ବାରିପଦା : ମୟୂରଭଞ୍ଜ ଜିଲ୍ଲାରେ ଏକାଥରକେ ୨୨ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ଶୁକ୍ରୁବାର ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି । ୨୦ଜଣ କ୍ୱାରାଣ୍ଟାଇନ୍ କେନ୍ଦ୍ରରେ ରହୁଥିବାବେଳେ ୨ଜଣ କ୍ୱାରାଣ୍ଟାଇନ୍ କେନ୍ଦ୍ରରୁ ବାହାରି ହୋମ କ୍ୱରାଣ୍ଟାଇନ୍ରେ ରହୁଥିବାବେଳେ କରୋନା ଚିହ୍ନଟ ହୋଇଛନ୍ତି । ଜିଲ୍ଲାରେ ପ୍ରଥମଥର ପାଇଁ ଏକାଥରକେ ଏତେ ସଂଖ୍ୟକ କରୋନା ଚିହ୍ନଟ ହେବା ଘଟଣା ଚିନ୍ତାର ବିଷୟ ପାଲଟିଛି । ସମସ୍ତ କରୋନା ଚିହ୍ନଟ ପ୍ରବାସୀ ବୋଲି ଜଣାଯାଇଛି ।
ମହାରାଷ୍ଟ୍ର ୯ଜଣ, ତେଲଙ୍ଗାନ ୩ଜଣ, କର୍ଣ୍ଣାଟକ ୨ଜଣ, ଗୁଜୁରାଟ୍ ୩ଜଣ, ତାମିଲନାଡୁ ୩ଜଣ, ଆନ୍ଧ୍ରପ୍ରଦେଶ ଓ ପଞ୍ଜାବରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ଏମାନଙ୍କ ମଧ୍ୟରେ ୨୦ଜଣ ପୁରୁଷ ଓ ଦୁଇଜଣ ମହିଳା ରହିଛନ୍ତି । ରାସଗୋବିନ୍ଦପୁର ବ୍ଲକରୁ ୧୧ଜଣ, ଶୁଳିଆପଦା ଓ ବେତନଟୀ ବ୍ଲକରୁ ୫ଜଣ ଲେଖାଏଁ ଓ ଠାକୁରମୁଣ୍ଡା ବ୍ଲକରୁ ଜଣେ ବୋଲି ଜଣାଯାଇଛି । ମୟୂରଭଞ୍ଜ ଜିଲ୍ଲାରେ ବର୍ତ୍ତମାନ ସୁଦ୍ଧା ୫୭ଜଣ କରୋନା ପଜିଟିଭ୍ ଚିହ୍ନଟ ହୋଇଥିବାବେଳେ ଏମାନଙ୍କ ମଧ୍ୟରୁ ୧୪ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ମାତ୍ର ବର୍ତ୍ତମାନ ପର୍ଯ୍ୟନ୍ତ ୪୩ଜଣ କରୋନା ପଜିଟିଭ୍ ଚିକିସôିତ ହେଉଛନ୍ତି ।
