ଆନେ୍ଦାନରତ ଅଗି୍ନଶମ ବିଭାଗ ଓ ଏଏସଓ କର୍ମଚାରୀଙ୍କୁ ବ୍ୟକ୍ତିଗତ ଏବଂ ସାମୁହିକ ଭାବେ ରାଜ୍ୟ ସରକାର ଧମକ ଦେଇ ଆନେ୍ଦାଳନକୁ ଚପାଇ ଦେବାର ପ୍ରୟାସ ଅତ୍ୟନ୍ତ ଦୁର୍ଭାଗ୍ୟଜନକ
ଓଡିଶାବାସିଙ୍କ ଆକ୍ରୋଶକୁ ସାମ୍ନା କରିବାର ସାହସ ହରାଇଥିବା ବିଜେଡି ସରକାର କ୍ଷମତା ବଳରେ ଜନତାଙ୍କ ସ୍ୱରକୁ ଚାପି ଦେବାର ହୀନ ପ୍ରୟାସ କରୁଛି
ଅପାରଗ, ଭ୍ରଷ୍ଟାଚାରୀ, ଅହଂକାରୀ, ସ୍ଥାଣୁ ବିଜେଡି ସରକାରକୁ ଶାସନ କ୍ଷମତାରୁ ତଡିବା ପାଇଁ ଓଡିଶାବାସୀ ମନସ୍ତ କରିସାରିଲେଣି
ନିର୍ବାଚନ ହାରିବା ଭୟରେ ନିଜ ହିତାହତ ଭୁଲିଯାଇଛି ବିଜେଡି ସରକାର
କାଳିଆ ଯୋଜନାର ଅବଧିକୁ ୩ ବର୍ଷ ବୃଦ୍ଧି କରିବାର ରାଜ୍ୟ ସରକାରଙ୍କ ଘୋଷଣା, ‘ଚାଷୀକୁଳକୁ ତାତ୍ସଲ୍ୟ’
ଭୁବନେଶ୍ୱର,ତା.୨୩/୦୨: ରାଜ୍ୟ ସରକାର ସାଧାରଣ ଜନତା ତ ଦୂରର କଥା ନିଜର କର୍ମଚାରୀଙ୍କୁ ବି ପ୍ରତାରିତ କରିବାରୁ ପଛଘୂଂଚା ଦେଉନାହାନ୍ତି । ଯେଉଁ କର୍ମଚାରୀମାନେ ସେମାନଙ୍କର ନ୍ୟାର୍ଯ୍ୟ ଦାବି ପାଇଁ ଆନେ୍ଦାଳନ କରୁଛନ୍ତି ବା ସରକାରଙ୍କ ଦୃଷ୍ଟି ଆକର୍ଷଣ କରୁଛନ୍ତି, ସେମାନଙ୍କ ବିରୋଧରେ ସରକାର ଓଲଟା ଉଦେ୍ଦଶ୍ୟମୂଳକ ଭାବେ “ଏସ୍ମା” ଲାଗୁ କରିବାର ଧମକ ଦେବା ସହ ଚାକିରୀରୁ ଛଟେଇ କରିବାକୁ ଧମକ ଦେଉଛନ୍ତି । ନିଜ ଦାବୀ ପ୍ରସଙ୍ଗରେ ଆନେ୍ଦାନରତ ଅଗି୍ନଶମ ବିଭାଗ ଓ ଏଏସଓ କର୍ମଚାରୀଙ୍କୁ ବ୍ୟକ୍ତିଗତ ଏବଂ ସାମୁହିକ ଭାବେ ରାଜ୍ୟ ସରକାର ଧମକ ଦେଇ ଆନେ୍ଦାଳନକୁ ଚପାଇ ଦେବାର ପ୍ରୟାସ ଅତ୍ୟନ୍ତ ଦୁର୍ଭାଗ୍ୟଜନକ । ଓଡିଶାବାସିଙ୍କ ଆକ୍ରୋଶକୁ ସାମ୍ନା କରିବାର ସାହସ ହରାଇଛନ୍ତି ଏବଂ କ୍ଷମତା ବଳରେ ଜନତାଙ୍କ ସ୍ୱରକୁ ଚାପି ଦେବାର ହୀନ ପ୍ରୟାସ କରୁଛି ବିଜେଡି ସରକାର । ଯିଏ ବିଜେଡି ସରକାର ବିରୋଧରେ ସ୍ୱର ଉଠାଇବ ତାକୁ ଆମେ ହତ୍ୟା କରିଦେବୁ ବୋଲି ବିଜେଡି ଗୁଣ୍ଡାମାନେ ଧମକ ଦେଉଛନ୍ତି । ମୁଣ୍ଡ ଉପରେ ନିର୍ବାଚନ ଥିବାରୁ ରାଜ୍ୟ ସରକାର ହାରିଯିବା ଭୟରେ ଲୋକଙ୍କ ଗଣତାନ୍ତ୍ରିକ ଅଧିକାରକୁ କଣ୍ଠରୋଧ କରିବାକୁ ଚେଷ୍ଟା କରୁଛି ବୋଲି ବିଧାୟକ ତଥା ରାଜ୍ୟ ମୁଖପାତ୍ର ଡ.ମୁକେଶ ମହାଲିଙ୍ଗ କହିଛନ୍ତି ।
ଅପାରଗ, ଭ୍ରଷ୍ଟାଚାରୀ, ଅହଂକାରୀ, ସ୍ଥାଣୁ ବିଜେଡି ସରକାରକୁ ଶାସନ କ୍ଷମତାରୁ ତଡିବା ପାଇଁ ଓଡିଶାବାସୀ ମନସ୍ତ କରିସାରିଲେଣି । ଦୀର୍ଘ ୨୪ ବର୍ଷର ଶାସନ ପରେ ବି ଓଡିଶା ତଥା ଓଡିଶାବାସୀଙ୍କ ସାମୁହିକ ବିକାଶ କରିବାରେ ବିଫଳ ବିଜେଡି ସରକାର । ନିର୍ବାଚନ ହାରିବା ଭୟରେ ବିଜେଡି ଏବେ ନିଜ ହିତାହତ ଭୁଲି ଯାଇଛି । ସମାଜର ସବୁ ବର୍ଗର ଲୋକଙ୍କୁ ସର୍ବଦା ଅବହେଳା କରିଆସିଥିବା ବିଜେଡି ସରକାର ବର୍ତମାନ ସହାୟତା ଆଳରେ ସିଧାସଳଖ ଲାଂଚ ଦେଉଛି । ଦୀର୍ଘ ୨୪ ବର୍ଷ ଧରି ଶୋଷଣ କରି ଓଡିଶାବାସିଙ୍କୁ ପ୍ରତାରଣ କରିଆସୁଥିବା ବିଜେଡି ସରକାର ନିର୍ବାଚନ ପରିପ୍ରେକ୍ଷୀରେ ଗୋଟିଏ ପରେ ଗୋଟିଏ କ୍ୟାବିନେଟ ମୋହର ଲାଗିନଥିବା ନୂତନ ଯୋଜନାର ଘୋଷଣା କରିବା ସହିତ ୫୦୦ ଟଙ୍କାର ଲାଂଚ ମଧ୍ୟ ଦେବାକୁ ପଛାଉନାହାନ୍ତି । ଗତ ସାଧାରଣ ନିର୍ବାଚନ ପୂର୍ବରୁ କାଳିଆ ଯୋଜନା ଘୋଷଣା କରି ଚାଷୀଙ୍କୁ ବାର୍ଷିକ ୧୦ହଜାର ଟଙ୍କା ପ୍ରଦାନ କରିବେ ବୋଲି କହିଥିଲେ ବିଜେଡି ସରକାର । ମାତ୍ର ନିର୍ବାଚନ ଜିତିବା ପରେ ନିଜ ପ୍ରତିଶୃତିକୁ ଭୁଲି ଯାଇଥିଲେ । ଚାଷୀ ତାଲିକା ବା ଟଙ୍କା ପରିମାଣକୁ ସାର୍ବଜନୀନ କରିଲେ ନାହିଁ । ବର୍ତମାନ କାଳିଆ ଯୋଜନାର ଅବଧିକୁ ୩ ବର୍ଷ ବୃଦ୍ଧି କରବାର ଘୋଷଣା କରି ଚାଷୀକୁଳକୁ ତାତ୍ସଲ୍ୟ କରିବାକୁ ପଛାଇନାହିଁ ବିଜେଡି ସରକାର । ବାସ୍ତବରେ “ମିଛ, ପ୍ରତାରଣା, ଧୋକା ଓ ଧମକର ସରକାର – ବିଜେଡି ସରକାର” ବୋଲି ଡ.ମହାଲିଙ୍ଗ କହିଛନ୍ତି ।
