ଆସିକା : ଗଞ୍ଜାମ ଜିଲ୍ଲା ପୋଲିସ ପକ୍ଷରୁ ବାହାରିଥିବା ସାଇବର ସୁରକ୍ଷା ସଚେତନ ରଥ କୁ ଆଜି ଆସିକା ରେ ସମ୍ବର୍ଦ୍ଧିତ କରାଯାଇଛି। ଆଜି ଅପରାହ୍ନରେ ରଥ ଆସିକା ରେ ପହଞ୍ଚି ବା ପରେ ସ୍ୱାଗତ କରି ହରିହର ଉଚ୍ଚ ବିଦ୍ୟାଳୟ କୁ ଅଣାଯାଇଥିଲା। ଆସିକା ଥାନା ଅଧିକାରୀ ପି ସ୍ୱରୂପ କିଷାନ ଙ୍କ ସଂଯୋଜନାରେ ଆୟୋଜିତ କାର୍ଯ୍ୟକ୍ରମରେ ଅତିଥି ରୂପେ ଏସ ଡି ପି ଓ ଉମା ଶଙ୍କର ସିଂ, କୋଟିନଡ଼ା ଥାନା ଅଧିକାରୀ କୃଷ୍ଣଚନ୍ଦ୍ର ସାହା ଏନ୍. ଏ. ସି ନିର୍ବାହୀ ଅଧିକାରୀ ଲୋକନାଥ ବେଜ୍, ଅତିରିକ୍ତ ତହସିଲଦାର ପ୍ରମୁଖ ଯୋଗ ଦେଇଥିଲେ। ଆସିକା ର ବହୁ ବିଦ୍ୟାଳୟ ଓ ମହାବିଦ୍ୟାଳୟ ର ଛାତ୍ର, ଛାତ୍ରୀ, ଶିକ୍ଷକ ଓ ଅଧ୍ୟାପକ ଏହି କାର୍ଯ୍ୟକ୍ରମ ରେ ଉପସ୍ଥିତ ଥିଲେ। ସାଂସ୍କୃତିକ କାର୍ଯ୍ୟକ୍ରମ ଜରିଆରେ ଉପସ୍ଥିତ ଲୋକ ଓ ବିଦ୍ୟାର୍ଥୀ ଙ୍କୁ ସାଇବର ଠକେଇ ସମ୍ପର୍କରେ ସଚେତନ କରାଯାଇଥିଲା। ଏହି ଅବସରରେ ଆୟୋଜିତ ପ୍ରତିଯୋଗିତାର କୃତି ଛାତ୍ର ଛାତ୍ରୀ ଙ୍କୁ ପୁରସ୍କୃତ କରାଯାଇଛି।
