ସାଲେପୁର, : ଆଜି ସାଲେପୁର ହାଇସ୍କୁଲ ପରିସରରେ କେନ୍ଦ୍ରାପଡ଼ା ସାଂସଦଙ୍କ ପକ୍ଷରୁ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସାଂସଦଙ୍କ ପ୍ରତିନିଧି ସୟଦ ଗୁଲରେଜ୍ ଅଲ୍ଲୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସାଲେପୁର ହାଇସ୍କୁଲ ପରିସରରେ ବିଭିନ୍ନ ପ୍ରକାର ଔଷଧୀୟ ଓ ଫଳ ବୃକ୍ଷ ଆଦି ରୋପଣ କରାଯାଇଥିଲା । ଏଥିରେ ସାଲେପୁର ପଞ୍ଚାୟତ ସମିତି ଉପାଧ୍ୟକ୍ଷ ରମେଶ ଜେନା ମୁଖ୍ୟଅତିଥି ରୂପେ ଯୋଗଦେଇ ଏହି ବୃକ୍ଷରୋପଣ କାର୍ଯ୍ୟକ୍ରମକୁ ଶୁଭ ଉଦ୍ଘାଟନ କରିଥିଲେ ।
ବୃକ୍ଷ ବଞ୍ଚôଲେ ପରିବେଶର ବିକାଶ ହେବା ସହ ସମାଜ ଉପରେ ତାର ପ୍ରଭାବ ପଡିବ । ତେଣୁ ପ୍ରତ୍ୟେକ ବ୍ୟକ୍ତି ଜୀବନ କାଳ ମଧ୍ୟରେ ଗୋଟିଏ ଗୋଟିଏ ବୃକ୍ଷ ରୋପଣ କରିବାପାଇଁ ଭିଡ଼ିଓ କଲ୍ ମାଧ୍ୟମରେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଉପସ୍ଥିତ କର୍ମୀମାନଙ୍କୁ ଆହ୍ୱାନ ଦେଇଥିଲେ ।
ସାଲେପୁର ବିଧାୟକ ପ୍ରଶାନ୍ତ ବେହେରା ମଧ୍ୟ ଏଭଳି ସମାଜହିତକର କାର୍ଯ୍ୟକୁ ପ୍ରଶଂସା କରିବା ସହ ଭିଡ଼ିଓ କଲ୍ ମାଧ୍ୟମରେ ଉପସ୍ଥିତ କର୍ମୀମାନଙ୍କୁ ଉତ୍ସାହିତ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସାଲେପୁର ହାଇସ୍କୁଲର ବରିଷ୍ଠ ଶିକ୍ଷକ ଦତ୍ତକୃଷ୍ଣ ବେହେରା, ବିଜୁ ଛାତ୍ର ସଭାପତି ଶୁଭମ୍ ଦାଶ, ମିର୍ଜାପୁର ସରପଞ୍ଚ ହରପ୍ରସନ୍ନ ବେହେରା, ବାଲିସାହି ସମିତିସଭ୍ୟ ବିଭୁତିଭୂଷଣ ଦାଶ, ସରପଞ୍ଚ ପ୍ରତିନିଧି ଜୟରାମ ବେହେରା, ରାଜେଶ ମହାନ୍ତି, ରୁଦ୍ରନାରାୟଣ ଦାଶ, ଆଶୁତୋଷ ଭୂୟାଁ, ରାକେଶ ଦାସ, ସୋମନାଥ ମଲ୍ଲ, ଆନନ୍ଦ ସାମଲଙ୍କ ସମେତ ବହୁ ଛାତ୍ର ଓ ଯୁବ ନେତୃମଣ୍ଡଳୀ ଉପସ୍ଥିତ ରହି ସହଯୋଗ କରିଥିଲେ ।
