ଭୁବନେଶ୍ୱର(Suvendra Pattanaik) : ଏଲ୍ଆଇସି ଗୋଲ୍ଡେନ୍ ଜୁବିଲି ଫାଉଣ୍ଡେସନ୍ ଚନ୍ଦକା ଇଣ୍ଡଷ୍ଟି୍ର୍ରଆଲ୍ ଇଷ୍ଟେଟ୍, ଭୁବନେଶ୍ୱରର ଫୁ୍ୟଚର୍ ଭୁବନେଶ୍ୱର ସ୍କୁଲ କ୍ୟାମ୍ପସ୍ରେ ଅଟିଜିମ୍ ଥେରାପି ସେଣ୍ଟରର ଅଟିଷ୍ଟିକ୍ ପିଲାମାନଙ୍କ ପାଇଁ ଏକ ସ୍କୁଲ ବସ୍ ଦାନ କରିଛି । ଏହି କାର୍ଯ୍ୟକ୍ରମରେ ପାଟନାର ଏଲ୍ଆଇସି ଜୋନାଲ ଅଫିସ୍ ର ଜୋନାଲ୍ ମ୍ୟାନେଜର ଶ୍ରୀ ଶ୍ରବଣ କୁମାରଙ୍କ ଦ୍ୱାରା ସେମାନଙ୍କ କ୍ୟାମ୍ପସ୍ରେ ଶ୍ରୀ ମନୋରଞ୍ଜନ ଦାସ, ସିନିୟର ଡିଏମ୍, ଶ୍ରୀ ଅଶୋକ କୁମାର ଭୂୟାଁ, ମାର୍କେଟିଂ ମ୍ୟାନେଜର ଏବଂ ଏଲ୍ଆଇସି ଭୁବନେଶ୍ୱର ଡିଭିଜନ୍ର ଅନ୍ୟାନ୍ୟ ଅଧିକାରୀଙ୍କ ଉପସ୍ଥିତିରେ ଚାବି ହସ୍ତାନ୍ତର ଏବଂ ପତାକା ଦେଖାଇ ଶୁଭାରମ୍ଭ କରାଯାଇଥିଲା । ଏହି ସମାରୋହ ଭୁବନେଶ୍ୱରରେ ‘ମ୍ୟାନେଜ୍ ଅଟିଜିମ୍ ନାଓ ଟ୍ରଷ୍ଟ (ଏମ୍ଏଏନ୍)’ ଦ୍ୱାରା ଆୟୋଜିତ ହୋଇଥିଲା । ଏହି ଉତ୍ସବରେ ଏଟିସିର ପରାମର୍ଶଦାତା ଶ୍ରୀ ମଦନ ମୋହନ ପଣ୍ଡା, ଏମ୍ଏଏନ୍ ଟ୍ରଷ୍ଟର ଅଧ୍ୟକ୍ଷ ପ୍ରଫେସର ରଞ୍ଜନ କୁମାର ବଳ, ଏଏସ୍ବିଏମ୍ ବିଶ୍ୱବିଦ୍ୟାଳୟର ଭିସି ଡକଫର ଡି. ଏନ୍. ମିଶ୍ର, ଡିଏଭି ସ୍କୁଲ ଅଫ୍ ବିଜିନେସ୍ ମ୍ୟାନେଜ୍ମେଣ୍ଟ, ଭୁବନେଶ୍ୱରର ପ୍ରିନ୍ସପାଲ ଏବଂ ପ୍ରଫେସର ସ୍ୱର୍ଣ୍ଣ ମିଶ୍ର, ଉତ୍କଳ ବିଶ୍ୱବିଦ୍ୟାଳୟ ଏବଂ ଏମ୍ଏଏନ୍ ଟ୍ରଷ୍ଟର ଅନ୍ୟାନ୍ୟ ଟ୍ରଷ୍ଟିମାନେ ଉପସ୍ଥିତ ଥିଲେ ।
ଏହା ଏକ ଅନନ୍ୟ କେନ୍ଦ୍ର ଯେଉଁଠାରେ ଭିନ୍ନକ୍ଷମ ପିଲାମାନେ ବିଶେଷ କରି ଅଟିଷ୍ଟିକ୍ ପିଲାମାନଙ୍କୁ ତାଲିମ ଦିଆଯାଇ ଅନ୍ୟମାନଙ୍କ ଉପରେ ସେମାନଙ୍କର ନିର୍ଭରଶୀଳତା ହ୍ରାସ କରିବା ପାଇଁ ସକ୍ଷମ କରାଯାଏ । ଚିକିତ୍ସା ଏବଂ ଅନ୍ୟାନ୍ୟ କାର୍ଯ୍ୟକଳାପ ମାଧ୍ୟମରେ କେନ୍ଦ୍ର ସେମାନଙ୍କର ଉତ୍ସର୍ଗୀକୃତ କର୍ମଚାରୀ ଏବଂ ପରାମର୍ଶଦାତାମାନଙ୍କ ମାଧ୍ୟମରେ ଏହି ସ୍ୱତନ୍ତ୍ର ପିଲାମାନଙ୍କୁ ସାମାଜିକ ମୁଖ୍ୟଧାରାକୁ ଆଣିବାକୁ ଚେଷ୍ଟା କରେ । ଏହି କେନ୍ଦ୍ରକୁ ପ୍ରତ୍ୟେକ ପଦକ୍ଷେପରେ ସିଲିକନ୍ ଗ୍ରୁପ୍ ଅଫ୍ ଇନ୍ଷ୍ଟିଚୁ୍ୟସନ୍ସ, ଭୁବନେଶ୍ୱରର ଶ୍ରୀ ସଞ୍ଜୀବ ନାୟକଙ୍କ ଦ୍ୱାରା ସମର୍ଥିତ ଏବଂ ପ୍ରେରିତ କରାଯାଉଛି ।
ସମାବେଶରେ ତାଙ୍କ ଭାଷଣରେ ଶ୍ରୀ ଶ୍ରବଣ କୁମାର ୨୦୦୬ରେ ପ୍ରତିଷ୍ଠିତ ଏଲ୍ଆଇସି ସ୍ୱର୍ଣ୍ଣ ଜୁବୁଲି ଫାଉଣ୍ଡେସନ୍ର ଇତିହାସ ଏବଂ ସମଗ୍ର ଦେଶରେ ଏପରି ସାମାଜିକ ପ୍ରକଳ୍ପ ବିକାଶ କାର୍ଯ୍ୟକଳାପକୁ ସମର୍ଥନ କରିବାରେ ଏହାର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ । ଶ୍ରୀ ମନୋରଞ୍ଜନ ଦାସ ଏହି ପିଲାମାନଙ୍କ ପାଇଁ ଟ୍ରଷ୍ଟିମାନଙ୍କୁ କରିଥିବା ମହତ କାର୍ଯ୍ୟ ପାଇଁ ଅଭିନନ୍ଦନ ଜଣାଇଥିଲେ ଏବଂ ଭବିଷ୍ୟତରେ ଏଟିସିର ସଫଳତା କାମନା କରିଥିଲେ । ଶ୍ରୀ ମଦନ ମୋହନ ପଣ୍ଡା ବସ୍ ଦାନ କରିବା ପାଇଁ ଏଲ୍ଆଇସି ଅଫ୍ ଇଣ୍ଡିଆକୁ ଧନ୍ୟବାଦ ଜଣାଇଥିଲେ ଏବଂ ଭବିଷ୍ୟତରେ ଏଲ୍ଆଇସି ସେମାନଙ୍କ ସହିତ ରହିବା ପାଇଁ କାମନା କରିଥିଲେ । ଶ୍ରୀମତୀ ସ୍ୱର୍ଣ୍ଣଲତା ମିଶ୍ର ଟ୍ରଷ୍ଟ କାର୍ଯ୍ୟକଳାପ ଏବଂ ଅଟିଷ୍ଟିକ୍ ପିଲାମାନଙ୍କ ପାଇଁ ସେମାନଙ୍କର ଆବାସିକ କ୍ୟାମ୍ପସ୍ ସହ ଜଡ଼ିତ ଭବିଷ୍ୟତର ସମ୍ପ୍ରସାରଣ ପ୍ରକଳ୍ପ ବିଷୟରେ କିଛି ଅନ୍ତର୍ଦୃଷ୍ଟି ଦେଇଥିଲେ । ଏହା ସହିତ ବୈଠକ ଶେଷ ହୋଇଥିଲା ।
