ନୂଆପଡା- ୨୧/୧୧ ସକାଳ ଖବର ( ସୁରେନ୍ଦ୍ର ତିୱାରୀ) : ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗ ପକ୍ଷରୁ କ୍ଳବ୍ ପଡ଼ିଆରେ ଦ୍ଵି ଦିବସୀୟ ଜିଲ୍ଲାସ୍ତରୀୟ ମତ୍ସ୍ୟ ଓ ପ୍ରାଣୀ ସମ୍ପଦ ମେଳା ଆଜି ଉଦଯାପିତ ହୋଇଯାଇଛି। ପ୍ରଥମ ଦିନ ଜିଲ୍ଲାପାଳ ହେମକାନ୍ତ ସାଏ ମୁଖ୍ୟ ଅତିଥି ଭାବେ ଯୋଗଦେଇ ମେଳାକୁ ଉଦ୍ଘାଟନ କରିଥିଲେ । ମତ୍ସ୍ୟ ଓ ପ୍ରାଣୀ ସମ୍ପଦ ର ବିକାଶ ନିମନ୍ତେ କରାଯାଇଥିବା ଯୋଜନା ଲୋକମାନଙ୍କର ଆୟକୁ ଦ୍ବିଗୁଣିତ କରିବ ଏବଂ ସେମାନେ ଆତ୍ମନିର୍ଭରଶୀଳ ହୋଇପାରିବେ ବୋଲି ଅତିଥି ମାନେ ମତ ପ୍ରକାଶ କରିଥିଲେ। ସମ୍ମାନିତ ଅତିଥ୍ ଭାବେ ନୂଆପଡା ଏସପି ରାଘବେନ୍ଦ୍ର ଗୁଣ୍ଡଳ ରେଡି ଯୋଗଦେଇ ମତ୍ସ୍ୟ ଓ ପ୍ରାଣୀ ପାଳନକୁ ବ୍ୟବସାୟ ଭିତ୍ତିରେ ଗ୍ରହଣ କରି ବେକାରୀ ସମସ୍ୟାକୁ ଦୂର କରାଯାଇପାରିବ ବୋଲି ତାଙ୍କ ଅଭିଭାଷଣ ରେ କହିଥିଲେ। ଅତିଥି ଭାବେ ଜିଲ୍ଲା ପରିଷଦ ସଦସ୍ୟ ଭାନୁପ୍ରାତପ ସିଂ ମାଝୀ ଯୋଗଦେଇ ମତ୍ସ୍ୟ ଓ ପ୍ରାଣୀ ପାଳନ କରି ମହିଳାମାନେ ସ୍ବାବଲମ୍ବୀ ହୋଇପାରିବେ ବୋଲି ତାଙ୍କ ଉଦବୋଧନ ରେ କହିଥିଲେ ।
। ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ ଡାକ୍ତର ପ୍ରଦୀପ କୁମାର ସେଠ ସ୍ବାଗତ ଭାଷଣ ଦେଇଥିଲେ। ନୂଆପଡା ଜିଲ୍ଲାପାଳ ହେମାକାନ୍ତ ସାଏ ଉପସ୍ଥିତ ରହି ସଭାପତିତ୍ବ କରିଥିଲେ। ମେଳାରେ ବିଶେଷ ଆକର୍ଷଣ ସ୍ବରୂପ ଜୀବନ୍ତ ମତ୍ସ୍ୟ ଓ ବିଭିନ୍ନ ପ୍ରାଣୀଙ୍କ ପ୍ରଦର୍ଶନୀ ହୋଇଥିଲା । ସରକାରଙ୍କ ବିଭିନ୍ନ ଯୋଜନାର ସଫଳ ରୂପାୟନ ପାଇଁ ୧୪ ଗୋଟି ଷ୍ଟଲ ପ୍ରଦର୍ଶନ କରାଯାଇଥିଲା । ଏଥିସହ ଜିଲ୍ଲାସ୍ତରୀୟ ଗୋ-ସମ୍ବର୍ଦ୍ଧନା ସପ୍ତାହ ପାଳନ ଅବସରରେ ଗୋ-ପୂଜନ କାର୍ଯ୍ୟକ୍ରମ ଓ ଗୋ ଉତ୍ସବ ହୋଇଥିଲା। ପ୍ରାଣୀ ପାଳନ କରୁଥିବା ଚାରି ଜଣ ଚାଷୀଙ୍କୁ ପୁରସ୍କୃତ କରାଯାଇଥିଲା। ଜିଲ୍ଲାର ସଫଳ ଚାଷୀଙ୍କୁ ଉପରୋକ୍ତ ଉଦ୍ଘାଟନୀ ସଭା ରେ ସମ୍ମାନିତ କରାଯଇଥିଲା ।ସେହିପରି କୁକୁଡ଼ା ଚାଷ ରେ ସଫଳ ଚାଷୀ କୋମନା ବ୍ଲକର ହରିକେଶ ଜାଲ ଏବଂ ସନ୍ତୋଷ ବିଶ୍ଵଳ ଙ୍କୁ ସମ୍ମାନିତ କରାଯଇଥିଲା , ନୂଆପଡା ବ୍ଲକ ର ଛେଲି ପାଳନ ରେ ସଫଳତା ଲାଭ କରିଥିବା ଚାଷୀ ପ୍ରେମ ଲାଲ ନାୟକ ଏବଂ ମାଛଚାଷକ୍ଷେତ୍ରରେମସିନାପାଲି ବ୍ଲକରହୀରାଲାଲସାଙ୍କୁସମ୍ମାନିତକରା
