କୋଣାର୍କ : ସମ୍ପ୍ରତି ଦେଶରେ କରୋନା ର ଦ୍ୱିତୀୟ ଲହରୀ ଜାରିରହିଛି ।ଯାହା ଚାଲେଞ୍ଜ ସ୍ୱରୂପ ସରକାର ଏହାକୁ ନେଇ ପ୍ରତିହତ କରିବାକୁ ସଚେତନତା ପନ୍ଥା ଗ୍ରହଣ କରିବା ପାଇଁ କଡା ନିର୍ଦ୍ଧେଶ ଜାରିକରାଯାଇ ଜନସାଧାରଣଙ୍କୁ ସଚେତନ ହେବାକୁ ବାରମ୍ବାର ନିବେଦନ କରାଯାଉଛି । ପ୍ରତ୍ୟେକ ବ୍ୟକ୍ତି ଏହି ପ୍ରାଣଘାତି ମହାମାରିକୁ ପ୍ରତିହତ କରିବାକୁ ହେଲେ ମାସ୍କ ପିନ୍ଧିବା ସହ ସମଦୂରତା ବଜାଇ ରଖିବା ନିହାତି ଜରୁରୀ ହୋଇପଡିଛି । ଯାହା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ କାଲି ରାଜ୍ୟ ବାସୀଙ୍କୁ ବାର୍ତ୍ତା ଦେଇ ଏହା କହିଛନ୍ତି । କିନ୍ତୁ ବିଶ୍ୱ ପର୍ଯ୍ୟଟନ ସ୍ଥଳି କୋଣାର୍କ ରେ ଏହା ସମ୍ପୂର୍ଣ୍ଣ ଓଲଟା ପରିଲକ୍ଷିତ ହେଉଛି ।ସ୍ଥାନୀୟ ପୋଲିସ ପ୍ରଶାସନର କଡା ତାଗିଦି ସ୍ଵତ୍ତ୍ୱେ କିଛି ଅମାନିୟା ପର୍ଯ୍ୟଟକ ବିନା ମାସ୍କ ରେ କୋଣାର୍କ ସୂର୍ଯ୍ୟ ମନ୍ଦିର ଭିତରକୁ ବୁଲିବାକୁ ଯାଉଥିବାର ପରିଲକ୍ଷିତ ହେଉଛି ।ଏଥି ପ୍ରତି ନାଁ ମନ୍ଦିର କର୍ତ୍ତୃପକ୍ଷ କି ସ୍ଥାନୀୟ ପ୍ରଶାସନ ର ତିଳେ ମାତ୍ର ଦାୟିତ୍ୱ ନଥିବାର ମନେ ହେଉଛି । ଗତ ତା ୮ .୪.୨୧ ଗୁରୁବାର ଦିନ ପୁରୀ ଏସପି କେ.ଭିଶାଲ ସିଂ କୋଣାର୍କ ସୂର୍ଯ୍ୟ ମନ୍ଦିର ନିକଟ କୁ ଆସି ପର୍ଯ୍ୟଟକ ମାନଙ୍କୁ ମାସ୍କ ପିନ୍ଧିବା ପାଇଁ କହିବା ସହ ଯେଉଁ ପର୍ଯ୍ୟଟକ ମାସ୍କ ପିନ୍ଧି ନଥିବେ ସେମାନଙ୍କ ଠାରୁ ଜୋରିମାନା ଆଦାୟ କରି ମନ୍ଦିର ଭିତରକୁ ନ ଛାଡିବା ପାଇଁ ସ୍ଥାନୀୟ ପୋଲିସ କୁ କଡା ନିର୍ଦ୍ଧେଶ ଦେଇଥିଲାବେଳେ । ଏଠାରେ ତାହା ପାଳନ କରାଯାଉନାହିଁ ।ଯାହା ପାଇଁ ପର୍ଯ୍ୟଟକ ମାନେ ବିନା ମାସ୍କ ରେ ମନ୍ଦିର ଭିତରକୁ ପ୍ରବେଶ କରୁଛନ୍ତି ।ଯାହା କରୋନା ର ଦ୍ଵତୀୟ ଲହରୀ ବ୍ୟାପିବାର ସମ୍ଭାବନା କୁ ଏଡାଇଦିଆଯାଇନପାରେ । କାରଣ ପ୍ରତିଦିନ କୋଣାର୍କ ସୂର୍ଯ୍ୟ ମନ୍ଦିର ପରିଦର୍ଶନ ରେ ଦେଶ ଓ ରାଜ୍ୟ ବାହାରୁ ହଜାର ହଜାର ପର୍ଯ୍ୟଟକ ବିଭିନ୍ନ ଅଞ୍ଚଳରୁ ଆସୁଛନ୍ତି । ତେଣୁ ସ୍ଥାନୀୟ ପୋଲିସ ପ୍ରଶାସନ ଏଥିପ୍ରତି କଡା ଆଭିମୁଖ୍ୟ ଗ୍ରହଣ କରିବାକୁ ସାଧାରଣରେ ମତପ୍ରକାଶ ପାଉଛି ।
