ସରକାରଙ୍କ ଟାଳଟୁଳା ନୀତିକୁ ବିରୋଧ କରି କଣାସ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ସ୍ୱାସ୍ଥ୍ୟ କର୍ମଚାରୀମାନେ କଳା ବ୍ୟାଚ ପିନ୍ଧିଲେ

କଣାସ ୧୯/୦୧/୨୦୨୧ : ପୁରୀ ଜିଲ୍ଲା କଣାସ ବ୍ଲକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର କର୍ମଚାରୀ ମାନେ ସରକାର ଙ୍କ ଟାଳ ଟୁଳା ନୀତିକୁ ବିରୋଧ କରି କଳା ବ୍ୟାଚ ପିନ୍ଧିଲେ। ସରକାରଙ୍କ ନିୟମ ଅନୁଯାଇ ପ୍ରତେକ କର୍ମଚାରୀ ଙ୍କୁ ଚାକିରି ଜୀବନକାଳ ମଧ୍ୟରେ ୩ ରୁ ୪ ପଦଉନ୍ନତି ତଥା ବେନିଫିଟ ଦେବକଥା। ମାତ୍ର ସ୍ୱାସ୍ଥ୍ୟ ବିଭାଗ ଅଧୀନସ୍ଥ ତୃଣମୂଳ ସ୍ତରରେ କାର୍ଯ୍ୟରତ ସମସ୍ତ କର୍ମଚାରୀ ମାନଙ୍କୁ ଏହି ସୁଯୋଗ ମିଳୁନଥିବା ବେଳେ ଡାକ୍ତର , ଫାର୍ମାସିଷ୍ଟ ଓ ଷ୍ଟାଫ ନର୍ସ ପ୍ରଭୁତି ଉପରିସ୍ଥ କର୍ମଚାରୀ ମାନଙ୍କୁ ଏହି ସୁଯୋଗ ମିଳିବା ଏକ ପ୍ରଶ୍ନବାଚୀ ସୃଷ୍ଟି କରିଛି।

ଏହି କାରଣରୁ  ସରକାରଙ୍କ ଟୀକାକରଣ କାର୍ଯ୍ୟକ୍ରମ ରେ କଣାସ ଗୋଷ୍ଠୀ କେନ୍ଦ୍ରର ୩୫ରୁ ଉର୍ଦ୍ଧ୍ବ ସ୍ୱାସ୍ଥ୍ୟ କର୍ମଚାରୀ ଟୀକାକରଣ କାର୍ଯ୍ୟକ୍ରମ ରେ ଯୋଗଦେଇଥିଲେ ମଧ୍ୟ କୌଣସି କର୍ମଚାରୀ ଟୀକା ନେଇନଥିଲେ। ଦୀର୍ଘ ୧୦ ବର୍ଷ ହେଲା ବିଭିନ୍ନ ସ୍ୱାସ୍ତ୍ୟବିଭାଗ କୁ ପଦବୀ ପରିବର୍ତ୍ତନ ଓ କ୍ୟାଡ଼ର ପୁର୍ନଗଠନ ପାଇଁ ନିବେଦନ କରିଆସୁଥିଲେ ମଧ୍ୟ ସରକାର କୌଣସି କର୍ଣ୍ଣପାତ କରୁନାହାନ୍ତି। ସରକାରୀ ନିୟମ ଅନୁସାରେ ଟ୍ରାଇଭାଲ ଅଞ୍ଚଳରେ ୩ହଜାର ଲୋକ ସଂଖ୍ୟାରେ ଗୋଟିଏ ଉପ ସ୍ୱାସ୍ଥ୍ୟକେନ୍ଦ୍ର ଓ ସେହିଭଳି ସମତଳ ଅଞ୍ଚଳରେ ୫ହଜାର ଲୋକ ସଂଖ୍ୟାରେ ଗୋଟିଏ ଉପ ସ୍ୱାସ୍ଥ୍ୟକେନ୍ଦ୍ର ରହିବା କଥା ତା ପରିବର୍ତ୍ତେ ଏଠାରେ ୧୨ହଜାର ରୁ ଉର୍ଦ୍ଧ୍ବ ଲୋକଙ୍କ ସଂଖ୍ୟାରେ ଉପକେନ୍ଦ୍ର ରହିଅଛି ଓ ୨ଜଣ ସ୍ୱାସ୍ଥ୍ୟକର୍ମୀ ବଦଳରେ ଜଣେ ଲେଖାଏଁ ସ୍ୱାସ୍ଥ୍ୟକର୍ମୀ କାର୍ଯ୍ୟକରୁଛନ୍ତି। ଯାହାକି ସମ୍ପୁର୍ଣ୍ଣ ଭାବେ ଅସମ୍ଭବ।

ଅଦ୍ୟାବଧି କଣାସ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପୁରୁଷ ସ୍ୱାସ୍ତ୍ୟକର୍ମୀ ୨୩ଜଣ ଆବଶ୍ୟକ ଥିବା ବେଳେ କାର୍ଯ୍ୟ କରୁଛନ୍ତି ୯ ଜଣ ଓ ମହିଳା ସ୍ୱାସ୍ଥ୍ୟ କର୍ମଚାରୀ ୨୩ଜଣ ଦରକାର ଥିବା ବେଳେ ଅଛନ୍ତି ୨୦ ଜଣ ମାତ୍ର। କୁଷ୍ଠ , ଯକ୍ଷ୍ମା , ଅଣ ସଂକ୍ରମକ ରୋଗ , କରୋନା ,ଏଡେ୍ସ ଭଳି ରୋଗରେ ପୀଡିତ ମାନଙ୍କ ରୋଗ ନିମନ୍ତେ ସ୍ୱାସ୍ଥ୍ୟକର୍ମୀ ମାନଙ୍କ ଉପରେ ଜୋର ଜବରଦସ୍ତ କାର୍ଯ୍ୟ ନଦିଦେଉଛନ୍ତି। ଡାଟାବେସ କାର୍ଯ୍ୟକୁ ଅନବିଜ୍ଞ କର୍ମଚାରୀ କୁ କାର୍ଯ୍ୟ ଦେବଦ୍ୱାରା କୌଣସି କାମ ଠିକସେ ହେଇପାରୁନାହିଁ। ଏକ ଲକ୍ଷ  ୬୦ ହଜାର ରୁ ଉର୍ଦ୍ଧ୍ବ କଣାସ ଅଞ୍ଚଳରେ ବସବାସ କରୁଥିବା ଲୋକମାନଙ୍କର ସ୍ୱାସ୍ଥ୍ୟ ସେବା ଏବେ ବିପର୍ଯ୍ୟସ୍ତ ହୋଇପଡିଛି। ସ୍ୱାସ୍ଥ୍ୟ କର୍ମୀମାନଙ୍କ ପ୍ରତି କରାଯାଉଥିବା ଅବିଚାର କୁ ତୁରନ୍ତ ସମାଧାନ କରାନଗଲେ ସ୍ୱାସ୍ଥ୍ୟ କର୍ମୀମାନେ ରାଜରାସ୍ତା କୁ ଓଲ୍ହାଇବେ ବୋଲି ନିଷ୍ପତି ନେଇଛନ୍ତି।