ବେତନଟୀ : ବେତନଟୀ ବ୍ଳକ୍ ସ୍ତରୀୟ ଦୁଇଦିନିଆ ବାର୍ଷିକ କ୍ରୀଡା ପ୍ରତିଯୋଗିତା ସ୍ଥାନୀୟ ଏମ ପି ସି ଉଚ୍ଚ ବିଦ୍ୟାଳୟ ଖେଳ ପଡ଼ିଆରେ ଅନୁଷ୍ଠିତ ହୋଇ ଶନିବାର ଉଦଯାପିତ ହୋଇଯାଇଛି । ଶୁକ୍ରବାର ବେତନଟୀ ବିଇଓ଼ ମୁଖ୍ୟ ଅତିଥି ଭାବେ ବିଇଓ ବିପ୍ଳବ କୁମାର କର ଯୋଗ ଦାନ କରି ଏହି ପ୍ରତିଯୋଗିତା କୁ ଉଦଘାଟନ କରିଥିଲେ । ଏଥି ନିମନ୍ତେ ଅନୁଷ୍ଠିତ ଉତ୍ସବରେ ଏବିଇଓ ଗୋପାଳ ଚନ୍ଦ୍ର ସେନାପତି ଓ ରମାକାନ୍ତ ମହାନ୍ତଙ୍କ ସହ ଅବସରପ୍ରାପ୍ତ ଖେଳ ଶିକ୍ଷକ ରବିନ୍ଦ୍ର ନାଥ ମିଶ୍ର, ବାବାଜୀ ଦାସ, କାର୍ତ୍ତିକଚନ୍ଦ୍ର ସା ମଲ, ମୁଗସୁରିଆ ଉଚ୍ଚବିଦ୍ୟାଳୟର କ୍ରୀଡା ଶିକ୍ଷକ ସଂଜୟ ପ୍ରଧାନ ଓ ସ୍ଥାନୀୟ ଉଚ୍ଚ ବିଦ୍ୟାଳୟର ଶିକ୍ଷକ ଉପସ୍ଥିତ ଥିଲେ ।୧୪ ବର୍ଷ ରୁ କମ୍ ଓ ୧୭ ବର୍ଷରୁ କମ୍ ବୟସର ବାଳକ, ବାଳିକାମାନଙ୍କୁ ନେଇ ୨ଟି ଗୃପ୍ ରେ କବାଡି, ଖୋ ଖୋ ,ଫୁଟବଲ, ପ୍ରଭୃତି କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଥିଲା ବ୍ଳକ୍ ସ୍ତରୀୟ ବାର୍ଷିକ କ୍ରୀଡା ପ୍ରତିଯୋଗିତା ର ୨ୟ ଦିନ ଅର୍ଥାତ ଶନିବାର ଅପରାହ୍ନରେ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଥିଲା ଓ଼ କୃତି ପ୍ରଶତିଯୋଗୀ ଙ୍କୁ ପୁରସ୍କୃତ କରାଯାଥିଲା । ଗ୍ରାମାଞ୍ଚଳ ର ଏହି କ୍ରୀଡା ପ୍ରେମୀଙ୍କୁ ସମାଜର ମୁଖ୍ୟ ଶ୍ରୋତରେ ସାମିଲ କରି ବାର ଏହା ସରକାର ଙ୍କ ଏକ ପ୍ରୟାସ ବୋଲି ମତ ପ୍ରକାଶ ପାଇଥିଲା | ଏହି କୃତି ପ୍ରତିଯୋଗୀମାନେ ଆସନ୍ତା ୨୫ରୁ୨୭ତାରିଖ ପର୍ଯ୍ୟନ୍ତ ରାଇରଙ୍ଗପୁର ଉଚ୍ଚବିଦ୍ୟାଳୟରେ ଅନୁଷ୍ଠିତ ହେବାକୁ ଥିବା ଜିଲା ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ ବୋଲି ଜଣାଯାଇଛି ।
