ବୁଗୁଡ଼ା : ତା ୨୩/୦୧/୨୨ : ଗଞ୍ଜାମ ଜିଲ୍ଲା ବୁଗୁଡା-ପୋଲସରା ମୁଖ୍ୟ ରାସ୍ତାର କୁଆନଳା ଗ୍ରାମରେ ଅଟୋ ସହ ଏକ ସ୍କୁଟି ମୁହାଁମୁହିଁ ଧକ୍କା ଧକ୍କା ହେବାରେ ସ୍କୁଟି ଚାଳକଙ୍କ ମୂତ୍ଯୁ ଘଟିଛି l ମୃତ ଯୁବକ ଜଣକ ହେଲେ ବୁଗୁଡ଼ା ବ୍ଲକ କଲୋନୀ ନିବାସୀ ଅବସରପ୍ରାପ୍ତ ପୋଷ୍ଟାଲ କର୍ମଚାରୀ ଦଣ୍ଡପାଣି ପାଢ଼ୀଙ୍କ ସାନ ପୁଅ ମନୋଜ କୁମାର ପାଢ଼ୀ(୨୪ ) l ମନୋଜ ଆଜି ମଧ୍ୟାହ୍ନରେ ଆସିକାର ଜଣେ ସାଙ୍ଗ ଘରକୁ ଯିବ କହି ଘରୁ ସ୍କୁଟି (ନଂ-ଓଡି ୩୨ସି ୩୭୬୧) ଯୋଗେ ବାହାରି ଯାଇଥିଲା । ତେବେ ସେ ଆସିକା ନଯାଇ ପୋଲସରାକୁ ଯାଇ ଅପରାହ୍ନରେ ଫେରୁଥିବା ସମୟରେ ବୁଗୁଡାରୁ ପୋଲସରା ଯାଉଥିବା ଏକ ଡାଲା ଅଟୋ ସହ କୁଆନଳା ଠାରେ ମୁହାଁମୁହିଁ ଧକ୍କା ହୋଇଥିଲା l ଫଳରେ ମନୋଜ ଗୁରୁତର ଆହତ ହୋଇଥିଲେ । ତାଙ୍କୁ ଗ୍ରାମବାସୀ ଉଦ୍ଧାର କରି ବୁଗୁଡ଼ା ମେଡିକାଲକୁ ଆମ୍ବୁଲାସ୍ସ ସାହାଯ୍ଯରେ ଆଣିଥିଲେ ହେଁ ଡାକ୍ତର ଏଠାରେ ମୃତ ଘୋଷଣା କରିଥିଲେ l ଖବର ପାଇ ବୁଗୁଡା ପୋଲିସ୍ ମେଡିକାଲରେ ପହଞ୍ଚି ଶବକୁ ଜବତ କରିଛି । ଅନ୍ୟପକ୍ଷରେ ଅଟୋ ଓ ସ୍କୁଟିକୁ ଜବତ କରିବା ସହ ସମ୍ପୃକ୍ତ ଅଟୋ ଚାଳକକୁ ଅଟକ ରଖି ଘଟଣାର ତଦନ୍ତ ଜାରି ରହିଥିବା ନେଇ ଆଇଆଇସି ଚିତ୍ତ ରଞ୍ଜନ ବେହେରା ସୂଚନା ଦେଇଛନ୍ତି l
