ଆଳି – ୨୪ା୮: ଆଳି ବ୍ଲକ ଅନ୍ତର୍ଗତ ମହୁ ପଞ୍ଚାୟତର ୧୧ନଂ. ୱାର୍ଡ ସ୍ଥିତ ମିଶ୍ରସାହି ଠାରୁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରାସ୍ତାରେ ଲଗାଣ ବର୍ଷା ଯୋଗୁ ସପ୍ତାହେ ହେଲା ପାଣି ଜମି ରହିଛି l ବିଦ୍ୟାଳୟର ଛାତ୍ରଛାତ୍ରୀ ଏବେ ବିଦ୍ୟାଳୟ ଯିବା ବେଳେ ନାହିଁ ନଥିବା ହୀନସ୍ତା ହେଉଛନ୍ତି ଆଣ୍ଠୁଏ ପାଣିରେ ପଶି ସ୍କୁଲ ଯାଉଛନ୍ତି ସପ୍ତାହେ ହେଲା ପାଣି ଜମି ରହିବାରୁ ପଚି ଦୁର୍ଗନ୍ଧ ହେଉଛି ଏଥିସହ ଏହି ରାସ୍ତା ପାର୍ଶ୍ବରେ ଘର କରିଥିବା ପ୍ରାୟ ୨୦ ପରିବାର ମଧ୍ୟ ଏକ ପ୍ରକାର ଜଳବନ୍ଦୀ ହୋଇ ରହିଛନ୍ତି ନିକଟରେ ଥିବା ବଣବୁଦାରେ ବର୍ଷା ପାଣି ପଶି ଥିବାରୁ ସାପ, ଗୋଧି ଆଦି ସରୀସୃପ ଆସି ଘରେ ପଶୁଛନ୍ତି ଷ୍ଟ୍ରିଟ୍ ଲାଇଟ୍ ନଥିବାରୁ ସଞ୍ଜ ନଇଁଲେ ଅନ୍ଧାର ସହ ସାପ ଭୟରେ ଲୋକେ ଘରୁ ପଦାକୁ ବାହାରୁ ନାହାଁନ୍ତି ବିଦ୍ୟାଳୟ ଖେଳ ପଡିଆ ଓ ଶୈାଚାଳୟ ଯିବା ରାସ୍ତାରେ ପାଣି ଜମିଥିବାରୁ ଛାତ୍ର ଛାତ୍ରୀ ବହୁ ଅସୁବିଧା ଭୋଗୁଛନ୍ତି ଦୀର୍ଘ ୫ବର୍ଷରୁ ଊର୍ଦ୍ଧ୍ବ ହେବ ଅଞ୍ଚଳବାସୀ ଏପରି ସମସ୍ୟାରେ ଘାଣ୍ଟି ହେଉଛନ୍ତି ନିମ୍ନମାନର କାମ ଓ ରାସ୍ତା ଉଚ୍ଚା ହୋଇ ନଥିବାରୁ ଏପରି ପାଣି ଜମୁଥିବା ଅଞ୍ଚଳବାସୀ ଅଭିଯୋଗ କରିଛନ୍ତି ସମସ୍ୟା ନେଇ ସ୍ଥାନୀୟ ରାଜନେତାଙ୍କ ଠାରୁ ବ୍ଲକ ପ୍ରଶାସନ ପର୍ଯ୍ୟନ୍ତ ଅଭିଯୋଗ କରି ଲୋକେ ନିରାଶ ହେଲେଣି ଆଗାମୀ ଦିନରେ କଲେକ୍ଟର ଅଫିସ ଯାଇ ଘେରାଉ କରିବା ସହ ସେଠାରେ ଧାରଣା ଦେବେ ବୋଲି କାଳନ୍ଦୀ ତ୍ରିପାଠୀ, କୁସୁମ ମିଶ୍ର, ମନୋଜ ତ୍ରିପାଠୀ ପ୍ରମୁଖ ପ୍ରଶାସନ କୁ ଚେତାବନୀ ଦେଇଛନ୍ତି
