ବୋଲଗଡ ତ୧୧/୦୫ : ବୋଲଗଡ ବ୍ଳକର ନାଗରିକ ମଞ୍ଚ ଓ ଯୁବ ସ୍ୱେଚ୍ଛାସେବୀ ମାନଙ୍କ ପକ୍ଷରୁ କରୋନା ଯୋଦ୍ଧାଙ୍କୁ ସୋମବାର ଦିନ ତହସିଲ କାର୍ଯ୍ୟାଳୟ ପରିସରରେ ସମ୍ବର୍ଦ୍ଧିତ କରାଯାଇଛି । କରୋନା ସଙ୍କଟ ସମୟରେ ତହସିଲଦାର ମୋନାଲିସା ପଣ୍ଡା, ବୋଲଗଡ ଥାନା ପୋଲିସ ଅଧିକାରୀ ଶେଖ୍ ଆକବର ଅଲ୍ଲୀ,ଏସଆଇ ପବିତ୍ରମୋହନ ପ୍ରଧାନ,ସୁଜାତା ପଲାଇ,ଏଏସଆଇ ଉମାକାନ୍ତ ମଲ୍ଲିକ ,ବୋଲଗଡର ବରିଷ୍ଠ ସାମ୍ବାଦିକ ତଥା ପ୍ରେସ୍ କ୍ଲବ ସଭାପତି ଗଙ୍ଗାଧର ଦାଶ, ସମ୍ପାଦକ ପ୍ରଦୀପ କୁମାର ପ୍ରଧାନଙ୍କୁ ସେମାନଙ୍କର ଅକ୍ଳାନ୍ତ ପରିଶ୍ରମ,ଜନସଚେତନତା ଓ ନିସ୍ୱାର୍ଥପର ସେବାପାଇଁ ସମ୍ବର୍ଦ୍ଧନା କରାଯାଇଥିଲା ।
ଏହି ଉପଲକ୍ଷେ ପ୍ରାରମ୍ଭରେ ବୋଲଗଡ ତହସିଲ ଅଫିସ ସମ୍ମୁଖରେ ଏକ୍ତ ସମ୍ବର୍ଦ୍ଧିତ ବ୍ୟକ୍ତିମାନଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରାଯାଇଥିଲା । ସାମାଜିକ ଦୂରତା ରକ୍ଷା, ମାସ୍କ ପିନ୍ଧିବା ସହ ଲକ୍ଡାଉନ୍ ନିୟମ ପାଳନ କଲେ କରୋନାକୁ ହରାଇବା ସମ୍ଭବ ବୋଲି ସମସ୍ତ ଅଧିକାରୀ ମାନେ ମତବ୍ୟକ୍ତ କରିଥିଲେ ।
ଏହି ସମ୍ମାନିତ ଉତ୍ସବ ରେ ଯୁବ ସମାଜସେବୀ ଅବିନାଶ ସୁବୁଦ୍ଧି(ସାନୁ) ଆବାହକତ୍ୱରେ ଅନ୍ୟମାନଙ୍କ ମଧ୍ୟରେ ବୋଲଗଡ ସମିତି ସଭ୍ୟ ବୀର କିଶୋର ଦାସ , ସ୍ୱତନ୍ତ୍ର ଓଡ଼ିଶା ଲେବର ୟୁନିୟନର ସଭାପତି ରାଧାମୋହନ ସାହୁ, ସ୍ଥାନୀୟ ବଂଶୀଧର ସଙ୍ଗୀତ ମହାବିଦ୍ୟାଳୟର ଯୁଗ୍ମ ସମ୍ପାଦକ ଦିଲ୍ଲୀପ କୁମାର ଚଉଧୁରୀ , ସେବା ସଂସ୍ଥାର କର୍ମକର୍ତ୍ତା ସୌମ୍ୟ ରଞ୍ଜନ ପଣ୍ଡା, ଲୋକଜିତ୍ ପରିଡା, ବୋଲଗଡ ପ୍ରେସ୍ କ୍ଲବ ଉପଦେଷ୍ଠା ପ୍ରଫୁଲ କୁମାର ସିଂହ, ପିକକ୍ ସଂସ୍ଥାର ବ୍ଲକ ସଂଯୋଜକ ବାମଦେବ ଜେନା,ୱାର୍ଡÿ ସଭ୍ୟା ରସ୍ମିତା ମହାପାତ୍ର ପ୍ରମୁଖ ସହଯୋଗ କରିଥିଲେ ।
