ବନ୍ଭି ଏରୋ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କଠାରୁ ସମ୍ମାନଜନକ ଏସଆଇଡିଏମ ଚାମ୍ପିଅନ ଆୱାର୍ଡରେ ସମ୍ମାନିତ
ଓଡିଶା-ଭିତିକ ଷ୍ଟାର୍ଟଅପକୁ ସ୍ୱଦେଶୀ ଉଦ୍ଭାବନ ମାଧ୍ୟମରେ ଏରୋସ୍ପେଶ ଓ ପ୍ରତିରକ୍ଷା ଉତ୍ପାଦନ କ୍ଷେତ୍ରକୁ ନୂଆ ରୂପ ଦେବା ପାଇଁ ସ୍ୱୀକୃତି ପ୍ରଦାନ କରାଯାଇଛି
ଭୁବନେଶ୍ୱର, ୩୧ ଅକ୍ଟୋବର ୨୦୨୫: ଓଡିଶାର ଏକ ଉଦୀୟମାନ ଏରୋସ୍ପେଶ ଓ ଡିଫେନ୍ସ ଟେକ୍ନୋଲୋଜି ଷ୍ଟାର୍ଟଅପ, ବନ୍ଭି ଏରୋ ପ୍ରତିରକ୍ଷା କ୍ଷମତା ବ୍ୟବଧାନକୁ ଦୂର କରିବା ପାଇଁ କ୍ୟାଟାଗୋରି-୧ ଟେକ୍ନୋଲୋଜି /ପ୍ରଡକ୍ଟ ଇନୋଭେଶନ ଅଧିନରେ ଏସଆଇଡିଏମ ଚାମ୍ପିଅନ ଆୱାର୍ଡ (ସ୍ପେଶାଲ ଜୁରୀ) ହାସଲ କରି ଏକ ଉଲ୍ଲେଖନୀୟ ଜାତୀୟସ୍ତରୀୟ ସଫଳତା ହାସଲ କରିଛି । ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂହ, ବନ୍ଭି ଏରୋର ସହ-ପ୍ରତିଷ୍ଠାତା ତଥା ସିଇଓ, ସତ୍ୟବ୍ରତ ଶତପଥୀଙ୍କୁ ଏହି ସମ୍ମାନ ପ୍ରଦାନ କରିଛନ୍ତି । ପ୍ରତିରକ୍ଷା ମନ୍ତ୍ରୀଙ୍କ ସହ ଆଲୋଚନା ସମୟରେ ଶ୍ରୀଯୁକ୍ତ ଶତପଥୀ ଏହି ଆୱାର୍ଡକୁ ଦେଶ ଓ ସଶସ୍ତ୍ର ବାହିନୀ ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି ।
ସୋସାଇଟି ଅଫ ଇଣ୍ଡିଆନ ଡିଫେନ୍ସ ମାନୁଫ୍ୟାକ୍ଚରର୍ସ (ଏସଆଇଡିଏମ) ଦ୍ୱାରା ସ୍ଥାପିତ ଏହି ଚାମ୍ପିଅନ ଆୱାର୍ଡ ସ୍ୱଦେଶୀ ପ୍ରତିରକ୍ଷା ନିର୍ମାଣ ଓ ଉଦ୍ଭାବନ କ୍ଷେତ୍ରରେ ଊତ୍କର୍ଷତାକୁ ପାଳନ କରୁଛି । ସମ୍ପୂର୍ଣ୍ଣ ରୂପେ ଭାରତରେ ନିର୍ମିତ ହାଇ-ଅଲ୍ଟିଚ୍ୟୁଡ, ହେଭି-ପେଲୋଡ ଓ ଅଟୋନୋମସ ଏରିଏଲ ସିଷ୍ଟମଗୁଡିକର ଅଗ୍ରଗତି କ୍ଷେତ୍ରରେ ଏହି ସ୍ୱୀକୃତି ବନ୍ଭି ଏରୋର ଅଗ୍ରଗାମୀ କାର୍ଯ୍ୟକୁ ହାଇଲାଇଟ କରୁଛି । କମ୍ପାନୀର ସ୍ୱଦେଶୀ ପ୍ରପଲ୍ସନ ସିଷ୍ଟମ, ରଗ୍ଡ ଏୟାରଫ୍ରେମ ଓ ସେଲ୍ଫ-ଫ୍ଲାଇଙ୍ଗ ଟେକ୍ନୋଲୋଜିଗୁଡିକ ଅନ୍ମ୍ୟାନ୍ଡ ଏରିଏଲ ସିଷ୍ଟମ (ୟୁଏଏସ)ଗୁଡିକର ପରିଭାଷାକୁ ସମ୍ପ୍ରସାରିତ କରିଛି । ଯାହା ସେଗୁଡିକୁ ଜଟିଳ ଅପରେଶନ ଗୁଡିକୁ ପରିଚାଳନା କରିବା, ଦ୍ରୁତ ଗତିଶୀଳତା ହାସଲ କରିବା ଏବଂ ଅତ୍ୟଧିକ ବିପଦପୂର୍ଣ୍ଣ ଓ ଜଟିଳ ପରିବେଶରେ ମିଶନ ଅଟୋନୋମି ସହିତ ପରିଚାଳନା କରିବା ପାଇଁ ସକ୍ଷମ କରିଥାଏ ।
ଏହି ପ୍ରତିଷ୍ଠିତ ସମ୍ମାନ ହାସଲ କରିଥିବା ଏକମାତ୍ର ଓଡିଶା ଷ୍ଟାର୍ଟଅପ ଭାବେ ବନ୍ଭି ଏରୋର ସଫଳତା ରାଜ୍ୟର ଡିପ୍-ଟେକ ଇକୋସିଷ୍ଟମ ପାଇଁ ଏକ ଗର୍ବର ମୁହୂର୍ତକୁ ଚିହ୍ନିତ କରିଛି । ଏରୋସ୍ପେଶ ଓ ପ୍ରତିରକ୍ଷା ନିର୍ମାଣ କ୍ଷେତ୍ରରେ କମ୍ପାନୀର ଉଦ୍ଭାବନଗୁଡିକ ଡିଜାଇନ ସଠିକତାକୁ କାର୍ଯ୍ୟକ୍ଷମ ନିର୍ଭରଯୋଗ୍ୟତା ସହ ଏକତ୍ରିତ କରିଥାଏ ଯାହା ପ୍ରତିରକ୍ଷା ବାହିନୀର ଉଭୟ ପରିବହନ ଓ ରଣନୈତିକ ଆବଶ୍ୟକତାକୁ ପୂରଣ କରୁଥିବା ସମାଧାନ ସୃଷ୍ଟି କରିଥାଏ ।
ଏହି ସ୍ୱୀକୃତି ସମ୍ପର୍କରେ ବନ୍ଭି ଏରୋର ସହପ୍ରତିଷ୍ଠାତା ଓ ସିଇଓ, ସତ୍ୟବ୍ରତ ଶତପଥୀ କହିଛନ୍ତି, “ ଏସଆଇଡିଏମ ଓ ପ୍ରତିରକ୍ଷା ମନ୍ତ୍ରଣାଳୟଠାରୁ ମିଳିଥିବା ଏହି ସମ୍ମାନ କେବଳ ବନ୍ଭି ଏରୋ ପାଇଁ ନୁହେଁ ବରଂ ଓଡିଶାର ସମଗ୍ର ଉଦ୍ଭାବନ ସମୁଦାୟ ପାଇଁ ଏକ ଗର୍ବର ମୁହୂର୍ତ ଅଟେ । ଏହା ଆମର ବିଶ୍ୱାସକୁ ସୁଦୃଢ କରିଛି ଯେ, ଭାରତର ପ୍ରତିରକ୍ଷା ଶକ୍ତି ଏହାର ସ୍ୱଦେଶୀ ଉଦ୍ଭାବନରେ ଅନ୍ତର୍ନିହିତ ରହିଛି । ଆମର ସିଷ୍ଟମଗୁଡିକୁ ଅତ୍ୟଧିକ ଉଚ୍ଚ ସୀମାଠାରୁ ଦ୍ରୁତ-ପ୍ରତିକ୍ରିୟାଶୀଳ ରଣନୈତିକ ପରିବେଶ ପର୍ଯ୍ୟନ୍ତ ସବୁଠାରୁ ଗୁରୁତ୍ୱପୂର୍ଣ୍ଣ ପରିସ୍ଥିତିରେ କାର୍ଯ୍ୟକାରୀ କରିବା ପାଇଁ ସୈନ୍ୟବାହିନୀ ପାଇଁ ନିର୍ମାଣ କରାଯାଇଛି ।”
ଡିଆରଡିଓର ପୂର୍ବତନ ଅଧ୍ୟକ୍ଷ ଓ ରକ୍ଷାମନ୍ତ୍ରୀଙ୍କ ବୈଜ୍ଞାନିକ ପରାମର୍ଶଦାତା, ଡଃ ସତିଶ ରେଡ୍ଡୀଙ୍କ ଅଧ୍ୟକ୍ଷତାରେ ଏହି ଆୱାର୍ଡର ଜୁରୀଙ୍କ ମଧ୍ୟରେ ଡଃ ପ୍ରହ୍ଲାଦ ରାମାରାଓ (ପଦ୍ମଶ୍ରୀ), ଏୟାର ମାର୍ଶଲ ଅନୀଲ ଚୋପ୍ରା(ଅବସରପ୍ରାପ୍ତ), ଭାଇସ ଆଡ୍ମିରାଲ ଏସ.କେ.ଏନ. ଘୋରମଡେ (ଅବସରପ୍ରାପ୍ତ) ଓ ମେଜର ଜେନେରାଲ ପି.କେ. ସାଇନି (ଅବସରପ୍ରାପ୍ତ) ପ୍ରମୁଖ ସାମିଲ ଥିଲେ ।
ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂହଙ୍କ ଦ୍ୱାରା ଅନୁମୋଦିତ ଏସଆଇଡିଏମ ଚାମ୍ପିଅନ ଆୱାର୍ଡସ ଭାରତୀୟ ଶିଳ୍ପ ଓ ସୈନ୍ୟବାହିନୀ ମଧ୍ୟରେ ଉଦ୍ଭାବନ, ଆତ୍ମନିର୍ଭରଶୀଳତା ଓ ସହଭାଗିତାକୁ ସ୍ୱୀକୃତି ପ୍ରଦାନ କରିବା ଓ ସେଲିବ୍ରେଟ କରିବା ଜାରି ରଖିଛି ।
ଏହି ସ୍ୱୀକୃତି ବନ୍ଭି ଏରୋକୁ ଭାରତର ଅନ୍ୟତମ ଅଗ୍ରଣୀ ଡିପ୍-ଟେକ ଓଇଏମ ଭାବେ ଦୃଢତାର ସହ ଅବସ୍ଥାପିତ କରିଛି, ଯାହା ସ୍ୱଦେଶୀ ଉଦ୍ଭାବନ ମାଧ୍ୟମରେ ଆତ୍ମନିର୍ଭର ଭାରତକୁ ଆଗକୁ ବଢାଉଛି, ଏରୋସ୍ପେଶ ଓ ପ୍ରତିରକ୍ଷା ନିର୍ମାଣ କ୍ଷେତ୍ରରେ ଭାରତର କ୍ଷମତାଗୁଡିକୁ ବିସ୍ତାର କରୁଛି ଏବଂ ପରବର୍ତୀ ପିଢିର ଅଟୋନୋମସ, ହାଇ-ପର୍ଫର୍ମାନ୍ସ ଏରିଏଲ ସିଷ୍ଟମଗୁଡିକୁ ପରିଭାଷିତ କରୁଛି ।
