ବିରିଡି : ବିରିଡି ବ୍ଲକ ଅଢଙ୍ଗଶାସନର ଲକ୍ଷ୍ମିପ୍ରିୟା ବାସୁଦେବ ଚାରିଟେବୁଲ ଟ୍ରଷ୍ଟ ଏବଂ ଗତିରାଉତପାଟଣା ବିଭୂତି ଭୂଷଣ ଫାଉଣ୍ଡେସନ ତରଫରୁ ବିରିଡି ବ୍ଲକ ଅଂଚଳରେ କାର୍ଯ୍ୟରତ ଖବର କାଗଜ ବିତରକଙ୍କୁ ଶୁଖିଲା ଖାଦ୍ୟ ପୁଡିଆ ବଂଟନ କରାଯାଇଥିଲା । ରାଜ୍ୟ ଓ କେନ୍ଦ୍ର ସରକାର ଙ୍କ କରୋନା ମୁକାବିଲାର ସମସ୍ତ ସୂଚନା ଖବରକାଗଜରେ ପୁଷ୍ଠା ମଣ୍ଡନ କରିଛନ୍ତି । ଯାହାକୁ ପ୍ରତିଦିନ ଘର ଘର ବୁଲି ଖବର କାଗଜ ବିତରକ ମାନେ ବହୁ ପରିଶ୍ରମ କରି ଲୋକମାନଙ୍କ ପାଖରେ ସରକାରଙ୍କ ବାର୍ତା ପହଂଚାଇବାରେ ପ୍ରମୁଖ ଭୂମିକା ଗ୍ରହଣ କରିଆସୁଛନ୍ତି । ସୋମବାର ବିରିଡି ବ୍ଲକ ଖବର କାଗଜ ବିତରକ ଶାଖାର ମୁଖ୍ୟ ପ୍ରମୋଦ ସାହୁ ସମସ୍ତ ବିତରକଙ୍କୁ ଚାଉଳ, ଚୂଡା, ଗୁଡ, ଡାଲି, ସାବୁନ ଥିବା ଶୂଖିଲା ଖାଦ୍ୟ ପୁଡିଆ ସବୁକୁ ଖବର କାଗଜ ବିତରକଙ୍କୁ ବଂଟନ କରିଥିଲେ ।
