ଆନନ୍ଦପୁର : ଆନନ୍ଦପୁର ଘସିପୁରା ଥାନା ଅନ୍ତର୍ଗତ ଶାଳପଡା ସ୍ଥିତ ହିରୋ ସୋରୁମ ନିକଟରୁ ଦୁଇଟି ପିକପ ଭ୍ୟାନ ସହିତ 20 ଟି ଗୋରୁଙ୍କୁ ବଜରଙ୍ଗ ଦଳ ଓ ଘସିପୁରା ଥାନା ଅଧିକାରୀ ବିଭର୍ଷ କୁମାର ପ୍ରଧାନଙ୍କ ଦ୍ୱାରା ଉଦ୍ଧାର କରାଯାଇଛି ll ପରେ ସେମାନଙ୍କୁ ଝଡ଼େଶ୍ୱର ମନ୍ଦିର ନିକଟ ଖୋଲା ପଡିଆରେ ଗୋରୁ ଗୁଡିଙ୍କୁ ପିକପ ଭ୍ୟାନରୁ ବାହର କରାଯାଇ ପଡିଆକୁ ଓଲ୍ହା ଯାଇଥିଲା ll ସେଥି ମଧ୍ୟରୁ 6 ଟି ଗୋରୁଙ୍କୁ ଘସିପୁରା ପଶୁ ଚିକିତ୍ସାଳୟକୁ ଚିକିତ୍ସା ନିମନ୍ତେ ପଠାଯାଇଥିଲା ll ଘଟଣାରୁ ଜଣାଯାଏ କି ଯାଜପୁର ରୋଡ଼ ର କନ୍ତରା ହାଟରୁ ଗୋରୁ ଗୁଡିକ ଦୁଇଟି ପିକପ ଭ୍ୟାନ ଦ୍ୱାରା ଆନନ୍ଦପୁର ଶାଳପଡା ଦେଇ ଭଦ୍ରକକୁ ଚାଲାଣ କରାଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ବଜରଙ୍ଗ ଦଳ ପିଲା ଶାଳପଡା ସ୍ଥିତ ହିରୋ ସୋରୁମ ପାଖରୁ ପିକପ ଭ୍ୟାନ ଦୁଇଟିକୁ ଜବଦ କରିଥିଲେ ll ଘଟଣା ସ୍ଥଳରେ ଘସିପୁରା ପୋଲିସ ପହଞ୍ଚି ପିକପ ଭ୍ୟାନ ଦୁଇଟିକୁ ଥାନାକୁ ଆଣିଥିବା ବେଳେ ପିକପ ଭ୍ୟାନ ଚାଳକ ଦୁଇଜଣଙ୍କୁ ଅଟକ ରଖି ପଚରାଉଚରା କରୁଥିଲେ ll ବାରମ୍ବାର ଗୋ ଚାଲାଣ ହେଉଥିବା ବେଳେ ପୋଲିସ ପ୍ରଶାସନ କିଭଳି ଜାଣି ପାରୁନାହିଁ, ଖୋଲାମ ଖୋଲା ଗୋରୁ ବେପାରୀ ମାନେ ଗୋ ଚାଲାଣ କରୁଥିବା ବେଳେ ପୋଲିସ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ବଜରଙ୍ଗ ଦଳ ଦାବି କରିଛି ll ଆଜିର ଏହି ଉଦ୍ଧାର ସମୟରେ ଗୋ ରକ୍ଷା ପ୍ରମୁଖ ଦୀପକ କୁମାର ସାହୁ, ବଜରଙ୍ଗ ଦଳର ଜିଲ୍ଲା ସଂଯୋଜକ ଚନ୍ଦନ କୁମାର ମହାରଣା, ଦିବ୍ୟଜ୍ୟୋତି ମୁଦୁଲି, ଅଭିଜିତ ଦାସ, ରଂଜିତ ସାହୁ, ପ୍ରମୁଖ ଉପସ୍ଥିତ ଥିଲେ ll
