ହାଟଡିହି ୧୩ । ୯ : କେନ୍ଦୁଝର ଜିଲ୍ଲ ହାଟଡିହି ବ୍ଲକ ଶାଳଣିଆଁ ଠାରେ ଦୀର୍ଘ ୮ବର୍ଷ ହେଲା ୩୩/୧୧ ବିଦୁ୍ୟତ ସବଷ୍ଟେସନ କାମ ଚାଲିଥିବାବେଳେ ଆଜି ପର୍ଯ୍ୟନ୍ତ କାମ ସମ୍ପୁର୍ଣ୍ଣ ହୋଇପାରିଲାନି । ଏହି ସମୟ ମଧ୍ୟରେ ଅନ୍ୟ ସ୍ଥାନରେ ନିର୍ମାଣ ହୋଇଥିବା ସବଷ୍ଟେସନ ଗୁଡିକ କାର୍ଯ୍ୟକ୍ଷମ ହୋଇସାରିଥିବାବେଳେ ଏଠାରେ କାମ ସରିବାର ନାଁ ଧରୁନି ।

ଫଳରେ ଲୋକମାନେ ବିଦୁ୍ୟତ ପାଇଁ ନାନା ସମସ୍ୟା ଭୋଗ କରୁଥିବାବେଳେ ମାସର ଅଧିକାଶଂ ଦିନ ଶାଳଣିଆଁ ଅଞ୍ଚଳବାସୀ ଅନ୍ଧକାରରେ କାଳାତିପାତ କରୁଛନ୍ତି । ଖବରରୁ ଜଣାଯାଇଛି ଯେ ହାଟଡିହି ଅଞ୍ଚଳରେ ୪ଗୋଟି ୩୩/୧୧କେଭି ବିଦୁ୍ୟତ ସବଷ୍ଟେସନ ନିର୍ମାଣ ପାଇଁ ଅନୁଦାନ ଯୋଗାଇ ଦିଆଯାଇଥିଲା । ତକ୍ରାଳୀନ ବିଧାୟକଙ୍କ ଦ୍ୱାରା ଭିତ୍ତିପ୍ରସ୍ଥର ସ୍ଥାପନ ପରେ ଛେନାପଦି ସବଷ୍ଟେସନ ଦଧିବାନପୁର ଠାରେ ନିର୍ମାଣ ହୋଇ ଦୁଇବର୍ଷ ହେଲା କାର୍ଯ୍ୟକ୍ଷମ ହୋଇସାରିଥିବାବେଳେ ଢ଼େଙ୍କା ସବଷ୍ଟେସନ ମଧ୍ୟ କାର୍ଯ୍ୟକ୍ଷମ ହୋଇ ବିଦୁ୍ୟତ ଯୋଗାଣ କରାଯାଇଛି ।

କିନ୍ତୁ ଦୀର୍ଘବର୍ଷ ଧରି ଶାଳଣିଆଁ ବିଦୁ୍ୟତ ସବଷ୍ଟେନ କାର୍ଯ୍ୟ ଚାଲିଛି ଯେ ସରିବାର ନାଁ ଧରୁନି । ଏହି ବିଦୁ୍ୟତ ସବଷ୍ଟେସନରୁ ଶାଳଣିଆଁ, ଡଅଁର, ଗେଡମା, ଆଇତିପୁର, ଷଡଙ୍ଗ, ହାବଳେଶ୍ୱର ଆଦି ପଞ୍ଚାୟତକୁ ବିଦୁ୍ୟତ ଯୋଗାଣ ପାଇଁ ଯୋଜନା ଥିବାବେଳେ କାମ ସରୁନଥିବାରୁ ଲୋକମାନେ ନାହିଁ ନଥିବା ଅସୁିଧାର ସମୁଖୀନ ହେଉଛନ୍ତି । ଦିନେ ବିଦୁ୍ୟତ ରହିଲେ ଆଉ ୪ଦିନ ଅନ୍ଧାର । ସାମାନ୍ୟ ବର୍ଷା କି ପବନ ହେଲେ ବିଦୁ୍ୟତ ସଂଯୋଗ ବିଛିନ୍ନ କରିଦିଆଯାଉଛି ଯେ ଆଉ ଆସିବାର ନାଁ ଧରୁନି । ନାନା ସମସ୍ୟା ଭିତରେ ଶାଳଣିଆଁ ଅଞ୍ଚଳବାସୀ ଥିବାବେଳେ ବିଦୁ୍ୟତ ବିଭାଗ ଏନେଇ କୌଣସି ଠୋସ ପଦକ୍ଷେପ ନେଉ ନଥିବା ଅଭିଯୋଗ କରିଛନ୍ତି ଅଞ୍ଚଳବାସୀ । ଠିକାଦାର ଗତ ବର୍ଷେହେବ କାମ ବନ୍ଦ କରିଦେଇଥିବାବେଳେ ଏହି ସବଷ୍ଟେସନଟି କାର୍ଯ୍ୟକ୍ଷମ ହେବାନେଇ ଅଞ୍ଚଳବାସୀଙ୍କ ମଧ୍ୟରେ ସନେ୍ଦହ ପ୍ରକାଶ ପାଇଛି ।

ତୁରନ୍ତ ବିଦୁ୍ୟତ ବିଭାଗର ଉଚ୍ଚ କର୍ତ୍ତପକ୍ଷ ଏନେଇ ଦୃଷ୍ଟି ନଦେଲେ ଆସନ୍ତା ୧୫ଦିନ ଭିତରେ ଅଞ୍ଚଳବାସୀଙ୍କ ପକ୍ଷରୁ ଆନେ୍ଦାଳନାତ୍ମକ ପନ୍ଥା ଗ୍ରହଣ କରାଯିବ ବୋଲି ପୁର୍ବତନ ସମିତି ସଭ୍ୟ ବିରେନ୍ଦ୍ର କୁମାର ବିଶ୍ୱାଳ, ପୁର୍ବତନ ସରପଞ୍ଚ ଅନାଥ ନାୟକ, ରଙ୍ଗାଧର ମଲ୍ଲିକ, ଶ୍ରୀଧର ସାହୁ, ରଞ୍ଜନ କୁମାର ପହି, ପ୍ରତାପ ଦେଓ, ଆନନ୍ଦ ଚରଣ ମହାନ୍ତି, ବରଦା ପ୍ରସନ୍ନ ନାୟକ, ପ୍ରଦୀପ କୁମାର ଜେନା, ମାନସ ବେହେରା, ପଦ୍ମନାଭ ନାୟକ, ନୀଳକଣ୍ଠ ମହାକୁଡ, ଅଭୟ ସେଠୀ, ବ୍ରଜ କିଶୋର ଜେନା ପ୍ରମୁଖ ଚେତାବନୀ ଦେଇଛନ୍ତି । ଏ ସମ୍ପର୍କରେ ବିଦୁ୍ୟତ ବିଭାଗର ସହକାରୀଯନ୍ତ୍ରୀ ମହେଶ୍ୱର ନାୟକଙ୍କୁ ପଚାରିବାରେ ସେ ଶାଳଣିଆଁ ୩୩/୧୧ ବିଦୁ୍ୟତ ସବଷ୍ଟେସନର ସମସ୍ତ କାମ ପ୍ରାୟତ ସରିଯାଇଛି । କିଛି ସ୍ଥାନୀୟ ସମସ୍ୟା ଯୋଗୁଁ ଓ କୋଭିଡ ପାଇଁ କାମ ସମ୍ପୁର୍ଣ୍ଣ ହୋଇ ପାରୁନି । ଯଥାଶିଘ୍ର ଆମେ ଏହି ସମସ୍ୟାକୁ ସମାଧାନ କରି ବିଦୁ୍ୟତ ସଂଯୋଗ ଦେବାପାଇଁ ବ୍ୟବସ୍ଥା କରୁଛୁ ବୋଲି କହିଛନ୍ତି

LEAVE A REPLY

Please enter your comment!
Please enter your name here