କର୍ଣାଟକ ହୀଯାବ କୁ ତେଜିଲା ମାମଲା : ଓବେଶୀ ଙ୍କ ପରେ ଭାରତୀୟ ଅଧିକାରୀ ଦେଲେ ପାକିସ୍ତାନ କୁ କଡା ଜବାବ, ପ୍ରଥମେ ନିଜ ଘର ସମ୍ଭାଳ
ନୂଆଦିଲ୍ଲୀ : କର୍ଣ୍ଣାଟକ ରେ ହିଯାବ୍ ବିବାଦକୁ ନେଇ ପାକିସ୍ତାନ ର ବିଦେଶ ମନ୍ତ୍ରଣାଳୟ ଇସ୍ଲାମାବାଦ୍ ସ୍ଥିତ ଭାରତୀୟ ଦୂତାବାସ ର ଅଧିକାରୀଙ୍କୁ ଚେତାବନୀ ଦେଇ ଏହାକୁ ଗମ୍ଭୀର ଭାବରେ ନେଇ ଚିନ୍ତା ବ୍ୟକ୍ତ କରିଛନ୍ତି । ପାକିସ୍ତାନୀ ବିଦେଶ ମନ୍ତ୍ରଣାଳୟ ର ଅଧିକାରୀ କର୍ଣାଟକ ରେ ମୁସଲିମ ଛାତ୍ରୀ ମାନଙ୍କର ହିଯାବ ପିନ୍ଧିବାର ପ୍ରତିବନ୍ଧକ କୁ ନେଇ ନିନ୍ଦା କରିଛନ୍ତି । ଭାରତୀୟ ଅଧିକାରୀ ପାକିସ୍ତାନ ର ନିନ୍ଦା କୁ ଭିତ୍ତିହୀନ ଦର୍ଶାଇ କଡ଼ା ଜବାବ ଦେଇଛନ୍ତି । ଭାରତୀୟ ଅଧିକାରୀ ପାକିସ୍ତାନ କୁ କହିଛନ୍ତି ଯେ ସେ ପ୍ରଥମେ ନିଜର ଟ୍ରାକ ରେକର୍ଡ ଦେଖୁ ।
ଇଣ୍ଡିଆ ଟୁଡେ ର ତଥ୍ୟ ଅନୁସାରେ ଭାରତୀୟ ଅଧିକାରୀ ସୁରେଶ କୁମାର କହିଛନ୍ତି ଯେ ଭାରତ ଗୋଟିଏ ଧର୍ମ ନିରପେକ୍ଷ ରାଷ୍ଟ୍ର । ଭାରତରେ ପ୍ରେତ୍ୟେକ୍ କାମ ଗୋଟିଏ ପ୍ରକ୍ରିୟା ଅନୁସାରେ ହୋଇଥାଏ । ତେଣୁ ଭାରତ କଥାରେ ମୁଣ୍ଡ ନ ପୁରାଇ ନିଜ ଦେଶର ସ୍ଥିତି କୁ ସମ୍ଭାଳିବା ଆବଶ୍ୟକ ।
ଏହାକୁ ନେଇ ପାକିସ୍ତାନ ର ନୋବେଲ ପୁରସ୍କାର ବିଜୟିନୀ ମଲାଲା ୟୁସୁଫ ଜାଇ ମଧ୍ୟ ଭାରତ ସରକାର ଙ୍କୁ ଟୁଇଟ କରିଛନ୍ତି । ମଲାଲା ନିଜ ଟୁଇଟ ରେ ଲେଖିଛନ୍ତି ଯେ ” ଭାରତ ସରକାର ମୁସଲିମ ମହିଳା ଙ୍କ ଉପେକ୍ଷା କୁ ରୋକିବା ଆବଶ୍ୟକ । ହିଜାବ କଦାପି ଶିକ୍ଷା ରେ ବାଧକ ସାଜିବା ଠିକ୍ ନୁହେଁ । ଭାରତୀୟ ନେତା ମାନଙ୍କୁ ଏଥିପାଇଁ ଚିନ୍ତା କରିବା ଉଚିତ୍ । “
ପାକିସ୍ତାନ ର ମନ୍ତବ୍ୟ କୁ ନେଇ ଅସବୁଦିନ ଓବେଶୀ କହିଛନ୍ତି ” ପାକିସ୍ତାନ ପ୍ରଥମେ ନିଜ ଦେଶକୁ ଦେଖିବା ଉଚିତ୍ । ପରେ ଭାରତ ଚିନ୍ତା କରିବା ଆବଶ୍ୟକ । ମଲାଲା ଙ୍କୁ ଆଲୋଚନା କରି ଓବେଶୀ କହିଛନ୍ତି ଯେ ” ମଲାଲା ଉପରେ ଆକ୍ରମଣ ହେଲା ପାକିସ୍ତାନ ରେ । ତାଙ୍କୁ ବ୍ରିଟେନ ରେ ପଢିବାକୁ ପଡ଼ିଲା । ପାକିସ୍ତାନ ର ସମ୍ବିଧାନ ଅନୁସାରେ କୌଣସି ଅଣ ମୁସଲିମ ସେଠାକାର ପ୍ରଧାନମନ୍ତ୍ରୀ ହୋଇ ପାରିବ ନାହିଁ ।
ଆମେ ପାକିସ୍ତାନୀ ଙ୍କୁ କହିବୁ ସେମାନେ ଭାରତକୁ ଦେଖନ୍ତୁ ନାହିଁ । ସେମାନେ ବାଲୁଚିସ୍ତାନ କୁ ଦେଖନ୍ତୁ ଓ ତାଙ୍କ ନିକଟରେ ଯାହା ସବୁ ଅସୁବିଧା ରହିଛି ତାର ସମାଧାନ କର । ଏହି ଦେଶ ମୋର , ମୋ ଦେଶ ବିଷୟରେ ତମେମାନେ ଚିନ୍ତା କର ନାହିଁ ।
