ବାରିପଦା : ମୟୂରଭଞ୍ଜ ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ ବିନୀତ୍ ଭରଦ୍ୱାଜ ମୟୂରଭଞ୍ଜ ଜିଲ୍ଲାର ୫ ପ୍ରତିଭାଙ୍କୁ ସମ୍ବର୍ଦ୍ଧିତ କରିଛନ୍ତି । ଜାତୀୟ ଜୁନିୟର ଫୁଟବଲ ଚମ୍ପିୟାନସିପ (ବିସିରୟ ଟ୍ରଫି) ରେ ଅଂଶଗ୍ରହଣ କରିଥିବା ବାରିପଦା ସ୍ପୋର୍ଟସ ହଷ୍ଟେଲର ବିଶାଳ ଟପୋ, ବାବୁଲି ନାୟକ, ସୁବ୍ରତ ଦାସ ଓ ଆଲୋକ ଦାସ ତଥା ରାଜ୍ୟସ୍ତରୀୟ ସନ୍ତରଣ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ହାସଲ କରିଥିବା ଚାନ୍ଦିନୀ ଖାତୁନଙ୍କୁ ପୁଷ୍ପଗୁଚ୍ଛ ଓ କିଟ୍ବ୍ୟାଗ ପ୍ରଦାନ କରି ସମ୍ବର୍ଦ୍ଧିତ କରିଛନ୍ତି । ତତ୍ସହିତ ଫୁଟବଲ କୋଚ୍ ତଥା ଜିଲ୍ଲା କ୍ରୀଡା ଅଧିକାରୀ ଅବନୀ ମୋହନ ମହାନ୍ତି ଓ ସନ୍ତରଣ କୋଚ ଅଜୟ ଦାସଙ୍କୁ ମଧ୍ୟ ସ୍ୱତନ୍ତ୍ର ଭାବେ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ଅନ୍ୟମାନଙ୍କ ମଧ୍ୟରେ ମୟୂରଭଞ୍ଜ ଏଥ୍ଲେଟିକ ଏସୋସିଏସନର ଉପସଭାପତି ମନୋଜ କୁମାର ସାଓ, ସାଧାରଣ ସମ୍ପାଦକ ବିଜୟ କୁମାର ଦାସ, ଗଣମାଧ୍ୟମ ସଂଯୋଜକ ସୋମନାଥ ସିଂହ, ସହ ସମ୍ପାଦକ ବୈଦ୍ୟନାଥ ରଥ ତଥା ଚାନ୍ଦିନୀର ପିତା ମାତା ପ୍ରମୁଖ ଉପସ୍ଥିତ ଥିଲେ ।
