ଓଡ଼ିଶାର ରାଜନୀତି ରେ ଗୋଟିଏ ଜଣାଶୁଣା ନାମ ଶ୍ରୀଯୁକ୍ତ ନବୀନ ପଟ୍ଟନାୟକ, ଯିଏ କି ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟନାୟକ ଙ୍କର ସୂପୁତ୍ର ଅଟନ୍ତି l ବିଜୁବାବୁ ନିଜର ଅଦମ୍ୟ ସାହସ ଓ ଜଣେ ଦକ୍ଷ ସ୍ୱାଧୀନତା ସଂଗ୍ରାମୀ ଭାବରେ ସାରା ବିଶ୍ୱରେ ପରିଚିତ ଥିଲେ l ବିଜୁବାବୁ ଯେଭଳି ଜଣେ ଟାଣୁଆ ରାଜନେତା ଥିଲେ ସେହିଭଳି ନବୀନ ମଧ୍ୟ ଜଣେ ସୁଦକ୍ଷ ରାଜନେତା ଭାବରେ ପରିଚିତ l ଏହାଛଡା ନିଜର ସରଳ ଜୀବନ ଯାପନ ପ୍ରଣାଳୀ କୁ ନେଇ ସାରା ଭାରତ ରେ ପରିଚିତ l
ନବୀନ ବାବୁ ଙ୍କ ଜନ୍ମ ୧୯୪୬ ଅକ୍ଟୋବର ୧୬ ତାରିଖ ରେ କଟକରେ ହୋଇଥିଲା l ପ୍ରାରମ୍ଭିକ ଶିକ୍ଷା କଟକରେ ଆରମ୍ଭ କରିଥିଲେ ମଧ୍ୟ ୭ ବର୍ଷ ଆୟୁ ରେ ନବୀନ ୱେଲ ହାମ୍ ବଏଜ ସ୍କୁଲ୍ ଡେରାଡୁନ ରେ ଆଡ଼ମିସନ ନେଇଥିଲେ l ଏହାପରେ ସେ ଡେରାଡୁନ ର ପ୍ରତିଷ୍ଠିତ ସ୍କୁଲ ଡୁନ ସ୍କୁଲ ରେ ଶିକ୍ଷା ଗ୍ରହଣ କରିଥିଲେ l ଏହାପରେ ଉଚ୍ଚ ଶିକ୍ଷା ପାଇଁ ଦିଲ୍ଲୀ ବିଶ୍ୱବିଦ୍ୟାଳୟ ର ପ୍ରତିଷ୍ଠିତ କଲେଜ ସେଣ୍ଟ ଷ୍ଟିଫେନ କଲେଜ ରୁ ସ୍ନାତୋକ ସମ୍ପୂର୍ଣ କରିଥିଲେ l ନବୀନ ପଟନାୟକ ଜଣେ ଭଲ ଲେଖକ ଅଟନ୍ତି l ତାଙ୍କ ଭାଇ ପ୍ରେମ ପଟନାୟକ ଦିଲ୍ଲୀର ଜଣେ ପ୍ରତିଷ୍ଠିତ ଉଦ୍ୟୋଗପତି ଓ ଭଉଣୀ ଗୀତା ମେହତା ଜଣେ ଲେଖିକା ଅଟନ୍ତି l
