କନ୍ଧମାଳକୁ ରାଜ୍ୟ ପୋଲିସ ମହାନିର୍ଦେଶକ ସୁନୀଲ ବଂଶଲଙ୍କ ଗସ୍ତ ନିର୍ବାଚନ ପାଇଁ ସୁରକ୍ଷା ବ୍ୟବସ୍ଥା ନେଇ ଉଚ୍ଚ ସ୍ତରୀୟ ସମୀକ୍ଷା ବୈଠକ

ଫୁଲବାଣୀ,୧୧ା୨, ରାଜ୍ୟ ପୋଲିସ ମହାନିଦେ୍ର୍ଧଶକ ସୁନୀଲ ବଂଶଲ ଫୁଲବାଣୀ ଗସ୍ତରେ ଆସି ତି୍ରସ୍ତରୀୟ ପାଂଚୟତ ନିର୍ବାଚନ ପାଇଁ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି । ଆଜି ଅପରାହ୍ନରେ ହ୍ୟାଲିକ୍ୟାପ୍ଟର ଯୋଗେ ଫୁଲବାଣୀ ସ୍ଥିତ ମାଦିକୁନ୍ଦା ରିଜର୍ଭ ପୋଲିସ ପଡିଆରେ ପହଂଚିବା ପରେ ପୋଲିସ ମୁଖ୍ୟାଳୟରେ ପହଂଚି ସେଠାରେ ଆଗାମୀ ତି୍ରସ୍ତରୀୟ ପଂଚାୟତ ନିର୍ବାଚନ ପାଇଁ ରାଜ୍ୟ ଏବଂ କନ୍ଧମାଳର ନିକଟବର୍ତି ଜିଲ୍ଲାର ଉଚ୍ଚପଦସ୍ତ ପୋଲିସ ଅଧିକାରୀ ମାନଙ୍କ ସହିତ ସୁରକ୍ଷା ବ୍ୟବସ୍ଥା ନେଇ ଆଲୋଚନା କରିଥିଲେ । ଏଥିରେ ପୋଲିସ ମହାନିଦେ୍ର୍ଦଶକଙ୍କ ସମେତ ରାଜ୍ୟ ଗୁଇନ୍ଦା ନିଦେ୍ର୍ଦଶକ ଲଳିତ ଦାସ,ସ୍ୱତନ୍ତ୍ର ଡିଜି ଏସ.ଏ.ପି ମନୋଜ କୁମାର ଛାବ୍ରା,ଆଇଜି ବିଏସଏଫ ଏସ ବୁଧାକୁଟୀ,ଆଇଜି ଅପରେସନ ଅମିତାଭ ଠାକୁର,ଆଇଜି ଏନ.ଆର ଦୀପକ କୁମାର,ଆଇଜି ଏସ.ଆର ସତ୍ୟବ୍ରତ ଭୋଇ,ଡିଆଇଜି ଏସ ଆଇ ଡବ୍ଲୁ୍ୟ ଅନିରୁଦ୍ଧ ସିଂ,ଏସପି କଳାହାଣ୍ଡି ସର୍ବଣ ବିବେକ,ଏସପି ବରଗଡ ରାହୁଲ ଜୈନ,ଏସପି ବଲାଙ୍ଗିର ନିତିନ କୁଶାଲକର,ଏସପି ବୌଦ୍ଧ ଜ୍ଞାନରଞ୍ଜନ ମହାନ୍ତି,ଏସପି କନ୍ଧମାଳ ଭିନିତ ଅଗ୍ରାୱାଲ ଏବଂ ବାଲିଗୁଡା ଉପଖଣ୍ଡ ଆରକ୍ଷୀ ଅଧିକ୍ଷକ ଜି.ରାଘବେନ୍ଦ୍ର ପ୍ରମୁଖ ଯୋଗ ଦେଇଥିଲେ ।

ସମୀକ୍ଷା ବୈଠକ ପରେ ପୋଲିସ ମହାନିଦେ୍ର୍ଦଶକ କନ୍ଧମାଳ ଜିଲ୍ଲାର କିଛି ଆଭ୍ୟନ୍ତରୀଣ ଅଂଚଳରେ ମାଓବାଦୀ ମାନଙ୍କର ଗତିବିଧି ରହିଛି । ଏହାକୁ ଦୃଷ୍ଟିରେ ରଖି ଆଗାମୀ ତି୍ରସ୍ତରୀୟ ପଂଚାତୟତ ନିର୍ବାଚନ ପାଇଁ ସୁରକ୍ଷା ବ୍ୟସ୍ଥାକୁ କଡାକଡି କରିବା ସହିତ ଭୋଟର ମାନେ ଯେପରି ନିର୍ଭୟରେ ସେମାନଙ୍କର ମତଦାନ କରିପାରିବେ ସେଥିପାଇଁ ସମସ୍ତ ପଦକ୍ଷେପ ନିଆଯିବ । ଅନ୍ୟ ପକ୍ଷରେ ମାଓବାଦୀ ମାନେ ହିଂସା ଛାଡି ସମାଜର ମୁଖ୍ୟ ଶୋ୍ରତରେ ସାମିଲ ହେବା ସହ ସରକାରଙ୍କ ଦ୍ୱାରା ସେମାନଙ୍କ ପାଇଁ ରହିଥିବା ଆତ୍ମସମର୍ପଣ ଏବଂ ଥଇଥାନ ଯୋଜନାର ଲାଭ ଉଠାଇବାକୁ ଆହ୍ୱାନ ଦେଇଛନ୍ତି । ଏହା ସହିତ ଚଳିତ ସପ୍ତାହରେ ମାଓବାଦୀ ମାନେ କନ୍ଧମାଳ ଜିଲ୍ଲାରେ ପୋଷ୍ଟର ଓ ବ୍ୟାନର ମାଧ୍ୟମରେ ସେମାନଙ୍କର ସ୍ଥିତି ଜାହିର କରିଥିବା ସହିତ ଠିକାସଂସ୍ଥାର ଗାଡି ପୋଡିବା ଏବଂ ସେମାନଙ୍କ ଦ୍ୱାରା ଖଞ୍ଜା ଯାଇଥିବା ଲ୍ୟାଣ୍ଡ ମାଇନ୍ସର ବିସ୍ଫୋରଣରେ ଜଣେ ନିରିହ ଯୁବକର ଜୀବନ ଯାଇଥିବା ବେଳେ ଲୋକଙ୍କ ପାଇଁ ନିର୍ବାଚନ ବେଳେ ସୁରକ୍ଷା ଏକ ବଡ ଚ୍ୟାଲେଞ୍ଜ ହେବକି ବୋଲି ଗଣମାଧ୍ୟମକୁ ଉତରରେ ମହାନିଦେ୍ର୍ଦଶକ କହିଛନ୍ତି ଏହି ସବୁ ଅଂଚଳରେ ଅତିରିକ୍ତ ସୁରକ୍ଷାବଳ ଯୋଗାଇ ଦିଆଯିବ ଯାହା ଦ୍ୱାରା ଜିଲ୍ଲାରେ ଅବଧାରେ ଏବଂ ନିରାପଦରେ ନିର୍ବାଚନ ହୋଇ ପାରିବ । ତେଣୁ ଜନସାଧାରଣ ନିର୍ଭୟରେ ସେମାନଙ୍କର ମତଦାନ କରି ପାରିବେ ବୋଲି ଗଣମାଧ୍ୟମକୁ କହିଛନ୍ତି ।