ବାରିପଦା : ଚୋରି ଘଟଣାରେ ସମ୍ପୃକ୍ତ ଅଭିଯୁକ୍ତଙ୍କ ଉନ୍ମୁକ୍ତ କାଣ୍ଡ, ବ୍ଲେଡ୍ ସହାଯ୍ୟରେ ଥାନା ଭିତରେ ଓଆଇସିଙ୍କ ଗଳା କାଟି ହତ୍ୟା ଉଦ୍ୟମ । ଏହିପରି ଏକ ଅଭାବନୀୟ ଘଟଣା ମୟୂରଭଞ୍ଜ ଜିଲ୍ଲା ବିଶୋଇ ଥାନାରେ ଘଟିଯାଇଛି । ଏନେଇ ଶନିବାର ମୟୂରଭଞ୍ଜ ଏସପିଙ୍କ ପକ୍ଷରୁ ଏକ ସମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଘଟଣାରୁ ପ୍ରକାଶ ଯେ, ଗତ ୧୬ତାରିଖ ରେ ବିଶୋଇ ଶିବ ମନ୍ଦିରରେ ଦାନ ହୁଣ୍ଡିରୁ ଚୋରି ହୋଇଥିବା ଘଟଣାର ପଚରା ଉଚରା ପାଇଁ ବିଶୋଇ ଗ୍ରାମର ସୁଶାନ୍ତ ଦେଓକୁ ବିଶୋଇ ଥାନାକୁ ଡକାଯାଇଥିଲା । ଅଭିଯୁକ୍ତ ଜଣକ ଥାନାକୁ ପ୍ରାୟଃ ସନ୍ଧ୍ୟା ୭ଘଟିକା ସମୟରେ ପହଁଞ୍ଚିବା ପରେ ଥାନା ଓଆଇସି ମିନି ଭୋଇ ପଚର ଉଚରା କରିଥିଲେ ଏବଂ ପରେ ଚୋରି କରିବା ନେଇ ସୁଶାନ୍ତ ସ୍ୱୀକାର କରିବା ପରେ ଚୋରିରେ ସମ୍ପୃକ୍ତ ଅନ୍ୟ କିଛି ଦୁର୍ବୁତ୍ତ ମାନଙ୍କ ନାମ ମଧ୍ୟ ପ୍ରକାଶ କରିଥିଲେ । ହେଲେ ହଠାତ୍ ଥାନା ପରିସରରେ ଥିବାବେଳେ ଅଭିଯୁକ୍ତ ହଠାତ ଓଆଇସିଙ୍କ ଉପରକୁ ଏକ ବ୍ଲେଡ୍ରେ ମାରାଣତ୍ମକ ଆକ୍ରମଣ କରିବା ସହ ବ୍ଲେଡ୍ ସାହାଯ୍ୟରେ ଥାନା ଅଧିକାରୀଣିଙ୍କ ଗଳାକାଟି ହତ୍ୟା କରିବା ପାଇଁ ଚେଷ୍ଟା କରିଥିଲେ । ଠିକ୍ ସେହି ସମୟରେ ମହିଳା ଓଆଇସିଙ୍କ ଚିକôାର ଶୁଣି ଅନ୍ୟ କର୍ମଚାରୀମାନେ ଅଭିଯୁକ୍ତ ଶ୍ରୀ ଦେଓକୁ ଧରିବା ସହିତ ରକ୍ତାତ ଅବସ୍ଥାରେ ସଙ୍ଗେ ସଙ୍ଗେ ବିଶୋଇ ଡାକ୍ତରଖାନାକୁ ନେଇ ଚିକିତ୍ସା କରିଥିଲେ । ଆକ୍ରମଣର ପୂରା ଚିତ୍ର ସିସିଟିଭିରେ କଏଦ ଥିବାବେଲେ ଉକ୍ତ ଘଟଣାକୁ ନେଇ ଶନିବାର ଅଭିଯୁକ୍ତ ସୁଶାନ୍ତଙ୍କ ବିରୁଦ୍ଧରେ ବିଶୋଇ ଥାନାରେ ୨୦୯/୨୩ ମାମଲା ରୁଜୁ ହେବା ସହ ଦଫା ୩୪, ୩୩୨, ୩୩୩, ୩୨୪, ୩୫୪, ୩୦୭ ରୁଜୁ ହେବା ସହ ଡାକ୍ତରୀ ପରିକ୍ଷା ପରେ କୋର୍ଟ ଚାଲାଣ କରାଯିବ ବୋଲି ବିଶୋଇ ଥାନା ଓଆଇସି ମିନି ଭୋଇ ସୂଚନା ଦେଇଛନ୍ତି ।
