“ସ୍ୱଚ୍ଛତା ସ୍ୱତନ୍ତ୍ର ଅଭିଯାନ 5.0” ଅନ୍ତର୍ଗତ ଚାଲୁଥିବା ଅମୃତ ସମ୍ବାଦ କାର୍ଯ୍ୟକ୍ରମ ପଦକ୍ଷେପର ଅଂଶ ସ୍ୱରୂପ, ପୂର୍ବ ତଟ ରେଳପଥର ଖୋର୍ଦ୍ଧା ରୋଡ୍ ରେଳମଣ୍ଡଳ ତାଳଚେର, ତାଳଚେର ରୋଡ୍, ଅନୁଗୁଳ ଏବଂ ମେରାମଣ୍ଡଳୀ ରେଳ ଷ୍ଟେସନରେ ଯାତ୍ରୀମାନଙ୍କ ସହିତ ପାରସ୍ପରିକ ଆଲୋଚନା ଅଧିବେଶନ ଆୟୋଜନ କରିଅଛି |
ଆଲୋଚନା ସମୟରେ, ରେଳ ଅଧିକାରୀମାନେ ଷ୍ଟେସନ ମାନଙ୍କରେ ପ୍ରଦାନ କରାଯାଇଥିବା ଯାତ୍ରୀ ସୁବିଧା, ପରିଷ୍କାର ପରିଚ୍ଛନ୍ନତା, ସମୟାନୁବର୍ତ୍ତିତା, ଖାଦ୍ୟ ଯୋଗାଣ, ସୁରକ୍ଷା ଓ ନିରାପତ୍ତା ଏବଂ ଅନ୍ୟାନ୍ୟ ଯାତ୍ରୀ-କୈନ୍ଦ୍ରିକ ସେବା ସମ୍ପର୍କରେ ମତାମତ ପାଇବା ପାଇଁ ଯାତ୍ରୀମାନଙ୍କ ସହିତ ଯୋଗାଯୋଗ କରିଥିଲେ | ଏକ ଆଧୁନିକ ଏବଂ ଦକ୍ଷ ରେଳ ନେଟୱାର୍କ ବିକାଶ ପାଇଁ ଭାରତୀୟ ରେଳବାଇ ଦ୍ୱାରା ପଦକ୍ଷେପ ନିଆଯାଉଥିବା ବିଭିନ୍ନ ବିକାଶମୂଳକ ପ୍ରକଳ୍ପ ଏବଂ ଭିତ୍ତିଭୂମି ଉନ୍ନତି ବିଷୟରେ ଯାତ୍ରୀମାନଙ୍କୁ ମଧ୍ୟ ସଚେତନ କରାଯାଇଥିଲା |
ବାଣିଜ୍ୟିକ ବିଭାଗର ଅଧିକାରୀମାନେ ଏହି ଅଧିବେଶନଗୁଡ଼ିକରେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ ଏବଂ ସାମଗ୍ରିକ ଯାତ୍ରା ଅଭିଜ୍ଞତାକୁ ଉନ୍ନତ କରିବା ପାଇଁ ଯାତ୍ରୀମାନଙ୍କ ଦ୍ୱାରା ଦିଆଯାଇଥିବା ମୂଲ୍ୟବାନ ପରାମର୍ଶଗୁଡ଼ିକ ପ୍ରତି ଧ୍ୟାନ ଦେଇଥିଲେ | ନିରନ୍ତର ଯୋଗାଯୋଗ ଏବଂ ପ୍ରତିକ୍ରିୟାଶୀଳତା ମାଧ୍ୟମରେ ରେଳବାଇ ଏବଂ ଯାତ୍ରୀମାନଙ୍କ ମଧ୍ୟରେ ସମ୍ପର୍କକୁ ସୁଦୃଢ଼ କରିବା ଏହି ପଦକ୍ଷେପର ଲକ୍ଷ୍ୟ |
ଅଂଶଗ୍ରହଣକାରୀ ପ୍ରଶାସନକୁ ପ୍ରୋତ୍ସାହିତ କରିବା ଏବଂ ରେଳ ବ୍ୟବହାରକାରୀଙ୍କୁ ଗୁଣାତ୍ମକ ସେବା ପ୍ରଦାନ ସୁନିଶ୍ଚିତ କରିବା ପାଇଁ ଖୋର୍ଦ୍ଧା ରୋଡ୍ ରେଳମଣ୍ଡଳ ପରିସୀମା ମଧ୍ୟରେ ଥିବା ସମସ୍ତ ପ୍ରମୁଖ ଷ୍ଟେସନ ମାନଙ୍କରେ ଅମୃତ ସମ୍ବାଦ କାର୍ଯ୍ୟକ୍ରମ ଆୟୋଜିତ କରାଯାଇଅଛି |
