ଅଧିକ ପରିମାଣରେ ହାଇ ମରିବାର କାରଣ ହୋଇପାରେ ଶରୀର ପାଇଁ ଗମ୍ଭୀର ସମସ୍ୟାର କାରଣ, ଆସନ୍ତୁ ଜାଣିବା କଣ କହୁଛି ଗବେଷଣା

ଆମେ ସମସ୍ତେ ଜାଣିଛେ ଯେ ନିଦ ଆସିବା ଦ୍ୱାରା ହାଇ ଆସିଥାଏ l ନଚେତ ଶରୀର ଥକା ଲାଗିଲେ ହାଇ ଆସିବା ଦେଖା ଯାଇଥାଏ l କିନ୍ତୁ ଆବଶ୍ୟକତା ଠାରୁ ଅଧିକ ପରିମାଣରେ ହାଇ ଶରୀର ପାଇଁ ଗମ୍ଭୀର ସମସ୍ୟାର କାରଣ ହୋଇପାରେ l ଆସନ୍ତୁ ଜାଣିବା ଅଧିକ ହାଇ ମରିବା ପଛରେ କଣ କାରଣ ରହିଛି l

* ନିଦ ସମସ୍ୟାର କାରଣ – ଅଧିକାଂଶ ସମୟରେ ହାଇ ହୋଇଥାଏ ଥକାପଣ କିମ୍ବା ନିଦ ସମସ୍ୟାର କାରଣ l ଯେଉଁ ବ୍ୟକ୍ତି ଆବଶ୍ୟକତା ଠାରୁ କମ ଶୋଇ ଥାଆନ୍ତି ସେମାନେ ବାରମ୍ବାର ହାଇ ମାରିବା ଦେଖା ଯାଇଥାଏ l ଅଧିକ ପରିମାଣରେ ହାଇ ମାରିବା ଦୁର୍ବଳତା,ମାଂସପେଶୀରେ ଯନ୍ତ୍ରଣା, ଓ ନିଦ ପୁରା ନହେବାର କାରଣ ହୋଇଥାଏ l ନିଦ ଠିକ ଭାବରେ ନହେବା ଦ୍ୱାରା ଚିଡଚିଡା ମଧ୍ୟ ଲାଗିଥାଏ l ତେଣୁ ଆବଶ୍ୟକ ପରିମାଣରେ ଶୋଇବା ନିହାତି ଜରୁରୀ ଅଟେ l

* ଏଙ୍ଗଜାଇଟି ବା ଚିନ୍ତା – ହାଇ ମାରିବା ପାଇଁ ଏଙ୍ଗଯାଇଟି ବା ଚିନ୍ତା ଗୋଟିଏ ବିଶେଷ କାରଣ ଅଟେ l ଏଙ୍ଗଜାଇଟି ହୃତପିଣ୍ଡ, ଶ୍ୱାସ ପ୍ରଣାଳୀ ଓ ଶକ୍ତିକୁ ପ୍ରଭାବିତ କରିଥାଏ l ଏହି ସମସ୍ତ ସମସ୍ୟା ଶ୍ୱାସ କ୍ରିୟାରେ ବାଧା, ହାଇ ମାରିବା ଓ ଚିନ୍ତାର କାରଣ ହୋଇଥାଏ l ଗବେଷକ ମାନଙ୍କ ମତରେ ଚିନ୍ତା ଯୋଗୁଁ ହାଇ ଆସିବା ଦ୍ୱାରା ହୃତପିଣ୍ଡ ଉପରେ ଏହାର ପ୍ରଭାଵପଡିଥାଏ l

* ଡିପ୍ରେସନ ବା ଅବସାଦ – ଡିପ୍ରେସନ ଯୋଗୁଁ ମଧ୍ୟ ଅଧିକ ହାଇ ଆସିଥାଏ l ଗବେଷଣା କହୁଛି ଯେ ଯଦି କୌଣସି ବ୍ୟକ୍ତି ଅଧିକ ଡିପ୍ରେସନ ରେ ରହିଥାଏ ଓ ବାରମ୍ବାର ହାଇ ଆସିଥାଏ ତେବେ ଡାକ୍ତର ଙ୍କ ପରାମର୍ଶ କରିବା ଆବଶ୍ୟକ l

* ହୃଦ ରୋଗ – ଅତ୍ୟଧିକ ହାଇ ମସ୍ତିଷ୍କ,ହୃତପିଣ୍ଡ ଓ ପେଟ ସମସ୍ୟାର କାରଣ ହୋଇପାରେ l ହାଇ ଅଧିକ ମାରିବା ଦ୍ୱାରା ହୃଦ ଘାତ ସମସ୍ୟାର କାରଣ ମଧ୍ୟ ହୋଇପାରେ l ତେଣୁ ଯଦି ଅଧିକ ହାଇ ଆସୁଛି ତେବେ ଡାକ୍ତରଙ୍କୁ ପରାମର୍ଶ କରନ୍ତୁ l

* ଔଷଧ ସେବନ ମଧ୍ୟ ଗୋଟିଏ କାରଣ – ଗବେଷକ ମାନଙ୍କ ମତରେ ଅତ୍ୟଧିକ ପରିମାଣରେ ଔଷଧ ସେବନ ମଧ୍ୟ ହାଇ ର କାରଣ ହୋଇଥାଏ l ଯଦି ଆପଣ ଅଧିକ ଔଷଧ ସେବନ କରି ହାଇ ର ସମୁଖୀନ ହେଉଛନ୍ତି ତେବେ ଡାକ୍ତରଙ୍କୁ ପରାମର୍ଶ କରନ୍ତୁ l