ହିଞ୍ଜିଳିକାଟୁ,୧/୭(ନିପ୍ର):-ଭଉଣୀ
ଏଭଳି ବର୍ବରୋଚିତ ହତ୍ୟାକାଣ୍ଡରେ ତାର ସ୍ୱାମୀ ଓ ଶାଶୂଘର ଲୋକେ ତାଙ୍କ ଭଉଣୀକୁ ମାରିଦେଇଥିବା ସନ୍ଦେହ କରି ମୃତକର ଭାଇ ଥାନାରେ ଅଭିଯୋଗ କରିଛି।ମୃତ ମହିଳା ଜଣଙ୍କ ହେଲେ ଆର.ତିରୁପତି ଦୋରାଙ୍କ ପତ୍ନୀ ଆର. ରାଣୀ ଦୋରା(୩୪)।ପୋୖରାଞ୍ଚଳର ଗଜପତି ନଗରରେ ଝିଅ ବାପଘର ବୋଲି ପୁଲିସ ସୂଚନା ଦେଇଛି।ମୃତ ଆର.ରାଣୀଙ୍କ ଭାଇ ପି ଶଙ୍କର ରାଓ ଦେଇଥିବା ଏତଲା ପ୍ରକାରେ ଗୁରୁବାର ସକାଳ ୬ ଘଣ୍ଟା ସମୟରେ ଭଉଣୀର ଦିଅର ଆର ନାଗେଶ୍ୱର ଦୋରା ତୁମ ଭଉଣୀ ପୋଡିଯାଇଛି ଏବଂ ତୁମେ ଆମ ଘରକୁ ତୁରନ୍ତ ଆସିଲେ ତାଙ୍କୁ ମେଡ଼ିକାଲ ନେବା ବୋଲି ଶଙ୍କରଙ୍କୁ ଡାକିଥିଲେ।ଭଉଣୀର ଶାଶୂଘରେ ଶଙ୍କର ପହଞ୍ଚି ଭଉଣୀର ବିଭତ୍ସ ତଥା ଅର୍ଦ୍ଧଦଗ୍ଧ ମୃତ ଶରୀର ଚଟାଣ ଉପରେ ପଡିଥିବା ଦେଖିଥିଲେ। ଘଟଣା ସମ୍ପର୍କରେ ସ୍ୱାମୀ ଓ ତାଙ୍କ ପରିବାର ଲୋକଙ୍କୁ ପଚାରିଥିଲେ। ସେ କେମିତି ମରିଛି ଆମେ କିଛି ଜାଣିନୁ ବୋଲି ଶାଶୂଘର ଲୋକେ ପ୍ରକାଶ କରିଥିଲେ।ଘରେ ସ୍ୱାମୀ,ଦିଅର,ଶାଶୁ,ନଣନ୍ଦ ଓ ନଣନ୍ଦର ୪ ଝିଅ ସମେତ ତାଙ୍କ ଭଉଣୀର ଗୋଟିଏ ପୁଅ ଓ ଝିଅ ରହୁଥିଲେ ବୋଲି ଭାଇ ଶଙ୍କର ଉଲ୍ଲେଖ କରିଛନ୍ତି।ଅଧିକାଂଶ ସମୟରେ ସ୍ୱାମୀ ଓ ଶାଶୂଘର ତାଙ୍କ ସହ ଝଗଡା କରିବା ସହ ଶାରୀରିକ ଓ ମାନସିକ ଯନ୍ତ୍ରଣା ଦେଉଛନ୍ତି ବୋଲି ଭାଇ ଶଙ୍କରକୁ ଭଉଣୀ ରୀତିମତ ଜଣାଉଥିଲେ।
ଭଉଣୀର ମୃତ୍ୟୁ ଘଟଣାରେ ସେମାନଙ୍କ ସମ୍ପୃକ୍ତି ରହିଛି ବୋଲି ଦାୟୀ କରି ଶଙ୍କର ଆଶଙ୍କା ପ୍ରକାଶ କରିଛନ୍ତି।ମୋ ଭଉଣୀକୁ ତାର ସ୍ୱାମୀ ଓ ତା ଶାଶୂଘର ଲୋକେ ଜୀବନରେ ମାରିଦେଇଛନ୍ତି ବୋଲି ସେ ଏତଲାରେ ଅଭିଯୋଗ କରିଛନ୍ତି।ଉକ୍ତ ସମ୍ବେଦନଶୀଳ ଘଟଣାର ଅଧିକ ତଦନ୍ତ ପାଇଁ ଆସିକା ଉପଖଣ୍ଡ ପୁଲିସ ଅଧିକାରୀ ଉମା ଶଙ୍କର ସିଂ ଏବଂ ଫରେନସିକ ଟିମ ଘଟଣା ସ୍ଥଳରେ ପହଞ୍ଚି ଛାନଭିନ ଚଳାଇ ନମୁନା ସଂଗ୍ରହ କରିଛନ୍ତି।
ଏଭଳି ଏକ ସ୍ପର୍ଶକାତର ଘଟଣାରେ ପୁଲିସ ଏତଲାରେ ଅଭିଯୋଗ,ପରିବାରର ସଦସ୍ୟଙ୍କ ହାବଭାବ,ଅର୍ଦ୍ଧଦଗ୍ଧ ଶବ ସହ ଏହାର ପାରିପାର୍ଶ୍ବିକ ଅବସ୍ଥିତି, ଫରେନସିକ ସାଇଣ୍ଟିଫିକ ଟିମର ନମୁନା ପରୀକ୍ଷଣ ଏବଂଶବ ବ୍ୟବଚ୍ଛେଦ ରିପୋର୍ଟ ଆଦି ବିଭିନ୍ନ ଦିଗକୁ ନେଇ ତଦନ୍ତ ହେଲେ ବର୍ବରୋଚିତ ଘଟଣାର ପର୍ଦ୍ଦାଫାସ ହୋଇ ବୋଲି ମତ ପ୍ରକାଶ ପାଇଛି।ପୁଲିସ ୩୪୫/୨୧ ରେ ଏକ ମାମଲା ରୁଜ୍ଜୁ କରି ଶବ ଜବତ କରିଛି। ନିର୍ବାହୀ ମାଜିଷ୍ଟ୍ରେଟ ତଥା ଅତିରିକ୍ତ ତହସିଲଦାର ସୁନିଲ କୁମାର ପ୍ରଧାନ ଙ୍କ ଉପସ୍ଥିତିରେ ଶବ ବ୍ୟବଚ୍ଛେଦ ଲାଗି ବ୍ରହ୍ମପୁର ବଡ ଡାକ୍ତରଖାନା ପଠାଇ ଘଟଣାର ତଦନ୍ତ ଚାଲିଥିବା ହିଞ୍ଜିଳିଥାନା ଏସଆଇ ତଥା ତଦନ୍ତକାରୀ ଅଧିକାରୀ ବାସୁଦେବ ଭୋଇ ସୂଚନା ଦେଇଛନ୍ତି।
Comments are closed.