ବାଲେଶ୍ୱର-୨୪/୦୯ : ଶନିବାର ଦିନ ଅପରାହ୍ନ ସମୟରେ ରେମୁଣା କାଳିମନ୍ଦିର ନିକଟସ୍ଥ ସ୍ୱର୍ଗତଃ ସୁଧିର ମଙ୍ଗରାଜଙ୍କ କାର୍ଯ୍ୟାଳୟରେ ସୁଧିର ମଙ୍ଗରାଜ ସ୍ମୃତି ପରିଷଦ ତରଫରୁ ଏକ ବିଶାଳ ଅଧିବେଶନ ଶୁଭେନ୍ଦୁ ମଙ୍ଗରାଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଆସନ୍ତା ୩୦ ତାରିଖ ଶନିବାର ଦିନ ସନ୍ଧ୍ୟା ୫ଘଟିକା ସମୟରେ ସୁଧିର ମଙ୍ଗରାଜଙ୍କ କାର୍ଯ୍ୟାଳୟରେ ସ୍ୱର୍ଗତଃ ମଙ୍ଗରାଜଙ୍କ ପ୍ରତିମୂର୍ତ୍ତି ଉନ୍ମୋଚନ ହେବା ସହିତ ଏକ ସ୍ମୃତିସଭା କରାଯିବା ନିମନ୍ତେ ସ୍ଥିର ହୋଇଛି । ଆସନ୍ତା ଅକ୍ଟୋବର ୧ତାରିଖ ରବିବାର ଦିନ ବାଲେଶ୍ୱର ସହରସ୍ଥିତ ହରିପ୍ଲାଜା ନିକଟରେ ସୁଧିର ମଙ୍ଗରାଜଙ୍କର ସ୍ମରଣିକା ଉନ୍ମୋଚନ ହେବାର କାର୍ଯ୍ୟକ୍ରମ ସ୍ଥିର କରାଯାଇଛି । ଉକ୍ତ ଦିବସ ଗୁଡ଼ିକରେ ସମସ୍ତେ ଉପସ୍ଥିତ ରହି ସେମାନଙ୍କର ସହଯୋଗ ଆଶା କରୁଛୁ । ଅନୁଷ୍ଠିତ ଅଧିବେଶନରେ ସର୍ବଶ୍ରୀ ରଂଜନ ବାଗ, ଆଇସନ ଖାଁ, ପରମେଶ୍ୱର ଟୁଙ୍ଗ, ଅଭିଜିତ ଦାସ, ହରିମୋହନ ପାତ୍ର, ମାନସ କୁମାର ସାହୁ, ଅଶୋକ ବେହେରା ଶରତ କୁମାର ସାହୁ, ସତ୍ୟ ନାରାୟଣ ନାୟକ, ବିଶ୍ୱଜିତ ଗାୟନ, ପ୍ରଦୋଷ ବେହେରା, ସନ୍ଦିପ ରାଉତ, ଅବ୍ଦୁଲ ମୋହିତ ଖା, ରିତେଶ ସିଂ, ମନୋଜ ମହାନ୍ତି, ରଂଜନ କୁମାର ରାଉତ ଓ କରୁଣାକର ମହାନ୍ତି ପ୍ରମୁଖ ସଦସ୍ୟମାନେ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ ।(ଫଟୋ)
