜ୍ୟର ରାଜନେତା ଓ ବୃଦ୍ଧିଜୀବିଙ୍କୁ ନେଇ ସାମାଜିକ ନ୍ୟାୟ ଆନେ୍ଦାଳନ ନାମକ ଏକ ଆଲୋଚନା ଚକ୍ର ଆବାହକ ଅବନୀ ମହାନ୍ତଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ପଶ୍ଚିମବଙ୍ଗ ରାଜ୍ୟର ଉପଭୋକ୍ତା ମନ୍ତ୍ରୀ ଶ୍ରୀକାନ୍ତ ମାହାତ ଯୋଗଦେଇଥିଲେ । ଏହି ପରିପ୍ରେକ୍ଷୀରେ ଓଡିଶାରେ ସଦଗୋପ ଜାତିକୁ ଓବିସି ବର୍ଗରେ ଓଡିଶା ସରକାର ଅନ୍ତର୍ଭୁକ୍ତ କରିଥିବାବେଳେ ପଶ୍ଚିମବଙ୍ଗ ରାଜ୍ୟରେ ସେହି ସଦଗୋପ ଜାତିକୁ ବର୍ତ୍ତମାନ ସୁଦ୍ଧା ଓବିସି ବର୍ଗରେ ସାମିଲ କରାଯାଇନାହିଁ । ତେଣୁ ପଶ୍ଚିମବଙ୍ଗ ସରକାର ଏହି ଜାତିକୁ ଓବିସି ବର୍ଗରେ ତୁରନ୍ତ ସାମିଲ କରିବା ଦାବିରେ ଏକ ଦାବିପତ୍ର ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉଦେ୍ଦଶ୍ୟରେ ମନ୍ତ୍ରୀ ଶ୍ରୀକାନ୍ତ ମାହାତଙ୍କୁ ଦାବିପତ୍ର ପ୍ରଦାନ କରାଯାଇଥିଲା । ଏହି ଦାବିପତ୍ର ପ୍ରଦାନ ବେଳେ ସଦଗୋପ ସମାଜର ସଭାପତି ଜୟନ୍ତ ଦ୍ୱାରି ଓ ସମ୍ପାଦକ ଦେବ କୁମାର ପାତ୍ର ପ୍ରମୁଖଙ୍କ ସହ ସଂଘର ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ ।
