ପୁରୀ,୧୭/୬-ମହାପ୍ରଭୁ ଙ୍କର ବିଶ୍ୱପ୍ରସିଦ୍ଧ ଘୋଷଯାତ୍ରା ଆଉ ୫ ଦିନ ପରେ ଅନୁଷ୍ଠିତ ହେବ । ଏଥି ନିମନ୍ତେ ରଥ ନିର୍ମାଣ କାର୍ଯ୍ୟ ରେ ବିଶ୍ୱକ୍ରମା ସେବକ ,ଚିତ୍ରକର ସେବକ,ରୂପକାର ସେବକ,ଦରଜି ସେବକ,ଓଝା ସେବକ ଓ ଭୋଇ ସେବାୟତ ମାନେ ନିର୍ମାଣ କାର୍ଯ୍ୟ ରେ ଯୋରସୋର ରେ ଲାଗି ପଡିଛନ୍ତି । ଆଗାମୀ କାଲି ସୁଦ୍ଧା ରଥ ନିର୍ମାଣ କାର୍ଯ୍ୟ ଶେଷ ହୋଇଯିବ ବୋଲି ବିଶ୍ୱକ୍ରମା ସେବାୟତ ମାନେ ମତ ବ୍ୟକ୍ତ କରିଛନ୍ତି । ୩ ରଥର ଦୁଆର ଗଡା କୁ ବାନ୍ଧି ରଖିବା ପାଇଁ ପ୍ରତି ରଥରେ ୪ ଗୋଟି ଲେଖାଏଁ ଧ୍ୱଜବତା ଲାଗିବା ସହ ୩ ରଥର ପଟ୍ଟା ବାଡିଆ , ଶ୍ରୀ ଜିଉ ଙ୍କ ବିଜେ ଆସ୍ଥାନ ର ବାହ୍ୟ ଚାରିପଟ ଗାଇପଲ ପଟା ଲାଗି ହୋଇଥିଲା । ଏବଂ ଏଥିରେ ୩ ଭୂଇଁ କୌଣରେ କଣିଂଗା ଭଡା ଲାଗି ହେବା ସହ ରଥଭୂଇଁ ଭତା ରୁ ପୋଟଳ ପର୍ଯ୍ୟନ୍ତ ୪ ପାଶ୍ୱର୍ ହାତିଆ ମାଳ ଫିଟିଙ୍ଗ୍ ହୋଇଯାଇଛି । ୩ ରଥ ରେ କଳସ ଓ ଅଁଳା ଲାଗି ହେବା ସହ ଓଲଟ ସୁଆ ମଧ୍ୟ ଫିଟିଙ୍ଗ୍ କରାଯାଇଛି । ୩ ରଥର ଚତୁଃପାଶ୍ୱର୍ ଚିତ୍ରକର ସେବକ ମାନଙ୍କ ଦ୍ୱାରା ରଙ୍ଗ କାର୍ଯ୍ୟ ଚାଲିଛି । ୩ ରଥର ବିଜେ ଆସ୍ଥାନ ଉପରେ କନକ ମୁଣ୍ଡି ରହିଛି । ୪ ନାହାକା ରୁ ଫିଟିଙ୍ଗ୍ ହୋଇଥିବା ୨ଗୁଣନ ୨ ସାଇଜ ର କାଣ୍ଡ ଓ ୪ ଗୋଟି ୪ ପାଶ୍ୱର୍ରୁ ଯାଇ କନକମୁଣ୍ଡିରେ ଫିଟିଙ୍ଗ୍ ହୋଇ ସେହି କାଣ୍ଡ ଦେହରୁ ୨ ଗୁଣନ ୧ ସାଇଜ ର ଗମ୍ବୁଜ ଆକୃତ ଆସିଅଛି । ଯାହାକି ଶ୍ରୀ ମନ୍ଦିର ର ରତ୍ନ ସିଂହାସନ ର ଅବିକଳ ପରି ଲାଗୁଛି ।
